Jeremiah 38:12 - Tedim Bible

¹² Tua ciangin Ethiopia mipa Ebedmelek in Jeremiah’ kiangah, “Na lenuai leh khau kikalah puansiate dap in,” ci-in a sawl hi. Jeremiah in zong tua bangin ahih hi.

Tedim Bible Revision 2017

¹² Tua ciangin Ethiopia mipa Ebedmelek in keima kiangah, “Na lenuai le khau kikalah puan siate dap in,” ci-in hong sawl hi. Kei zong tua mah bangin ka hih hi.

Jeremiah 38:12 Referans Kwoze

Efesa 4:32

Khat leh khat na kihehpih un, thupha na kibawl un la, Khazih’ hangah Pasian in na mawhna uh hong maisak mah bangin note khat leh khat mawhna kimaisak un.

ROM (Romans) 12:10

Ute naute itna panin, khat leh khat dawmin na ki-it ta un. Minphatna panin midangte na pumpi uh sangin na phat zaw un.

ROM (Romans) 12:15

Mi lungdamte tawh kibangin na lungdam khawm un. A kapte tawh na kap khawm un.

Jeremiah 38:7

Kumpipa’ inn sunga na a sem kumpi ulian khat ahi Ethiopia mi Ebedmelek in tuikhuk sungah Jeremiah a kikhiat lam a za hi. Tua laitakin Benjamin Kongpi-ah kumpipa tu-in a om hi.

Jeremiah 38:11

Tua ciangin Ebedmelek in zong a mite tonpih a, kumpipa’ innah pai-in van koihna sungah a lut khit uh ciangin tuikhuk sung pan Jeremiah khau tawh a kaihkhiat nading uh puansia sa leh puanlui pawlkhat a la uh hi.

Jeremiah 38:13

Tua ciangin amaute in tuikhuk sung panin khau tawh Jeremiah a kai khiato uh hi. Jeremiah zong thong huang sung mahah a om lai hi.