Jeremiah 4:3 - Tedim Bible

³ Judah gam mite leh Jerusalem khuamite’ tungah Topa in hih bangin ci hi: “Na lote uh kal un la, ling lakah vawh kei un.

Tedim Bible Revision 2017

³ Judah gam mite le Jerusalem khua mite tungah Topa in hih bangin ci hi: “Na lote uh kal unla, ling lakah khai vawh kei un.

Jeremiah 4:3 Referans Kwoze

Hosea 10:12

Khai tuh bangin thuman tuhin, kei nong itna hangun a piang thuphate at un. Note’ Topa keima lamah nong kihei nading uh a hun hita ahih manin lo thak lei kalkham un. Tua hi leh kei hong pai-in note tungah thupha kong pia ding hi, ka ci hi.

Luka 8:14

Ling lakah a kiate in, thu a zak khit uh ciangin amau deihna bang zui-in, lunghihmawhna, sum hauhna leh leitung lungdamnate in dep gawp a, gah a gah lote ahi uh hi.

Luka 8:7

Kimkhatte in ling lakah a kia hi. Ling kungte in amau tawh pokhawm uh a, a dep gawp uh hi.

Mattiu 13:7

Kimkhatte ling lakah kia a, lingkungte a khan’ ciangin dep gawp uh hi.

Marka 4:7

Kimkhatte in ling lakah a kia hi. Ling kungte khang uh a, dep gawp uh ahih ciangin a gah kei hi.

Mattiu 13:22

Ling lakah a kiate ahih leh, thu a zak ciangin leitung lunghihmawhna, sum leh pai khemna in depgawp uh a, a gah zo lote ahi hi.

Piancilna 3:18

Leitang inling leh kiakte nang’ adingin hong pokhiasak ding a, nang in gamlak kungte na ne ding hi.

Paikhiatna 23:11

ahih hangin a kum sagihna ciangin, nomau' mi a zawngte in a nek theih nadingin leitang tawlnga sakin lokhul-in na omsak ding uh hi; gamlak ganhingte in amau’ nusiatte ne thei ding uh hi. Na leenggui lote uh leh na oliv lote uh zong tua mah bangin na hih ding uh hi.