Jeremiah 4:12 - Tedim Bible

¹² Ka sawl huih in tua bang dingin hat lua ding hi. Tu-in keimah in amaute’ tungah thu khen-in ka gen hi,” a kici ding hi.

Tedim Bible Revision 2017

¹² Ka sawl huih pen tua bang dingin hat lua ding hi. Tu-in Topa in amaute tungah thu khenin a gen hi,” kici ding hi.

Jeremiah 4:12 Referans Kwoze

Jeremiah 1:16

Ka mite in kei hong taisan uh ahih manin a mawhna uh hangin amau’ tungah thu ka khen ding hi; pasian dangte meihal biakna a pia uh a, a khut uh tawh a bawlsa milimte a bia uh hi.

Ezekiel 5:8

Tua ahih manin Topa Pasian ahi keimah in nang kong langpan’na thu a hong gen ka hi hi. Minam dang khempeuhte muh-in nang tungah thu kong khen ding hi.

Late 11:6

Migilote tungah amah in mei-am leh kat zusak ding a, amau ngah ding hai in huih sa mahmah hi ding hi.

Jeremiah 4:11

Tua hun ciangin hih mite leh Jerusalem khuamite’ kiangah, “A sa mahmah huih sehnel gam a sang mun panin ka mite’ tungah hong nung ding a, tua huih pen an vaite zapsiang dinga a nung huih bang hi lo hi.

Jeremiah 4:13

En un, i galpa meii bangin hong pai a, a sakol leengte pingpei tawh kibangin, a sakolte muvanlaite sangin manlang zaw hi. Gimna i thuak ding hi, bang hang hiam cih leh gallel ding i hi ta hi.

Jeremiah 51:1

Topa in a cih-inah: “En un, Babilon khuapi leh Khaldea gama teengte susia dingin keimah in huih ka nungsak ding hi.

Hosea 13:15

Israel mite kiak bangin a pung ahi zongin sehnel gam panin nisuahna huih sa mahmah ka nungsak ding a, a tuikhukte uh leh a tuinakte uh a kangsak ding hi. Tua huih in a manpha nate leh deih theih peuhmah leen’ mang ding hi.

Habakkuk 1:11

Tua ciangin huih nung bangin paisuak uh a, amau’ hatna bek suang uh hi,” ci hi.