Jeremiah 4:19 - Tedim Bible

¹⁹ Aw, ka lungtang, ka lungtang! Na ka sa mahmah hi! Ka lungtang kisai vanvan a, ka om hithiat thei kei hi; bang hang hiam cih leh peengkul mutna aw, gal kisimna aw ka za hi.

Tedim Bible Revision 2017

¹⁹ Aw, ka lungtang, ka lungtang! Na ka sa mahmah hi. Ka lungtang kisai vanvan a, ka om hithiat thei kei hi; bang hang hiam cih leh peengkul mutna aw, gal kisimna aw ka za hi.

Jeremiah 4:19 Referans Kwoze

Habakkuk 3:16

Hih thute khempeuh ka zak ciangin ka liing gawp a, lau lua-in ka muk liing sapsap hi. Ka guh ka taang hong zen a, guh nei lo bangin ka pukcip suk hi. Ko hong simgawp mite Pasian in a daan piak ding hun, dai takin ka ngak khikhe ding hi.

Isaiah 22:4

Tua ahih ciangin keimah in, “Kei hong en kei un la, khitui tampi luangin nakpi-in hong kapsak un; ka mite tampi a sihna hangin keimah hehnem ding hong hanciam kei un,” ka ci hi.

Isaiah 16:11

Tua ahih ciangin Moab gam hangin laiza la sakna bangin ka lungsim kisat gaihgaih a, Kirhareseth khuapi hangin keimahmah zong ka kisat gaihgaih hi.

Jeremiah 9:10

“Mualte adingin kap-in tau un la, gamlak lo nona munte adingin thuum un. Bang hang hiam cih leh tuate keu gawp a, kuamah pai nawn lo hi, bawng ham zong kiza nawn lo hi; van-a leeng vasate leh gamsate a taimang ta uh hi.

Jeremiah 9:1

Aw, ka lu tuikhuk hi-in, ka mitte khitui nak hi tazen leh pawh, ka mite’ kithahlupna hangin a sun a zanin kapkap mai ning!

Isaiah 21:3

Tua ahih ciangin ka pumpi na hi; nausuak numei in na a sak bangin na ka sa hi; khuaza thei lo zah dongin a kuncip-in ka om a, ka muh nate hangin lamdang sa in ka om hi. khua mu thei lo zah dongin lungkia-in ka om hi.

Galati 4:19

Khazih in note sungah kip-a, a om matengin note ading ta suak gimna ka thuak ka ta neute aw,

Daniel 8:27

Keimah Daniel in, ni tawmvei sung thazaw gawpin ka ci a na hi. Tua ciangin tho-in, ka nasep ngei semkik dingin kumpi innah ka pai hi. Ka mangmuhna thu thei zo lo ka hih manin cih nading meel thei loin dap takin ka om hi.

Daniel 7:15

Ka mangmuhnate in hong linglawng sakin a hong patausak mahmah hi.

Isaiah 15:5

Moab gam adingin ka lungsim kiko hi; a galtai ama mite Zoar khua, Eglath-shelishiah khuate ah tai uh hi. Bang hang hiam cih leh Luhith lampi-ah amaute kapsa-in paito uh hi; Horonaim khua zuatna lampi ah amaute in siatna a thuakna uh hangin nakpi-in kiko uh hi;

Late 116:7

Lungmuang takin ka om ding hi; bang hang hiam cih leh kei tungah Topa hong thunuam hi.

ROM (Romans) 10:1

Ute naute aw, Israel mite in gupna a ngah nadingun ka lungsim in deihin, Pasian kiangah thu ka ngetsak hi.

Amos 3:6

Khuapi sungah pataukohna gal peengkul a kitum ciangin, mite lau loin om mawk thei ahi hiam? Topa’ tun’ sak lohpi-in khuapi sungah, lauhuaina mawk tun’ ahi hiam?

Daniel 7:28

Hih tangthu a beita hi. Hih thu ka ngaihsut ciangin kei, Daniel ka lau mahmah a, ka meel a daang gawp hi. Ahih hangin hih thu keima lungsim sung bekah ka koih hi.

Kah la 2:11

Ka kah kahna-in ka mit paat gawp a, ka lungsim a gim lua mahmah hi. Ka mite kisiatna hangin dahin husamin ka bah gawp hi. Naupangte leh naungeekte kongzing lakah a sibup uh hi.

Kah la 1:16

Tua ahih manin ka mit sung pan khitui a dim letin a luang hi. Hong hehnem ding leh hong hanthawn ding kuamah a om kei hi. Galte in hong zo khin a, ka mite a cimawh uh hi.

Jeremiah 23:9

Kamsangte tawh kisai-in: Topa’ hang leh ama’ thu gen kammal siangthote’ hangin ka sungah ka lungsim kitam kham a, ka guh ka tang a liing hi. Zu tam ne lua-a a kham mipa tawh ka kibang hi.

