Jeremiah 38:13 - Tedim Bible

¹³ Tua ciangin amaute in tuikhuk sung panin khau tawh Jeremiah a kai khiato uh hi. Jeremiah zong thong huang sung mahah a om lai hi.

Tedim Bible Revision 2017

¹³ Tua ciangin amaute in tuikhuk sung panin khau tawh kei a hong kai khiato uh hi. Ahi zongin thong huang sung mahah ka om lai hi.

Jeremiah 38:13 Referans Kwoze

Jeremiah 37:21

Tua ahih manin kumpipa Zedekiah in kumpi thonginn sungah a kiat zawk nading thu pia a, khua sunga anlum a bei matengin anlum sai panin ni simin anlum khat ta a piasak den hi. Tua ahih manin kumpipa’ thong sungah Jeremiah a om suak hi.

Sawltak 28:30

Paul in kum nih tawntung a sap innah om a, ama kiangah a pai khempeuh tung sak hi.

Sawltak 28:16

Rom khua-ah ka tun’uh ciangin Paul in a cing galkap tawh a ut bangin a om theih na’ng thu a ngah hi.

Sawltak 23:35

“Nang hong mawhsakte hong tun’ uh ciangin, na thu ka ngai ding hi,” ci-in Herod’ kumpi-inn ah khum dingin thu a pia hi.

Jeremiah 38:28

Tua hi a, Jerusalem khua a kilak ciang dong Jeremiah zong thong huang sung mahah a om lai hi.

Jeremiah 38:6

Tua ciangin amaute in Jeremiah a man uh a, thong huang sunga om kumpipa’ tapa Malkhiah’ tuikhuk sungah khau tawh a khiasuk uh hi. Tuikhuk sungah tui om loin buan bek om a, Jeremiah buan sungah a tum hi.

1 KUMPI MASATE 22:27

tua ciangin, ‘Kumpipa in hih bangin ci hi, “Hih mipa thong sungah koih un la, lungnuamin kei kong ciahkik matengin an leh tui tawmno cik bek tawh vaak un,” ci hi,” va ci un,” a ci hi.

Sawltak 24:27

Kum nih a cin’ ciangin Porsias Festas in Feliks za a laih hi. Tua Feliks in Judah mite lungdamsak nuamin Paul thong sungah a omsak lai hi.

Nehemiah 3:25

leh kulh kiu ciang khawk khat sung puah hi. Uzai’ tapa Palal in a Kiu gal san teng leh kumpipa’ inn panin hong dawk khia, zum cingte’ omna ahi tausang tungnung teng puah hi.

Jeremiah 26:16

Tua ciangin kumpi uliante leh mi khempeuhte in siampite leh kamsangte tungah, “Hih pa in Topa in Pasian’ min tawh thu hong gen ahih manin sihdaan piak tuak lo hi,” a ci uh hi.

Jeremiah 32:2

Tua hun laitakin Babilon kumpipa’ galkapte in Jerusalem khua a sim laitak hun hi a, kamsangpa Jeremiah zong Judah kumpipa’ inn huang sunga thong sungah a kikalhcip laitak ahi hi.

Jeremiah 38:12

Tua ciangin Ethiopia mipa Ebedmelek in Jeremiah’ kiangah, “Na lenuai leh khau kikalah puansiate dap in,” ci-in a sawl hi. Jeremiah in zong tua bangin ahih hi.

Piancilna 37:28

Tua ciangin Midian mi sum bawlte in hong nawk hi; amaute in Josef kai to-in dum sung panin domkhia to uh a, Ishmael mite' tungah ngun shekel sawmnih-in amah zuak uh hi; amaute in Izipt-ah Josef paipih uh hi.

Paunak 29:10

Mi a that nuamte in a thuman mi mudah a, midikte in a thuman mi hu uh hi.

Kah la 3:58

Topa aw, nangmah in nong huh a, na hong nungtasak hi.