Jeremiah 39:17 - Tedim Bible

¹⁷ Ahih hangin Topa in kong cih-inah, tua ni ciangin nang kong honkhia ding a, na kihtak mite’ khut sungah hong kipia kei ding hi.

Tedim Bible Revision 2017

¹⁷ Ahih hangin Topa in kong cih in ah, tua ni ciangin nang kong hon khia dinga, na kihtak miteʼ khut sungah hong kipia lo ding hi.

Jeremiah 39:17 Referans Kwoze

Late 50:15

haksat hun ciangin kei tungah hong ko un; note kong honkhia ding a, note in kei nong thangsak ding uh hi.”

Jeremiah 1:19

Amaute in nang’ lang khatah hong do ding uh hi. Ahih hangin a hong zo kei ding uh hi; bang hang hiam cih leh, Topa in kong cih-inah, nangmah hong dal dingin kong ompih ding hi,” hong ci hi.

2 SAMUEL NIHNA 24:14

Tua ciangin David in Gad kiangah, “Nakpi takin ka lungkham hi; ama hehpihna lian ahih manin Topa’ khut sungah tung ni; ahih hangin mihing’ khut sungah hong tung sak kei in,” a ci hi.

Jeremiah 38:9

“Ka Topa kumpipa aw, hih mite in kamsangpa Jeremiah, tuikhuk sungah a khiatsuk uh a khial uh hi. Bang hang hiam cih leh khua sungah anlum om nawn lo ahih manin anngawlin a puk si ding hi,” a ci hi.

Piancilna 15:1

Hih thute khit ciangin mang sungah Topa’ thu Abram’ tungah hong tung a, Abram aw, lau kei in, keimah in nangma' lum ka hi hi; na thaman lian mahmah ding hi,” ci hi.

Mattiu 25:40

Kumpipa in, ‘Ke’n aman takpi kong cih-inah, note in ka sanggamte ahi hih mineupen khat tungah na bawl uh ciangin, kei tungah zong hong bawl na hi uh hi,’ a ci ding hi.

Daniel 6:16

Tua ciangin kumpipa in Daniel humpinelkai koihna khuk sunga khiat dingin thu a pia hi. Amah in Daniel kiangah, “Thuman taka na biak tawntung na Pasian in hong honkhia ta hen,” a ci hi. Tua ciangin humpinelkai koihna khuk sungah Daniel a khia uh hi.

Jeremiah 38:1

Mattan’ tapa Shefatiah, Pashhur’ tapa Gedaliah, Shelemiah’ tapa Jehukal, leh Malkhiah’ tapa Pashhur-te in mi khempeuh’ tunga Jeremiah’ thugenna a za uh hi.

1 KUMPI MASATE 18:15

Tua ciangin Elijah in, “A mai-ah ka din’na Vanglianpen Topa in a nungta ahih mah bangin, tu ni-in ama kiangah keimahmah ka kilak taktak ding hi,” a ci hi.

1 KUMPI MASATE 18:16

Tua ahih ciangin Ahab tawh kimu dingin Obadiah pai-in ama kiangah gen hi; tua ciangin Elijah tawh kimu dingin Ahab pai hi.

2 KUMPI NIHNATE 6:16

Amah in, “Kihta kei in; bang hang hiam cih leh amaute tawh a omte sangin eite tawh a omte tamzaw hi,” a ci hi.