Jeremiah 38:6 - Tedim Bible

⁶ Tua ciangin amaute in Jeremiah a man uh a, thong huang sunga om kumpipa’ tapa Malkhiah’ tuikhuk sungah khau tawh a khiasuk uh hi. Tuikhuk sungah tui om loin buan bek om a, Jeremiah buan sungah a tum hi.

Tedim Bible Revision 2017

⁶ Tua ciangin amaute in kei hong man uh a, thong huang sunga om kumpipaʼ tapa Malkhiahʼ tuikhuk sungah khau tawh hong khia suk uh hi. Tuikhuk sungah tui om loin buan bek om a, buan sungah ka tum suk hi.

Jeremiah 38:6 Referans Kwoze

Jeremiah 37:21

Tua ahih manin kumpipa Zedekiah in kumpi thonginn sungah a kiat zawk nading thu pia a, khua sunga anlum a bei matengin anlum sai panin ni simin anlum khat ta a piasak den hi. Tua ahih manin kumpipa’ thong sungah Jeremiah a om suak hi.

Jeremiah 38:22

En in, Judah kumpipa’ inn sunga a kinusia numei khempeuh Babilon kumpipa’ uliante kiangah kipaipih uh a, tua numeite in Zedekiah’ kiangah, ‘Na lawm muan’te in hong khem uh a, nang hong zo ta uh hi; na khe buan sungah tum ahih manin, hong nungngat ta uh hi,’ ci-in a gen uh hi.

Jeremiah 37:16

Jeremiah zong lei sung thong mial sungah ni tampi a om khit ciangin

Late 69:2

Khe tawh din’ kip nading mun a om lohna buannawng thuk sungah ka tum a, tuithuk sung ka tung khin a, ka tungah tuikhang luang hi.

Sawltak 16:24

Thong ukpa in tua banga vaikhakna thu a ngah khit ciangin thong tawngnung sungah khumin, amau khe ah kol a bulh hi.

Zekhariah 9:11

Sisan tawh a kikipsak, note tawh ka thuciamna hangin, na salsuahna uh keugaw gam panin, note ka hong suaktasak ding hi.

Late 109:5

Tua ahih ciangin amaute in hoihna’ adingin siatna, itna’ adingin muhdahna tawh kei hong thuk uh hi.

Late 40:2

Dahna dum sung, buannawng panin amah in kei hong kaikhia-in, ka khete suangpi tungah nga a, ka khe sikna muan’huaisak hi.

Piancilna 37:24

amaute in amah la-in dum sung khatah lawn uh hi. A dum pen a hawm hi a, a sungah tui om lo hi.

Hebru 10:36

Bang hang hiam na cih uh leh, Pasian’ deihna bang na nasep khit uh ciangin ama kamciamna na ngah nadingun thuakzawhna lungsim na kisam uh hi.

Jeremiah 36:26

Tua ciangin kumpipa in kumpipa’ tapa Jerahme-el tawh, Azriel’ tapa Seraiah tapa, Abde-el’ tapa Shelemiah tawh a sawl a, kumpi thuvanpipa Baruk leh kamsangpa Jeremiah man dingin thu a pia hi. Ahih hangin Topa in amau tegel a seel sim hi.

Jeremiah 32:2

Tua hun laitakin Babilon kumpipa’ galkapte in Jerusalem khua a sim laitak hun hi a, kamsangpa Jeremiah zong Judah kumpipa’ inn huang sunga thong sungah a kikalhcip laitak ahi hi.

Jeremiah 38:13

Tua ciangin amaute in tuikhuk sung panin khau tawh Jeremiah a kai khiato uh hi. Jeremiah zong thong huang sung mahah a om lai hi.

Daniel 6:16

Tua ciangin kumpipa in Daniel humpinelkai koihna khuk sunga khiat dingin thu a pia hi. Amah in Daniel kiangah, “Thuman taka na biak tawntung na Pasian in hong honkhia ta hen,” a ci hi. Tua ciangin humpinelkai koihna khuk sungah Daniel a khia uh hi.