Jeremiah 38:18 - Tedim Bible

¹⁸ Ahih hangin Babilon kumpipa’ uliante na belh kei leh hih khuapi Khaldea mite’ khut sungah kipia ding a, amau in mei tawh hal-in amaute’ khut sung pan na suakta kei ding hi,” a ci hi.

Tedim Bible Revision 2017

¹⁸ Ahih hangin Babylon kumpipaʼ uliante na belh kei leh Babylon kumpipaʼ khut sungah hih khuapi kipia dinga, amau in mei tawh halin amauteʼ khut sung pan na suakta kei ding hi,” ka ci hi.

Jeremiah 38:18 Referans Kwoze

Jeremiah 38:3

Topa in hong cih-inah, Babilon kumpipa’ khut sungah hih khuapi kipia taktak ding a, a kila ta ding hi,” a ci hi.

Ezekiel 12:13

Ama pai nading munah ka ngenthang ka zak ding a, amah awk ding hi. Tua ciangin Babilon khuapi-ah amah ka paipih ding a, a khuapi mu lopi-in tua lai-ah si ding hi.

Jeremiah 39:3

Jerusalem khua a kilak laitakin, Nergalsharezer, Samgarnebo, galkapmang Sarsekhim leh sakol galkap mang Nergalsharezer-te akipan Babilon kumpipa’ kumpi uliante khempeuh hong pai-in kongpi laita penah hong tu uh hi.

Jeremiah 38:23

Na zite leh na tate khempeuh Khaldea mite kiangah kipaipih ding a, nangmahmah zong amaute’ khut sung panin na suakta kei ding hi. Babilon kumpipa in hong man ding a, hih khuapi mei tawh a kangtum ding hi,” a ci hi.

Jeremiah 37:8

Tua ciangin Khaldea mite hong kileh kikin hih khuapi hong sim ding uh a, khuapi la-in mei tawh a hal ding uh hi.

2 KUMPI NIHNATE 24:12

tua ciangin Judah kumpipa Jehoiakhin in Babilon kumpipa tungah amahmah, ama nu, a nasemte, a uliante, leh a kumpi inn-a zaneite kipia hi. Topa in a genkholhsa bangin Babilon kumpipa in ama uk a kum giatna kumin thongkia-in amah la a, Topa’ inn a, vanmanpha khempeuh, leh kumpipa’ inn a, vanmanpha khempeuh puakhia-in, Israel kumpi Solomon in a bawlsa, Topa’ biakinn sunga kham nazat khempeuh la hi.

Jeremiah 21:10

Bang hang hiam cih leh Topa in kong cih-inah, hih khuapi’ hoih nading hi lo siat nadingin ka lungsim ka khensat khin zo hi. Babilon kumpipa’ khut sungah ka pia ding a, amah in mei tawh a hal ding hi,’ na ci ding hi.

Jeremiah 27:8

“‘Ahih hangin gam khat peuhpeuh ahih kei leh kumpi khat peuhpeuh in Babilon kumpipa Nebukhadnezzar’ na sem loin, Babilon kumpipa’ hakkol a ngawngah a puak kei leh, amah ka ukcip sak mateng tua gam, namsau tawh, kialpi tawh, pulnatna tawh ka daantat ding hi,’ Topa in kong ci hi.

Jeremiah 39:8

Khadea mite in kumpipa’ inn leh midangte’ innte a hal uh a, Jerusalem khua kulhpi a susia uh hi.

Ezekiel 17:15

Ahi zongin Judah Kumpipa in amah lehdo veve a, sakol galkapte leh galkap honpite a ngen dingin Izipt gamah mi paisim sak hi. A deihna bangin tangtung ding ahi hiam? Tua banga a gamtatna tawh suakta zo ding ahi hiam? A thuciamna palsat napi-in daan thuak loin om thei ding ahi hiam?