Jeremiah 39:14 - Tedim Bible

¹⁴ thong huang sung panin Jeremiah a lakhia uh hi. Ahikam’ tapa ahi, Shafan’ tapa Gedeliah kiangah, inn a, a ciahpih dingin a ap uh hi. Tua ahih manin Jeremiah a mipihte’ lak mahah a teeng hi.

Tedim Bible Revision 2017

¹⁴ thong huang sung panin kei a hong la khia uh hi. Ahikamʼ tapa ahi, Shafanʼ tupa Gedaliah in hong kemin inn ah a hong ciahpih dingin kei a hong ap uh hi. Tua ahih manin ka mipihteʼ lak mahah ka om hi.

Jeremiah 39:14 Referans Kwoze

Jeremiah 38:28

Tua hi a, Jerusalem khua a kilak ciang dong Jeremiah zong thong huang sung mahah a om lai hi.

Jeremiah 26:24

Ahih hangin Shafan’ tapa Ahikam in Jeremiah hu ahih manin mite’ khut sungah kipia loin thahna a thuak kei hi.

2 KUMPI NIHNATE 22:12

Tua ciangin kumpipa in siampi Hilkiah, leh Shafan’ tapa Ahikam, leh Mikaiah’ tapa Akbor, leh lai-atpa Shafan, leh kumpipa’ nasem Asa-iah thu pia a,

Jeremiah 40:1

Jeremiah kol kibulh-in Jerusalem khua leh Judah gam-a saltangte khempeuh tawh Babilon khua-ah a kipuak khit ciangin Ramah khua panin kumpi cing galkapmang Nebuzaradan in a khahkhia kik hi. Tua khit ciangin Topa in Jeremiah a hopih hi.

Jeremiah 39:15

Jeremiah thong huang sungah kikalh cipa a om laitak-in Topa in hopih a:

Jeremiah 38:13

Tua ciangin amaute in tuikhuk sung panin khau tawh Jeremiah a kai khiato uh hi. Jeremiah zong thong huang sung mahah a om lai hi.

Jeremiah 37:21

Tua ahih manin kumpipa Zedekiah in kumpi thonginn sungah a kiat zawk nading thu pia a, khua sunga anlum a bei matengin anlum sai panin ni simin anlum khat ta a piasak den hi. Tua ahih manin kumpipa’ thong sungah Jeremiah a om suak hi.

Late 105:19

ama thugente a tun’ matengin Topa in amah ze-et hi.

2 KUMPI NIHNATE 22:14

Tua ahih ciangin siampi Hilkiah, Ahikam, Akbor, Shafan, leh Asa-iahte, puan a kem, Harhas tapa Tikvah, a tapa Shallum’ zi kamsangnu Huldah kiangah pai uh hi (tu-in tua nu in Jerusalem khua sung a Veng Nihna ah teng hi); tua ciangin tua nu tawh amaute kiho uh hi.

2 KHANG TANGTHU NIHNATE 34:20

Tua ciangin kumpipa in Hilkiah, Shafan’ tapa Ahikam, Mikah’ tapa Abdon, lai-atpa Shafan, leh kumpipa’ nasempa Asaiah thu pia-in,

Jeremiah 32:2

Tua hun laitakin Babilon kumpipa’ galkapte in Jerusalem khua a sim laitak hun hi a, kamsangpa Jeremiah zong Judah kumpipa’ inn huang sunga thong sungah a kikalhcip laitak ahi hi.

Jeremiah 39:13

Tua ciangin kumpi cing galkapmang Nebuzaradan tawh, galkap mang Nebushazban leh sakol galkap mang Nergalsharezer-te akipan Babilon kumpipa’ ulianpite khempeuh in

Jeremiah 40:5

Jeremiah a pai loh ciangin Nebuzaradan in, “Babilon kumpipa in Judah gam khuapite uk ding a, a koih, Ahikam’ tapa, Shafan’ tupa Gedaliah, kiangah paikik in. Amah tawh na mipihte lakah teeng in. Na teen’ nop kei leh lah na pai nopna peuhpeuh ah pai in,” a ci hi. Tua ciangin kumpi cing galkap mangpa in amah an leh letsong pia-in a paisak hi.

Jeremiah 40:6

Tua ciangin Jeremiah zong Ahikam’ tapa Gedaliah’ omna Mizpah khua-ah pai-in gam sunga a om lai a mipihte tawh a teeng khawm hi.

Jeremiah 41:1

Kha sagih kha hong tun’ ciangin Nethaniah’ tapa, Elishama’ tupa, kumpi nam leh kumpipa’ ulian pente khat ahi Ishmael, mi sawm tawh Mizpah khua Ahikam’ tapa Gedaliah’ kiangah hong pai uh hi. Mizpah khua-ah amaute in an a nek khawm laitak-un,

Jeremiah 26:22

Tua ciangin Jehoiakim kumpipa in Akbor’ tapa Elnathan leh midang pawlkhat Izipt gamah sawl a,

Jeremiah 40:7

Babilon kumpipa in Ahikam’ tapa Gedaliah, gam uk dingin koih a, Babilon khua-a sal dinga a kipaipih lo gam sunga mizawng pente ahi papi, nupi leh naupangte a en dinga a koihna thu gamsung khua neu-a om galkap mangte leh a galkapte un a zak uh ciangin