Jeremiah 4:17 - Tedim Bible

¹⁷ Judah gam in kei hong langpan’ ahih manin a galte in lo hongte bangin a kimkot-ah a pang dimdiam uh hi, Topa in kong ci hi.

Tedim Bible Revision 2017

¹⁷ Judah gam in kei hong langpan ahih manin lohongte bangin a galte in a kimkot ah a pang dimdiam uh hi, Topa in kong ci hi.

Jeremiah 4:17 Referans Kwoze

Jeremiah 5:23

Ahih hangin hih mite lungsim khauhin hong langpan’ zen uh hi; hong kihei san uh a, hong paisan uh hi.

Kah la 1:18

Topa in a thutang ahi hi. Bang hang hiam cih leh keimah in ama thu a mang lo ka hi hi. Mun khempeuh-a a om mite aw ka thu genna hong ngai un. Ka thuaknate hong mu dih un. Ka khangno numei pasalte sal-in a kipua khia hi.

Kah la 1:8

A minthan’na teng a bei hi, a guaktang in om ahih manin a maizum hi. Thuum in tau a, a zum manin a mai a hum hi. Jerusalem in mawhna lian bawl ahih manin a kihhuai mahmah hi.

Isaiah 30:9

Bang hang hiam cih leh amaute pen, a lehdo mite, a zuau thei tapate, Topa’ hilhna thu a ngai nuam lo mite ahi uh hi;

Isaiah 1:8

Jerusalem khuapi bek om lai a, leenggui lo-a buk, tangmai lo sunga hampheng bangin kuama’ hut lohin kinusia a, a ki-umcih khuapi tawh kibangin kinusia hi.

Nehemiah 9:30

Kum tampi sung lungduaina tawh amaute na thuak a, na kamsangte tung tawnin na Kha Siangtho tawh amaute na hilhkhol hi; ahi zongin amaute in ngai nuam lo uh hi. Tua ahih ciangin gamdang mite khut sungah amaute na pia hi.

Nehemiah 9:26

“‘Ahi zongin amaute in dem nopna lungsim nei-in nang hong lehdo uh hi; amaute in na thukham nungngat uh a, nangma lamah hong ciahkik nadingun amaute a hilhkhol na kamsangte that uh a, amaute in gendai-mawhna lianpi bawl uh hi.

Thu-hilhkikna 9:24

Note kong theih ni-a kipan Topa na lehdo uh hi.

Jeremiah 52:4

Tua ciangin amah kumpi a suah zawh a kum kua kum, a kha sawmna, a ni sawm ni-in Babilon kumpipa Nabukhadnezzar in a galkap khempeuh tawh Jerusalem khua sim dingin hong kuan uh a, khuapi kimkotah galdalna a phut uh hi.