Jeremiah 4:20 - Tedim Bible

²⁰ Siatna khat khit ciang’ khat hong tung a, gamsung khempeuh kisia khin hi. Tha khat thu-in ka bukte hong kisuksiat sak a, ka puan khaite hong kek gawp hi.

Tedim Bible Revision 2017

²⁰ Siatna khat khit ciangin a dang khat hong tung a, gam sung khempeuh kisia khinta hi. Thakhat thu-in ka bukte hong kisuksiatsak a, ka puankhaite kikek gawp hi.

Jeremiah 4:20 Referans Kwoze

Late 42:7

Nangma tuizeu ging tawh tui thukte khat leh khat kidawng a, na tuihual neu leh na tuihual liante in kei hong tuum hi.

2 THESALONIKA NIHNA 1:9

Tua Topa in ama misiangthote hangin minthan’na a ngah nading ahi zongin, kote’ teci pan’na thu note in um na hih uh ciangin a um mite khempeuh hangin nakpi-in lamdangsakna ngah nading ahi zongin, a hong pai ding Ni-ah tua mite in Topa maitang tawh ahi zongin, vangliatna tawh kipawl minthan’na tawh ahi zongin kikhenin, kisiat tawntungna ahi mawhna’ daantatna a thuak ding uh hi.

Mattiu 10:28

Pumpi a thah theih hangin kha a that zo lote na kihta kei un. Pumpi leh kha hel khua sungah a khul zopa na kihta zaw un.

Joel 1:15

Kalai! A hun hong nai ta! Topa’ ni hong nai ta a, Vanglianpa’ suksiatna hong nai ta hi.

Ezekiel 14:21

“Topa Pasian’ thugen in hih bang ahi hi. Mihing ganhing a sumai dingin daan nasia pen li ahi gal, kialpi, a kihtakhuai gamsate, leh natna, Jerusalem ah ka tungsak ding hi.

Kah la 3:47

Siatna bekbek tawh kidimin, kihtakna leh launa tawh ka nungta uh hi.

Jeremiah 17:18

Kei a hong bawl siate na zahhuaisak in la, ahih hangin kei hong zahhuai sak kei in. Amaute na lungamsak in, ahih hangin kei hong lungamsak kei in. Amaute’ tungah siatna ni tungsak in la, a zah nih-in susia in!

Isaiah 33:20

Pawite i bawlna khuapi Zion en un! Daii tak-a a kiteen’na mun, a khetphimte a tat ngei lo, a kikhin thei lo puanbuk a bang, Jerusalem khuapi, na mu ding uh hi.

Isaiah 13:6

Topa’ ni hong nai ahih manin nakpi-in kap un; Vanglian Pa’ kiang panin suksiatna hong tung ta ding hi.

Siampi Laibu 26:24

kei zong note tawh a kilehngatin pai-in, keimahmah in na khialhnate uh hangin a zah sagih vei-in note kong sat ding hi.

Siampi Laibu 26:21

“Tua ciangin kei tawh kilehngatin pai-in, keima thu na ngaih kei uh leh, keimah in note’ khialhna a zah sagih vei-in note tungah gimna kong tung sak ding hi.

Siampi Laibu 26:18

Tua bang hi napi-in note in ka thu nong ngaih kei uh leh, keimah in na khialhna hangun a zah sagih vei-in note kong thuhilh kik ding a,

Paikhiatna 33:5

Bang hang hiam cih leh Topa in Moses' kiangah, “Israel mite' tungah gen in, ‘Note in lungkhauh mi na hi uh hi; note' lakah tomno khat sung hong paito leng note kong beisak ding hi. Tua ahih ciangin note kong bawl nading ka theih nadingin note'tung panin na kizepnate uh suahkhia un,’ ci in,” ci-in gen khinzo hi.

Habakkuk 3:7

Kush gam mite a lau mahmahna, leh Midian gam mite a liin’na uh ka mu hi.

Jeremiah 4:6

Zion mual lampi kihilh un la, na suahtak nadingun tai un, zekai kei un! Bang hang hiam cih leh leilu lam panin siatna lianpi kong puaksuk hi.

Isaiah 54:2

Na buk mun khan in la, na teen’na puanbukte kizalsak in; cil bawl kei in, na khaute sau sak in la, na khetphimte kip sak in.

Isaiah 47:9

Aisan siamnate leh mibum siamna vang lianpi na neih hangin ta khuaisuahna leh meigon’na, hih thu nihte thakhat thu-in ni khat sungin a kicing takin nang tungah hong tung veve ding hi.

Late 72:19

A minthang ama min in thupha ngah tawntung hen la, ama minthan’na in leitung khempeuh dim ta hen! Amen, Amen.

Gamlak-vakna 16:45

“Tomno sungin amaute ka siatsak theih nadingin hih mihonte laizang panin paikhia un,” a ci hi. Amaute boksuk uh hi.

Gamlak-vakna 16:21

“Amaute tomno sungin ka beisak theih nadingin hih mihonte lak panin kihem un,” a ci hi.

Siampi Laibu 26:28

note tawh a kilehngatin ka heh ngawh pah ding a, note’ khialhna hangin keimahmah in a zah sagih vei-in kong thuhilh ding hi.

Isaiah 15:5

Moab gam adingin ka lungsim kiko hi; a galtai ama mite Zoar khua, Eglath-shelishiah khuate ah tai uh hi. Bang hang hiam cih leh Luhith lampi-ah amaute kapsa-in paito uh hi; Horonaim khua zuatna lampi ah amaute in siatna a thuakna uh hangin nakpi-in kiko uh hi;

Jeremiah 4:21

Bang tan vei gal kisimna ka mu lai ding hiam? Bang tan vei peengkul aw ka za lai ding hiam?

Jeremiah 4:27

Bang hang hiam cih leh Topa in, “Gam buppi gamlak suak ding a, ahih hangin ka susia suak sam kei ding hi.

Jeremiah 12:11

Pawn lak hong suaksak uh a, dah-in ka kap hi. Gamsung khempeuh a kisiat khit hangin kuamah in phamawh sa lo sawnsawn hi.

Jeremiah 9:18

Va kinawhsak un la, i khitui a luan’ theih nading, i mitkhu a kawt theih nadingin eite hong kah uh hen.