Jeremiah 4:10 - Tedim Bible

¹⁰ Tua ciangin keimah in, “Aa, Topa Pasian aw, nangmah in hih mite leh Jerusalem khuamite khem cih tak-in na khem khin zo hi. Bang hang hiam cih leh amau’ kiangah, ‘Nopna hong om ding hi,’ ci napi cin, amau a sunlum dingin namsau khat a om gige hi,” ka ci hi.

Tedim Bible Revision 2017

¹⁰ Tua ciangin keimah in, “Ah, Topa Pasian aw, nangmah in hih mite le Jerusalem khua mite khem cihtakin na khem khinzo hi. Bang hang hiam cih leh amau kiangah, ‘Nopna hong om ding hi,’ ci napi-in, amau a sunlum dingin namsau khat a om gige hi,” ka ci hi.

Jeremiah 4:10 Referans Kwoze

Jeremiah 5:12

Amaute in Topa hong nial uh a, ‘Amah in bangmah hih lo ding hi; i tungah siatna hong tung lo ding a, gal ahi zongin kial ahi zongin i thuak kei ding hi.

Isaiah 37:35

Bang hang hiam cih leh keimah leh ka nasempa David ka khualna-in hih khuapi a suahtak nadingin ka hu ding hi,” a ci hi.

ROM (Romans) 1:28

Amaute in Pasian thei nuam lo uh ahih ciangin a kituak lo nate ahih nading Pasian in amaute gitlohna lungsim sungah a piak mah bangin,

ROM (Romans) 1:26

Tua bang ahih uh ciangin Pasian in amaute zumhuai lunggulhna khut sungah a pia hi. Amau numeite in a ngeina bang zui loin, a ngeina tawh kituak lo lam a zui uh hi.

ROM (Romans) 1:24

Tua ahih ciangin Pasian in amau pumpi uh, amau mah in a siatsak theih nadingun amaute in lunggulhna a neih uh bangin kihhuaina sungah a pia hi.

Ezekiel 11:13

Tua bangin mailam thupiang ding genin ka om lai takin Benaiah’ tapa Pelatiah hong din’sih hi. Kei zong lei-ah bok sukin ka kiko a, “Topa Pasian aw, Israel gam sunga a om lai mi khempeuh thah khit sawm na hi hiam?” ka ci hi.

Kah la 2:21

Khangno leh khanghamte kongzing tengah si uh hi. Galte in nungak tangval teng namsau tawh a thatlum uh hi. Amaute hehpih loin na heh ni-in na thatlum sak hi.

Jeremiah 32:17

‘Topa Pasian aw! Nangma’ vangpi leh na khut kizankhia tawh vantung teng leh leitung na bawl khin zo hi! Nang adingin a haksa lua khat beek om lo hi.

Jeremiah 23:17

Keimah Topa’ thu genna a hong ngai lo mite kiangah, hong hoih na ve, ci-in a gen tawntung uh hi. Amau’ lungsim’ deihna bang ciat bek a zui tentan mi khempeuhte kiangah zong, gimna hong tung zenzen lo ding hi, ci-in a gen uh hi,” a ci hi.

Jeremiah 8:11

Amaute in ka mite’ thuaknate thupi simsak lo uh a, hoihna om keei lopi, ‘Hoih hi, hoih hi,’ ci mawkmawk uh hi.

Jeremiah 6:14

Amaute in ka mite’ thuaknate thupisim sak lo uh a, hoihna om keei lopi, ‘Hoih hi, hoih hi,’ ci mawkmawk uh hi.

Jeremiah 4:18

Na lungsim leh na gamtatnate hangin hih thu nang’ tungah hong tung hi. Hih in nangma’ gitlohna hang hi a, kha-in na lungtang hong vut hi.”

Jeremiah 1:6

Tua ciangin keimah in, “Ah, Topa Pasian aw, en dih in! Thu gen ka siam kei hi; bang hang hiam cih leh naupang khat ka hi lel hi,” ka ci hi.

Isaiah 63:17

Topa aw, kote in nang kong kihtak loh nadingun bang hangin na lampite panin hong khialsakin ka lungsim uh khauhsak na hi hiam? Nangma nasemte, nangma luah minamte na ngaihsutna-in hong kihei kik in.

Isaiah 30:10

amaute in thu mutheite tungah, “Mu nawn kei un,” ci-in, kamsangte tungah “Kote’ tungah thuman hong gen kei un; kote’ tungah thuzol bek hong gen un la, thutak ahi lote genkhol un,

Paikhiatna 9:14

Bang hang hiam cih leh leitung khempeuhah kei tawh a kibang khat beek om lo hi ci-in na theih nadingin hih hunin na sungtawng dong leh na nasemte leh na mihingte' tungah ka gimnate khempeuh kong tungsak ding hi.

Paikhiatna 5:22

Tua ciangin Topa' lamah Moses kihei kikin, “Topa aw, bang hangin nangmah in hih mite' tungah siatna bawl na hi hiam? Bang hangin kei hong sawl peuhmah na hi hiam?