Jeremiah 4:29 - Tedim Bible

²⁹ Sakol tunga tuangte leh thal tawite’ aw a kizak ciangin mi khempeuh galtai mang uh a, gamlak-ah tai-in, suang lakah a kahto uh hi; khuapi khempeuh kinusia khin a, kuamah teeng nawn lo hi.

Tedim Bible Revision 2017

²⁹ Sakol tunga tuangte le thal tawiteʼ aw a kizak ciangin mi khempeuh galtai mang uh a, gamlak ah tai-in suang lakah a kah to uh hi. Khuapi khempeuh kinusia khin a, kuamah teeng nawn lo hi.

Jeremiah 4:29 Referans Kwoze

Jeremiah 4:7

Humpi khat a bukna sawl kawm lak pan hong kuankhia zo a, gamte susia dingpa hong paikhia khin zo hi. Na gam uh a kisia sak ding leh na khuapite uhah kuamah a teen’ loh nadingin a susia dingin ama’ omna panin hong kuankhia khin zo hi.

Luka 23:30

Tua lai takin mite in, ‘Komau tungah hong kia un. Komau hong vuk un,’ ci-in mualte a sam ding uh hi.

Amos 9:1

Biaknatau gei-ah Topa a ding ka mu a, hih bangin thu a pia hi: “Biakinn lim khempeuh a kilin’ theih nadingin biakinn khuampi luzang satgawp in. Tuate satkham in la mite’ luzang tusak in. Tua lai panin a suakta kha teng, gal sungah ka sisak ding hi. A taikhia, a suakta, kuamah om lo ding hi.

Jeremiah 52:7

Tua ciangin khua kulhpi kiphutlet a, khuapi kimkotah Khaldea mite om napi-in, galkapte in zan laitak-in kumpipa’ huan gei-a kulh tegel kikal-a kongpi tawnin a taikhia sim uh a, Arabah leizang lam a manawh uh hi.

Isaiah 30:17

Mual sang dawn a, dial khuam bang ahi a, mualtunga dial tawh kibangin ahi zongin, note hong kinusiat dong matengin, mi khat’ tawn’na tawh tulkhat tai-in, mihing nga’ tawn’na tawh note na taimang ding uh hi.

2 KHANG TANGTHU NIHNATE 33:11

Tua ciangin Topa in Assiria kumpipa’ galkap ukte amau kiangah paipih a, amaute in sikkawite tawh Manasseh manin sumngo khau tawh khihin Babilon ah paipih uh hi.

1 SAMUEL MASA 13:6

Israel mite in amaute haksatna sungah a om lam uh a kimuh uh ciangin (bang hang hiam cih leh galte in amaute neh mahmah uh hi), mite suanghawm sung, leihawmte sung, suangte sung, hante sung leh tuikhukte sungah bu uh a,

Isaiah 6:12

Topa in gamlapi-ah mite khinkhia-in, leitungah a kinusia mun tampi a om dong, tua tan hong sawt ding hi, hong ci hi.

Jeremiah 6:23

Thal leh teipi tawi uh a, giloin hehpihna lungsim nei loin, a husa uh tuipi ging tawh kibang hi. Zion’ tanu aw, amaute sakol tungah tuangin, nangmah do dingin a kithawi uh hi!” a ci hi.

Jeremiah 16:16

“En un, Topa in kong cih-inah, nga beng tampi ka khah ding a, amaute ka mansak ding hi. Tua khit ciangin sa beng tampi ka khah ding a, amaute in mual tung khempeuh leh suanghawmte panin amaute a bengmang ding uh hi.