Jeremiah 38:3 - Tedim Bible

³ Topa in hong cih-inah, Babilon kumpipa’ khut sungah hih khuapi kipia taktak ding a, a kila ta ding hi,” a ci hi.

Tedim Bible Revision 2017

³ Topa in hong cih in ah, Babylon kumpipaʼ khut sungah hih khuapi kipia taktak dinga, a kila ta ding ahi hi,” ka ci hi.

Jeremiah 38:3 Referans Kwoze

Jeremiah 21:10

Bang hang hiam cih leh Topa in kong cih-inah, hih khuapi’ hoih nading hi lo siat nadingin ka lungsim ka khensat khin zo hi. Babilon kumpipa’ khut sungah ka pia ding a, amah in mei tawh a hal ding hi,’ na ci ding hi.

Jeremiah 21:4

‘Topa, Israel mite’ Pasian in a gen-inah, En un, khua kulhpi pua lam-a a hong umcih Babilon kumpipa leh Khaldea mite na dona uh ahi, na khut sung-ua na kep na galhiamte uh bangmah a, kimang lo ka suaksak ding a, amaute khempeuh hih khuapi laizangah kong paipih ding hi.

Jeremiah 29:16

David’ tokhom tunga tu kumpipa leh hih khuapi sunga om, note tawh sal tang ding a, a paikhawm lo na innkuan pihte khempeuh uh tawh kisai-in Topa in kong gen-inah:

Jeremiah 38:18

Ahih hangin Babilon kumpipa’ uliante na belh kei leh hih khuapi Khaldea mite’ khut sungah kipia ding a, amau in mei tawh hal-in amaute’ khut sung pan na suakta kei ding hi,” a ci hi.

Jeremiah 21:9

Hih khuapi sunga a om mi peuhmah namsau tawh ahi zongin, kial tawh a hi zongin, pulnatna tawh a hi zongin a si ding uh hi. Ahih hangin pusuak khia-a, note a hong do Khalde mite kianga a lut peuhmah a nungta ding uh a, a suakta liailiai ding uh hi.

Jeremiah 37:8

Tua ciangin Khaldea mite hong kileh kikin hih khuapi hong sim ding uh a, khuapi la-in mei tawh a hal ding uh hi.