Jeremiah 37:7 - Tedim Bible

⁷ “Topa ahi, Israel mite’ Pasian in kong cih-inah: Kei tung-a thu dong ding a, hong sawl Judah kumpipa kiangah hih bangin na va gen ding hi: ‘En in, nang hong huh ding a, hong pai Faro kumpipa’ galkapte a gam uhah ciahkik ding uh hi.

Tedim Bible Revision 2017

⁷ “Topa ahi Israel miteʼ Pasian in kong cih in ah: Keiʼ tungah thu a hong dongsak Judah kumpipa kiangah hih bangin na va gen ding hi: ‘En in, nang hong huh dingin a hong pai Faro kumpipaʼ galkapte a gam uh ah ciahkik ding uh hi.

Jeremiah 37:7 Referans Kwoze

Kah la 4:17

Huhna ngenin ka khawdakdak uh a, khawdak zo nawn lo zah dongin ka om uh hangin bangmah ka ngah kei uh hi. A hong pia zo lo ding minamte tungah huhna ka ngenngen kha uh hi.

Ezekiel 17:17

Babilon mite in mi tampi a thah theihna dingun kan bawlin dum a tawh uh ciangin a thahat Faro’ galkap honpite nangawnin amah huh zo lo ding uh hi.

Jeremiah 37:3

Zedekiah kumpipa in kamsangpa Jeremiah’ kiangah, Shelemiah’ tapa Jehukal leh Ma-aseiah’ tapa siampipa Zefaniah sawl a, “Topa i Pasian’ kiangah kote’ adingin thu hong ngetsak in,” ci-in a gen sak hi.

Jeremiah 21:2

“Kote adingin Topa’ kiangah thu hong dot sak in. Babilon kumpipa Nebukhadnezzar in hong sim hi. Topa in a nalamdangte khat kei tungah hong sem leh amah a kilehkik sak kha thei ding hi,” ci-in a dong sak hi.

2 KUMPI NIHNATE 22:18

Ahih hangin Topa tungah thu a dong dingin note a hong sawl Judah kumpipa tungah ahih leh note in hih bangin na gen ding uh hi. Israel Pasian, Topa in hih bangin ci hi: Nangmah in na zaksa thute tawh kisai-in,

Ezekiel 29:16

Israel mite in muan’ leh suan’ in amaute nei kik ngei nawn lo ding uh hi. Iziptte a tuahsiat ciangin a suang khial kha ahih lamtak uh Israel mite in a phawk ding uh hi. Tua ciangin Topa Pasian ka hihna thu Israel mite in thei ding uh hi,” hong ci hi.

Jeremiah 2:36

Bang hangin na lungsim khel ziauziau na hi hiam? Assiriate in nang hong maizumsak ngei bangin Iziptte in zong hong maizum sak ding uh hi.

Paunak 21:30

Pilna, theihna, thugennate in, Topa’ mai-ah bangmah man lo hi.

Jeremiah 2:18

Tu-in Izipt gamah na pai manin bang phattuamna ngah ding na hi hiam? Nail guntui va dawn lel ding na hi hiam? Assiria gamah na pai manin bang phattuamna ngah ding na hi hiam? Eufrates guntui va dawn lel ding na hi hiam?

Jeremiah 2:37

Nangmah in zong tua gam panin maizumna tawh na lu tungah khut koih sa-in nong paikhia ding hi; bang hang hiam cih leh na muan’ mite Topa in ka nial zo-a, amaute’ hangin na zo ngei kei ding hi.

Jeremiah 21:1

Zedekiah kumpipa in Malkhiah’ tapa Pashhur leh Ma-aseiah’ tapa Zefaniah-te Jeremiah kiangah a sawl-a,

Jeremiah 37:5

Tua hun laitakin Khaldea mite in Jerusalem khua a sim laitak uh hi a, tua hun laitak mahin Faro kumpipa’ galkapte in galsim dingin Izipt gam panin hong kuankhia hi, cih thu a zak uh ciangin Jerusalem khua panin a nungkik uh hi.

Jeremiah 37:6

Tua ciangin kamsangpa Jeremiah Topa in hopih a:

Kah la 1:7

Tu in Jerusalem kisia zo ta a, nidanga a thupitnate a nung phawk kik uh hi. Galte in a sim lai takin a huh ding khat beek a om kei hi. Guallel ahih manun a galte in a nuihsan uh hi.

Ezekiel 30:22

Tua ahih manin Topa Pasian ahi keima thugen in: Keimah in Izipt kumpipa Faro’ lang ka hi hi. A khut a lang nih-in, a dam lai leh a kitansa zong, ka kuaihtansak ding a, a khut panin namsau ka kiasak ding hi.

2 KUMPI NIHNATE 24:7

Tua ciangin Babilon kumpipa in Izipt Lui panin Eufrates gun dong Izipt kumpipa’ neih khempeuh laksak khin ahih manin Izipt kumpipa a gam panin hong kuankhia kik nawn lo hi.

Isaiah 30:7

Bang hang hiam cih leh Izipt’ huhna bangmah man loin a hawmpi hi a, tua ahih manin, “Tang lo a, a tu hithiat Rahab” ci-in min ka phuah hi.

Isaiah 36:6

En un, ama tunga a kingam mipa’ khut a sun ding, a kikuaitansa pumpeng ciangkhut tawh a kibang, Izipt na suang uh hi. Amah a muang khempeuhte tungah Izipt kumpipa Faro, tua pumpeng bang hi lel hi.