Jeremiah 20:9

Keimah in, “Ama’ thu ka gen kei ding a, ama’ min ka lo nawn kei ding hi,” ci mah taleng zong, ama’ thu ka lungsim sungah meikuang bangin hong om a, ka guh ka tang sungah kikhum cip ahih manin ka ki-ip ipna-in ka gim lua a, gen loin ka om thei kei hi.

Jeremiah 13:17

Ahih hangin ka thu nong ngaih kei uh leh na kisaktheihna uh hangin ka kapsim ding a, khitui luangin nakpi takin ka kap ding hi. Bang hang hiam cih leh Topa’ tuu honte sal dingin kikai zo hi.

Jeremiah 4:21

Bang tan vei gal kisimna ka mu lai ding hiam? Bang tan vei peengkul aw ka za lai ding hiam?

Jeremiah 4:5

Judah gamah va gen un la, Jerusalem khua-ah va tangko un. Gam sung khempeuh-ah peengkul mut-in awng un la, va gen un. ‘Hong kikhawm un la, khuapi muan’ huaite sungah va lut ni!’ va ci un.

Late 146:1

Topa phat un! Ke’n, Topa ka phat ding hi.

Late 119:136

Mite in nangma thu zui lo ahih manin ka khitui hawk luan’in a luang hi.

Late 119:53

Nangma thu a nusia migilote hangin ka heh a suak hi.

Late 103:1

Topa ka phat ding a, ka lungsim khempeuh tawh ama min siangtho ka phat ding hi.

Late 16:2

Topa tungah, “Nang in ka Topa na hi hi; nang tawh loin hoihna ka nei kei hi,” ka ci hi.

Thukhente 5:21

Kishon guntui khang in amaute tai a, a leeng vanvan tuikhang, Kishon tuikhang in tai hi. Thakhauh takin mai ka nawt suak ding hi!

Gamlak-vakna 10:9

Na gam sung uhah no hong nengniam na galte uh tawh na kido ding uh ciangin, Topa na Pasian uh mai-ah note hong kiphawk nadingin peengkulte tawh pataukohna aw na gingsak ding uh a, na langte panun note hong kihon ding hi.

Piancilna 49:6

Amau’ kikhopna-ah ka pai kei ding a, amau’ pawl tawh ka kizom kei ding hi; bang hang hiam cih leh a hehna uhah amaute in mi that uh a, amau' kiphatsakna tawh amaute in bawngtalte zagui sattat uh hi.

1 KORIN MASA 14:8

Peengkul in zong a man lopi-in a gin’ leh, galkap ding kua in a kisa ding hiam?

Jeremiah 6:24

Tua thu i za khin zo a, bangmah i cih thei kei hi. Lungkhamna in hong hencip a, nupi nau suak ding bangin na i sa hi.

Jeremiah 8:21

Ka mite’ thuakna hangin ka lungsim kisia hi. Lung kham lua-in ka kap hi.

Jeremiah 42:14

Gal om lohna, peengkul kitum lohna, an duh gilkial lohna Izipt gamah pai-in tua laiah ka teeng ding uh hi,’ na cih uh leh

Jeremiah 49:2

Tua ahih manin, en un, Topa in kong cih-inah, Ammon gam Rabbah khua kisim a, galdona aw a kizak hun ka tung sak ding hi. Tua khuapi kisusia mang ding a, khuaneute kihaltum ding hi. Tua ciangin Topa in kong cih-inah, Israel mite in a gam uh a lak sak mite kiang panin a gam uh a ngah kik ding uh hi.

Jeremiah 50:22

Gam sungah gal simna aw kiza a, na tampi kisia hi!

Daniel 4:19

Tua ciangin Belteshazzar zong a kici Daniel in a lungmang lua ahih manin tawmvei sung bangmah gen thei loin a om hi. Kumpipa in, “Belteshazzar aw, mang leh a khiatna huhau in na lung mangsak zenzen kei in,” a ci hi. Belteshazzar in, “Kumpipa aw, na mangmat leh a khiatna pen na galte tungah tungzaw hen.

2 KUMPI NIHNATE 4:19

Tua ciangin amah in a pa kiangah, “Aw, ka lutang, ka lutang!” a ci hi. A pa in a nasempa kiangah, “A nu kiangah, va pua in,” a ci hi.

2 KUMPI NIHNATE 8:11

Tua ciangin amah a maizum dongin a etna mun mah en denin Hazael sal gega hi. Tua ciangin Pasian’ mipa kap hi.

Isaiah 21:4

Ka lung vai a, kihtakna in hong si daang sak hi; keima lunggulh zan khuamial pen keima liin’na a suak hi.

Jeremiah 8:18

Ka dahna dam thei lo a, ka lungsim na mahmah hi.

Kah la 1:20

Topa aw, ka thuaknate, ka lung gimnate hong en in. Ka mawhna hangin dah ka hih manin ka lungtang a kitam hi. Kongzing lakah kithahna om a, innsung nangawn ah sihna a om hi.