Jeremiah 38:5 - Tedim Bible

⁵ Kumpipa Zedekiah in, “En un, amah note’ khut sungah om hi, keimah in note kong kho thei kei hi,” a ci hi.

Tedim Bible Revision 2017

⁵ Kumpipa Zedekiah in, “En un, noteʼ khut sungah amah om hi. Keimah in note kong kho thei kei hi,” a ci hi.

Jeremiah 38:5 Referans Kwoze

2 SAMUEL NIHNA 3:39

Sathau kinilh kumpipa hi napi-in tu ni-in ka thaneem hi; hih Zeruiah’ tapate kei adingin haksa lua hi. Gamtat siapa a gitlohna bangin Topa in thuk ta hen!” a ci hi.

Paunak 29:25

Midangte kihtakna in hong lunghimawhsak a, Topa muan’na in hong lungmuangsak hi.

2 SAMUEL NIHNA 19:22

Ahih hangin David in, “Note in tu ni-in kei lang bangin na om nadingun no Zeru-iah’ tapate tawh kei bang kisai i hi hiam? Tu ni-in Israel sungah mi khatpeuh kithat ding ahi hiam? Bang hang hiam cih leh tu ni-in Israelte tungah kumpi ka hihna thei hilo ka hi hiam?” a ci hi.

1 SAMUEL MASA 29:9

Tua ciangin Akhish in David dawngin, “Nang in keima muhna ah Pasian’ vantungmi khat mah bangin paubaang lo na hihna ka thei hi; ahi zongin Filistia galkap a ukte in, “Amah in gal phual ah eite tawh hong kuanto lo ding hi,’ a ci uh hi.

1 SAMUEL MASA 15:24

Tua ciangin Saul in Samuel kiangah, “Ka khial khin hi; bang hang hiam cih leh keimah in mite kihta-in amau’ aw ngai ka hih manin Topa’ thupiakna leh nangma thute ka palsat khin hi.

Jeremiah 26:14

Ahih hangin kei ka hih leh, en un, note’ khut sungah ka om hi. Note in hoih na sak uh leh man na sak uh bangin kei tungah hong bawl un.

Jeremiah 37:17

kumpipa Zedekiah in a samsak hi. Kumipa in zong a inn sungah samin, “Topa’ hong thugenna kam khat beek a om hiam?” ci-in a dong sim hi. Jeremiah in zong, “Om mah hi,” a cih khit ciangin, “Babilon kumpipa’ khut sungah nang hong kipia ding hi,” a ci hi.

Daniel 6:16

Tua ciangin kumpipa in Daniel humpinelkai koihna khuk sunga khiat dingin thu a pia hi. Amah in Daniel kiangah, “Thuman taka na biak tawntung na Pasian in hong honkhia ta hen,” a ci hi. Tua ciangin humpinelkai koihna khuk sungah Daniel a khia uh hi.

Daniel 6:17

Amaute in suangtum khat la uh a, humpinelkai koihna khuk gong a hu uh hi. Kumpipa in ama ciamtehna leh a u liante ciamtehna tawh kuamah in Daniel a hotkhiat theih loh nadingin a ciamteh hi.