Jeremiah 4:15 - Tedim Bible

¹⁵ Ngai un, Dan gam pan aw khat hong ging a, Efraim Mual pan kisiat nading thu hong kitangko hi!

Tedim Bible Revision 2017

¹⁵ Ngai un; Dan gam panin aw khat hong ging a, Efraim Mual panin kisiatna ding thu hong kitaangko hi.

Jeremiah 4:15 Referans Kwoze

Jeremiah 8:16

Leilu lam Dan khua pek panin galte’ sakol nak ging kiza hi; a sakol hatte’ hamna awging in gam teng lei teng liingsak hi. Amau in i gam leh a sunga om teng tawh khuapi leh a sung-a teeng teng tawh a hong susia khin ding uh hi,’ a ci ding uh hi.

Jeremiah 6:1

Benjamin’ suante aw, na suahtak nadingun tai un! Jerusalem khua taisan un! Tikoa khua-ah peengkul mut un la, Bethhakkherim khua-ah theihsakna meikhu suaksak un. Bang hang hiam cih leh leilu lam panin, gimna leh siatna lianpi a hong pai ding hi.

Thukhente 20:1

Tua ciangin Israel mite khempeuh, Gilead gam zong a kihel, Dan panin Be-ersheba dong hong kuankhia uh a, Topa' kiang Mizpah-ah mihing khat bangin mihonte hong kikhawm uh hi.

Thukhente 18:29

Amaute in tua khuapi min pen Israelte sungah a suak amau’ pian’na Dan tamin Dan phuak uh hi; ahih hangin a masa-in tua khuapi min in Laish ahi hi.

Joshua 20:7

Tua ahih ciangin amaute in Naftali mualtung gam sunga om Galile gam sung panin Kedesh khua, Efraim mualtung gam sungah Shekhem khua, leh Judah mualtung gam sungah Kiriatharba (Hebron a cihna) khuate tuam koih uh hi.

Joshua 17:15

Tua ciangin Joshua in amaute kiangah, “Note mi tampi pha a, Efraim mualtung gam in note’ adingin neu lua ahih ciangin Perez leh Refaim gam tulakah pai un la, nomau’ ading gam vat tawm un,” a ci hi.

Isaiah 52:7

Thu hoih hong puak, kilemna thu a genzaak, thu hoih thupha hong puak, hotkhiatna thu a genzaak, Zion tungah, ‘Na Pasian in uk hi,’ ci-in mualte kantanin thu hong gente’ khe bangzahin hoih ahi hiam?

Jeremiah 10:22

Ngai dih un, thu khat kigen veh! Judah khuapite gamlak a suaksak ding leh se-alte’ kua a suaksak dingin leilu lam gam panin buaina lianpi khat hong pai veh!