Jeremiah 38:2 - Tedim Bible

² Jeremiah in mite’ kiangah, “Topa in hong cih-inah, Hih khuapi sunga a om mi peuhmah namsau tawh ahi zongin, kial tawh ahi zongin, pulnatna tawh ahi zongin a si ding uh hi. Ahih hangin pusuak khia-in Khaldea mite a beel peuhmah a nungta ding a, a suakta liailiai ding uh hi.

Tedim Bible Revision 2017

² Keimah in mite kiangah, “Topa in hong cih in ah: Hih khuapi sungah a om mi peuhmah namsau tawh ahi a, kial tawh ahi a, pulnatna tawh ahi zongin a si ding uh hi. Ahih hangin pusuak khia-in Babylon mite a beel peuhmah nungta dinga, suakta liailiai ding uh hi.

Jeremiah 38:2 Referans Kwoze

Jeremiah 39:18

Bang hang hiam cih leh nang kong honkhia taktak ding a, namsau tawh thahna na thuak kei ding hi. Topa in kong cih-inah, kei hong muang na hih manin na nuntakna na suahtak liailiai ding hi, hong ci hi,’ ci-in va gen in,” a ci hi.

Jeremiah 45:5

Tua panin nang a peng thei tuam dingin kingaihsun na hi hiam? Tua bangin kingaihsun kei in; bang hang hiam cih leh, en in, Topa in kong cih-inah, mi khempeuh’ tungah gimna ka tung sak ding hi. Ahih hangin nang pen na paina mun khempeuh ah kong suakta sak liailiai ding hi,” a ci hi.

Jeremiah 34:17

Tua ahih manin Topa in kong cih-inah “Mi khempeuh in na sanggam na mipihte uh khahkhia loin suahtakna pia lo-a ka thu hong mang lo na hih uh leh en un, Topa in kong cih-inah, note kong khahkhia-a, suahtakna kong pia ta hi. Namsau tawh kithahna, pulnatna leh kialpite tawh na sih nadingun note kong khah khia a, kong suaktasak hi. Leitung gam khempeuhte’ hong lipkhap dingin kong bawl ding hi.

Ezekiel 14:21

“Topa Pasian’ thugen in hih bang ahi hi. Mihing ganhing a sumai dingin daan nasia pen li ahi gal, kialpi, a kihtakhuai gamsate, leh natna, Jerusalem ah ka tungsak ding hi.

Jeremiah 42:17

Izipt gamah pai-in a teeng khempeuh namsau tawh ahi zongin, kialpi tawh ahi zongin, pul natna tawh ahi zongin a si ding uh hi. Amaute’ tunga ka tun’sak ding gimna panin kuamah a suakta kei ding hi.

Ezekiel 7:15

Khua pua lamah gal kidona om a, khua sungah cinatna leh gilkialna om hi. Gamlak-a om mi khempeuh gal sungah si ding uh a, khua sunga om khempeuh cina leh gilkialin si ding uh hi.

Ezekiel 6:11

Tua ciangin Topa Pasian in, “Israel mite’ gitlohna leh a muhdahhuai a gamtatnate uh khempeuh hangin na khut singin lei tuan in la, a dahin kap in. Amaute gal sung leh kial leh natna hangin si ding uh hi.

Jeremiah 44:13

Jerusalem khua ka siatsak bangin Izipt gama teeng mite namsau tawh, kialpi tawh, pulnatna tawh sihna ka thuaksak ding a,

Jeremiah 42:22

Tua ahih manin na teen’ nopna mun uhah namsau tawh thahna, gilkialna leh pulnatna tawh sihna na thuak ding uh hi, ci-in tu-in tel takpi-in thei ta un,” a ci hi.

Jeremiah 29:18

Amaute namsau, kialpi leh pulnatna tawh ka nung delh ding a, ka hawlkhiat nading mun khempeuh ah mite in kihaamsiatna-a a zat dingun simmawhna leh zahkonate ka thuaksak ding a, amaute’ thuakna hangin leitung gam khempeuh ka lausak ding hi.

Jeremiah 27:13

Bang hangin nang leh na mite, namsau tawh, kialpi tawh, pulnatna tawh si ding na hi uh hiam? Babilon kumpipa’ na a sem lo gam khat peuhpeuh tua ci sih ding hi, ci-in Topa in a gen hi.

Jeremiah 24:8

“Ahih hangin Topa in kong cih-inah: Judah kumpipa Zedekiah leh ama’ gam uk uliante-a kipan hih gama a om suak Jerusalem khua sunga a om lai sun teng leh Izipt gama teengte limci lo lua-a kine thei lo theigahte bangin ka bawl ding hi.

Jeremiah 21:4

‘Topa, Israel mite’ Pasian in a gen-inah, En un, khua kulhpi pua lam-a a hong umcih Babilon kumpipa leh Khaldea mite na dona uh ahi, na khut sung-ua na kep na galhiamte uh bangmah a, kimang lo ka suaksak ding a, amaute khempeuh hih khuapi laizangah kong paipih ding hi.

Jeremiah 27:11

Ahih hangin Babilon kumpipa’ hakkol pua a, ama’ na a sem gam pen, lo kho-a a teen’ theih nadingin ama’ sung mahah ka omsak ding hi, ci-in Topa in hong gen hi,’ ci-in gen uh hen,” hong ci hi.

Jeremiah 29:16

David’ tokhom tunga tu kumpipa leh hih khuapi sunga om, note tawh sal tang ding a, a paikhawm lo na innkuan pihte khempeuh uh tawh kisai-in Topa in kong gen-inah: