Jeremiah 39:10 - Tedim Bible

¹⁰ Kumpi cing galkap mangpa Nebuzaradan in bangmah a nei lo mizawng pawlkhat Judah gamah nusia-in leenggah huan leh lo a pia hi.

Tedim Bible Revision 2017

¹⁰ Kumpi cing galkap mangpa Nebuzaradan in bangmah a nei lo mizawng pawl khat Judah gamah nusia a, leenggah huan le lo a pia hi.

Jeremiah 39:10 Referans Kwoze

2 KUMPI NIHNATE 25:12

Ahih hangin a cingte a ukpa in leenggui lote a en ding leh lo kho dingin tua gam mi a zawngpente pawlkhat nusia hi.

Jeremiah 52:16

Ahih hangin kumpipa a cing galkap mangpa Nabuzaradan in leenggah lo cing ding leh lokho dingin gam sunga a zawngpente pawlkhat a nusia lai hi.

Jeremiah 40:7

Babilon kumpipa in Ahikam’ tapa Gedaliah, gam uk dingin koih a, Babilon khua-a sal dinga a kipaipih lo gam sunga mizawng pente ahi papi, nupi leh naupangte a en dinga a koihna thu gamsung khua neu-a om galkap mangte leh a galkapte un a zak uh ciangin

Ezekiel 33:24

“Ezekiel aw, Israel gam khuapi siate sunga teeng mite in, ‘Abraham, mi khat bek hi napi-in gambup kipia hi. Tu-in eite in tampi i hih ciangin hih gamin eima aa hi taktak hi,’ ci uh hi.

Isaiah 7:21

Tua ni ciangin mi khat in bawngla khat leh keel nih bang bek suahtak zo ding a,

Jeremiah 40:10

Kei ka hih leh Mizpah khua mah ah ka teeng ding a, eite kianga hong pai ding Khaldea mite’ kiangah no’ taangin ka ding ding hi. No na hih uh leh leenggah zute, khuakhal ante leh sathaute khawm un la, na bel sung uhah koih un. Na laksa uh khua sung ciat mah ah na teeng un,” a ci hi.

Jeremiah 43:6

Papi, nupi, naupang, kumpipa’ tanute-a kipan kumpi cing galkap mang Nebuzaradan in Ahikam’ tapa, Shafan’ tupa ahi Gedaliah’ kep dinga a nusiat mi khempeuh a paipih uh hi. Kamsangpa Jeremiah leh Neriah’ tapa Baruk zong a kipaipih hi.

Zekhariah 11:7

Tua summeet bawlte in kei hong cial uh a, a kigo ding tuute a cingpa ka suak hi. Kei zong ciangkhut nih ka la a, khat pen Hehpihna ci-in min ka phuak a, a khat pen Kipawlna ci-in min ka phuak hi. Tua hi a, kei zong tua tuute a cingin ka om hi.