Jeremiah 39:9 - Tedim Bible

⁹ Tua ciangin kumpi cing galkap mangpa Nebuzaradan in khuapi sunga a kinusia lai mite tawh, ama kianga a tai mite tawh, a omlai mite tawh, Babilon-ah sal dingin a paipih hi.

Tedim Bible Revision 2017

⁹ Tua ciangin kumpi cing galkap mangpa Nebuzaradan in khuapi sungah a kinusia lai mite pen ama kiangah a tai mite tawh, Babylon ah sal dingin a paipih hi.

Jeremiah 39:9 Referans Kwoze

Jeremiah 40:1

Jeremiah kol kibulh-in Jerusalem khua leh Judah gam-a saltangte khempeuh tawh Babilon khua-ah a kipuak khit ciangin Ramah khua panin kumpi cing galkapmang Nebuzaradan in a khahkhia kik hi. Tua khit ciangin Topa in Jeremiah a hopih hi.

Piancilna 37:36

Tua kikal sungin Midian mite in Izipt gamsunga inncing mang, Faro’ nuai-ah ulian ahi Potifar' tungah Josef zuak uh hi.

Jeremiah 52:26

Kumpi cing galkap mangpa Nebuzaradan in amaute paipihin Riblah khua-ah Babilon kumpipa’ kiangah a tun’pih hi.

Jeremiah 10:18

Bang hang hiam cih leh Topa in, “En un, tu-in hih gam sunga teeng mite ka lawnkhia ding a, a theih nadingun a tung uhah lungkhamna ka tungsak ding hi,” a ci hi.

2 KUMPI NIHNATE 25:20

Tua ciangin a cingte a ukpa Nebuzaradan in amaute la-in Riblah a, Babilon kumpipa kiangah amaute paipih hi.

2 KUMPI NIHNATE 25:11

Tua ciangin a cingte a ukpa Nebuzaradan in khuapi sungah a kinusia a om lai mite leh Babilon kumpipa a taisan mite, mi honpi a om lai teng khempeuh sal-in paipih khawm hi.

Jeremiah 16:13

Tua ahih manin hih gam panin note leh na pu na pate un na theih ngei nai loh uh gamah kong nawhkhia ding hi. Tua lai-ah sun-le-zan-in pasian dangte’ na na sem niloh ding uh hi; bang hang hiam na cih uh leh note kong ang-van nawn kei ding hi,” a ci hi,’ na ci ding hi.

Isaiah 5:13

Tua ahih ciangin thu theihlohna hangin ka mite sal suak uh hi; amau’ mi liante gilkialin si dek uh a, a mihonte uh dangtakin keu uh hi.

2 KUMPI NIHNATE 20:18

Nangma sung pan a suak na tapate pawlkhat kilakhia ding hi; amaute in Babilon kumpipa’ inn sungah innsung maangte hi ding uh hi,” a ci hi.

Thu-hilhkikna 4:27

Topa in mite lakah note hong thehthang ding a, Topa in note hong hawlna minamte lakah mi tawmcik bek na om lai ding uh hi.

Siampi Laibu 26:33

Keimah in minamte lakah note kong thehthang ding a, keimah in namsau a paai panin dokin note kong delh ding hi; na leitang uh gamkhing hi ding a, na khuapite uh a sia hi ding hi.

Jeremiah 24:8

“Ahih hangin Topa in kong cih-inah: Judah kumpipa Zedekiah leh ama’ gam uk uliante-a kipan hih gama a om suak Jerusalem khua sunga a om lai sun teng leh Izipt gama teengte limci lo lua-a kine thei lo theigahte bangin ka bawl ding hi.

Jeremiah 38:19

Kumpipa Zedekiah in Jeremiah kiangah, “Khaldea mite’ kianga a tai Judah mite ka kihta hi. Amaute’ khut sungah kei hong kipia leh amaute in kei hong bawlsia ding uh hi,” a ci hi.

Jeremiah 52:27

Babilon kumpipa in zong Hamath gam Riblah khua-ah amaute sat-in a thatlum hi. Tu-a bangin Judah mite a gam panun sal dingin a kila khia hi.

Jeremiah 40:7

Babilon kumpipa in Ahikam’ tapa Gedaliah, gam uk dingin koih a, Babilon khua-a sal dinga a kipaipih lo gam sunga mizawng pente ahi papi, nupi leh naupangte a en dinga a koihna thu gamsung khua neu-a om galkap mangte leh a galkapte un a zak uh ciangin

Daniel 2:14

Tua ciangin Daniel in Babilon gamsunga mipil teng that lum dinga a kisawl kumpi cing Ariok kiangah kampau kidawm takin a va pai hi.