Jeremiah 39:6 - Tedim Bible

⁶ Riblah khua-ah Babilon kumpipa in Zedekiah’ muh mahin a tapate thahlup sak a, Judah gam kumpi ulian khempeuh zong a thatlum hi.

Tedim Bible Revision 2017

⁶ Riblah khua ah Babylon kumpipa in Zedekiahʼ muh mahin a tapate thahlupsak a, Judah gam kumpi ulian khempeuh zong a that lum hi.

Jeremiah 39:6 Referans Kwoze

Jeremiah 52:10

Riblah khua-ah Babilon kumpipa in Zedekiah’ muh mahin a tate a thahlup sak a, Judah gam kumpi ulian khempeuh zong a thatlum hi.

Jeremiah 21:7

Tua khit ciangin, Topa in kong cih-inah, Judah kumpipa Zedekiah leh a nasemte leh, pulnatna, namsau leh kial-a si lo a nungta lai teng pen, amaute a that nuam Babilon kumpipa Nebukhadnezzar leh a galte uh’ khut sungah ka pia ding hi. Amah in amaute namsau tawh a that ding a, hehpih loin, zong a siit kei ding a, itna lungsim a nei kei ding hi,’ va ci un,” a ci hi.

2 KUMPI NIHNATE 25:7

Amaute in Zedekiah’ muhna ah a tapate thatin, Zedekiah’ mitte khelkhia uh a, amah kol bulhin Babilon ah paipih uh hi.

Thu-hilhkikna 28:34

tua ahih ciangin na mit un a muh ding nate in note hong hehsak mahmah ding hi.

Isaiah 13:16

Amau’ muhna mah ah a naungeekte uh leilak kiden’ gawp nading hi; amaute’ inn kiluhin, a zite uh kibuansak ding hi.

Esther 8:6

Ka mipihte tungah hih siatna liante a tung ka muh ding bangci thuak zawh ding ka hi hiam? Ahih kei leh ka innkuanpih tungah a tung hih siatna ka muh ding bangci thuak zawh ding ka hi hiam?” a ci hi.

2 KHANG TANGTHU NIHNATE 34:28

En in, na pate kiang kong zuan sak ding a, nuam takin na han na zuan ding a, hih mun leh a tunga teengte tungah ka tun’sak ding siatna khempeuh na mit in mu lo ding hi,’ ci hi,” a ci hi. Tua ciangin amaute in kumpipa kiangah thu puak kik uh hi.

2 KUMPI NIHNATE 22:20

Tua ahih ciangin, en in, na pate kiang nang kong zuansak ding a, nangmah in nuam takin na han na zuan ding a, hih mun tungah ka tun’sak ding siatna khempeuh na mit in mu lo ding hi,’ ci hi,” a ci hi. Tua ciangin amaute in kumpipa kiangah thu puakkik uh hi.

Piancilna 44:34

Bang hang hiam cih leh tangvalpa kei tawh hong ton kei leh ka pa' kiangah bangci ciahkik theih ding ka hi hiam? Ka pa’ tungah a tung ding siatna ka en ngam kei ding hi,” ci hi.

Piancilna 21:16

Tua ciangin amah pai-in a hoih khop khat a gamla, thal lot khat tan bangah a ta nungngatin tusuk hi; bang hang hiam cih leh amah in, “Naupang’ sih hong musak kei in,” ci hi. Amah nungngatin a tut lai takin naupang in a aw sangsakin kap hi.

Isaiah 34:12

Kumpi Gam Om Lo, ci-in amaute in min phuak ding uh a, a ulian khempeuhte a mawkna hi ding uh hi.

Jeremiah 20:4

Bang hang hiam na cih leh Topa in hong cih-inah, ‘En in, keimah in nang leh nang’ lau nadingin ahi zongin na lawmte’ lau nadingin ahi zongin nang kong bawl ding hi. Amaute a galte in namsau tawh a thahlup na mu ding hi. Judah gam khempeuh Babilon kumpipa’ khut sungah ka pia ding a, amah in sal dingin amaute Babilon khua-ah a paipih ding a, namsau tawh a thatlum ding hi.

Jeremiah 34:3

Ama’ khut sung panin na suakta kei ding a, hong kimanin ama’ khut sungah nang hong kipia taktak ding hi. Nangmah in Babilon kumpipa tawh maitang kimu-in na kiho ding uh a, Babilon khua-ah na pai ding hi.

Jeremiah 38:23

Na zite leh na tate khempeuh Khaldea mite kiangah kipaipih ding a, nangmahmah zong amaute’ khut sung panin na suakta kei ding hi. Babilon kumpipa in hong man ding a, hih khuapi mei tawh a kangtum ding hi,” a ci hi.

Ezekiel 23:24

Amaute in leilu lam panin nang hong sim ding a, leeng galkap leh vanpua leeng tampi hong kengin galkap tampi tak tawh hong kuan ding uh hi. Lumte leh siklukhute tawh kidalin amaute in nang hong umcih ding uh hi. Amaute’ khut sungah nang kong ap ding a, amaute’ ngeina om bangin nangma tungah thu hong khen ding uh hi.

Ezekiel 24:5

Tuu limcipente sa zang in la, beel nuai-ah mei cih in. A tui sosak in la, a guh leh a sate zong sosak in.

Zefaniah 1:8

Topa in hih bangin thu gen a, “Tua banga mite a kigawh ni-in, uliante leh kumpipa’ tapa, leh gamdang mite’ ngeina a zuite khempeuh, daan ka pia ding hi.