Jeremiah 4:27 - Tedim Bible

²⁷ Bang hang hiam cih leh Topa in, “Gam buppi gamlak suak ding a, ahih hangin ka susia suak sam kei ding hi.

Tedim Bible Revision 2017

²⁷ Bang hang hiam cih leh Topa in, “Gam buppi, gamlak suak dinga, ahih hangin ka susia sam kei ding hi.

Jeremiah 4:27 Referans Kwoze

Jeremiah 46:28

Topa in kong cih-inah, ka nasem pa Jakob’ suante aw, lau kei un. Bang hang hiam cih leh note kong ompih hi. Note kong thehthangna gamte khempeuh ka susia khin ding a, ahih bangin note kong susia khin kei ding hi. A kilawm zahin kong thuhilh ding a, daantat loin kong mawk nusiat kei ding hi,” a ci hi.

Jeremiah 5:18

“Ahih hangin tua bang hun ciang nangawnin, Topa in kong cih-inah, note kong su maimang khin sam kei ding hi.

Jeremiah 5:10

“A gual-a a kisuan a leenggah huan sungah pai in la, suksiat sak in; ahi zongin suk maimangsak sam kei in. A hiangte heuh khiatsak in, bang hang hiam cih leh tuate Topa’ aa hi lo hi.

Jeremiah 30:11

Bang hang hiam cih leh Topa in kong cih-inah, a hong honkhia dingin note kong ompih hi. Note kong theh thangna gamte khempeuh ka susia khin ding a, ahih hangin note kong susia kei ding hi. A kilawm zahin kong thuhilh ding a, daantat loin kong mawk nusiat kei ding hi.

Ezekiel 11:13

Tua bangin mailam thupiang ding genin ka om lai takin Benaiah’ tapa Pelatiah hong din’sih hi. Kei zong lei-ah bok sukin ka kiko a, “Topa Pasian aw, Israel gam sunga a om lai mi khempeuh thah khit sawm na hi hiam?” ka ci hi.

Siampi Laibu 26:44

Bang bang ahi zongin, amaute a galte uh gam sungah a om sung teng uh keimah in amaute nilkhia loin, amaute a susia maimang zah ding leh amaute tawh ka thuciamna a pelh zah dingin amaute ka mudah kei ding hi; bang hang hiam cih leh keimah in Topa amau Pasian ka hi hi;

Ezekiel 33:28

Gamsung khempeuh gamkhing ka suaksak ding a, amaute’ kisaktheihpih vangliatna teng bei ding hi. Israel mual tungte gamkhing suak ding ahih manin kuamah in kantan ngam lo ding uh hi.

Ezekiel 6:14

Keimah in ka khut zanin a gam khempeuh uh ka susia ding hi. Leitaw lam gamlak pana kipanin leilu lam Riblah khuapi dongin, Israel mite’ omna mun khempeuh, siit nei loin ka vatmai ding hi. Tua ciangin Topa ka hih lamtak mi khempeuh in thei ding uh hi,” hong ci hi.

Jeremiah 18:16

Amau’ gam uh a mulkimhuai leh simmawhna tawh a kiphitsan den ding gam a suaksak uh hi. A kantan mi khempeuh a mulkim uh a, lamdang sa-in a lu uh a pei uh hi.

Jeremiah 7:34

Tua ciangin Judah gam khuapite leh Jerusalem khua kongzing lakah gualnopna leh lungdamna awte leh zi nei thakte leh mothakte’ awte ka gingsak nawn kei ding hi; bang hang hiam cih leh tua mun kinusia ding hi.

Jeremiah 4:7

Humpi khat a bukna sawl kawm lak pan hong kuankhia zo a, gamte susia dingpa hong paikhia khin zo hi. Na gam uh a kisia sak ding leh na khuapite uhah kuamah a teen’ loh nadingin a susia dingin ama’ omna panin hong kuankhia khin zo hi.

Isaiah 24:1

En un, Topa in leitung hawmsuak sakin gamkhing suaksak ding a, amah in lei maitang huiheek gawpin, a tunga teeng mite thehthang ding hi.

2 KHANG TANGTHU NIHNATE 36:21

Tua sungin Israel leitang in a sabbathte a kicingin na tang hi. Kamsang Jeremiah tung tawnin Topa’ thugen a tun’ nadingin kum sawmsagih a cin’ nadingin leitang a kinusiat sung khempeuh leitang in sabbath tawlngakna a tang ahi hi.

Nehemiah 9:31

Ahi ta zongin na hehpihna lian hangin amaute beisak loin, zong na nusia kei hi; bang hang hiam cih leh nangmah in dikna leh hehpihna a nei na hi hi.

Jeremiah 4:20

Siatna khat khit ciang’ khat hong tung a, gamsung khempeuh kisia khin hi. Tha khat thu-in ka bukte hong kisuksiat sak a, ka puan khaite hong kek gawp hi.

Jeremiah 9:11

Jerusalem khua ninkholna ka bangsak ding a, se-alte’ teen’na ka suak sak ding hi. Judah khuapite gamlak ka suak sak ding a, kuamah a teeng nawn kei ding hi,” a ci hi.

Jeremiah 25:11

Gamsung khempeuh kisia-in gam simtham suak ding a, hih mite khempeuh kum sawmsagih sung Babilon kumpipa’ sal-in a om ding uh hi.

Jeremiah 44:6

Tua ahih manin Judah gam khuapite’ sung leh Jerusalem khua kongzing lakah ka hehna leh ka thangpaihna ka bua-a ka kuangsak hi. Tu ni-a na muh uh bangin tuate kisia-in gamlak suak khin ta hi.

Ezekiel 20:17

Ahi zongin amaute ka khasiat a, gamlakah amaute ka susia kei a, ka maimangsak kei hi.

Siampi Laibu 26:31

Keimah in na khuapite uh siasakin, na biakinnte uh gamkhing ka suaksak ding a, nomau’ gim namtuite ka diik kei ding hi.

Isaiah 17:6

Oliv kung a kisin’ ciangin a hiang sang pen dawnah pumnih pumthum, singkung hiang dawnah pumli pumnga a om lai tawh kibang ding hi, Israelte’ Topa Pasian in ci hi.

Kah la 2:7

Topa in a siangtho biakinnpi leh a biakna tau deih nawn lo a, biakinn kulhpi galte a susiasak hi. Lungdamna tawh Amah i biakna munah, amaute gal zoin a kiko uh hi.

Zefaniah 1:18

Topa’ heh thukna ni hong tun’ ciangin, amau’ ngun leh amau’ khamte in honkhia zo lo ding hi. Ama hehna meikuang in leitung khempeuh kangtum ding a, thakhat thu-in leitunga teeng mi khempeuh sumai ding hi.