Jeremiah 37:3 - Tedim Bible

³ Zedekiah kumpipa in kamsangpa Jeremiah’ kiangah, Shelemiah’ tapa Jehukal leh Ma-aseiah’ tapa siampipa Zefaniah sawl a, “Topa i Pasian’ kiangah kote’ adingin thu hong ngetsak in,” ci-in a gen sak hi.

Tedim Bible Revision 2017

³ Kumpi Zedekiah in Shelemiahʼ tapa Jehukal le Maaseiahʼ tapa siampipa Zefaniah keima kiangah hong sawl a, “Topa i Pasianʼ kiangah kote adingin thu hong ngetsak in,” ci-in a hong gensak hi.

Jeremiah 37:3 Referans Kwoze

Jeremiah 52:24

Kumpi cing galkap mangpa in siampi lianpenpa Seraiah tawh, siampi lian a nihna Zefaniah leh kongpi uk biakinn upa thum tawh a paipih a,

Jeremiah 42:20

Na sih nadingun lam na pial khin uh hi. Bang hang hiam cih leh Topa na Pasian uh’ kiangah, kei nong paisak uh a, ‘Ko adingin Topa i Pasian kiangah thu hong ngetsak in. Topa i Pasian in a hong gen peuhpeuh ko kiangah hong gen in. Ko zong ka mang ding uh hi,’ nong ci uh hi.

Jeremiah 2:27

Amaute in singtawng khat kiangah, ‘Nang ka pa na hi hi,’ peuh a ci uh a, suangtum khat kiangah, ‘Ka pian’na ka nu na hi hi,’ peuh a ci uh hi. Bang hang hiam cih leh amaute in kei hong nungngat uh a, a hong maingat kei uh hi. Ahih hangin haksatna a tuah uh ciangin, ‘Tho in la, hong hon in,’ hong ci uh hi.

1 KUMPI MASATE 13:6

Tua ciangin kumpipa in Pasian’ mipa kiangah, “Tu-in Topa na Pasian’ maipha kunh in la, ka khut a ngei a bat nadingin kei adingin thu hong ngetsak in,” a ci hi. Tua ciangin Pasian’ mipa in Topa tungah kunh hi; tua kumpipa’ khut a ngei bang kik a, a ni danga mah hong bang hi.

Sawltak 8:24

Simon in, “Na thupiak khat beek keima tungah a tun’ loh nadingin Pasian kiangah thu hong ngetsak in,” a ci hi.

Jeremiah 38:1

Mattan’ tapa Shefatiah, Pashhur’ tapa Gedaliah, Shelemiah’ tapa Jehukal, leh Malkhiah’ tapa Pashhur-te in mi khempeuh’ tunga Jeremiah’ thugenna a za uh hi.

Jeremiah 29:21

A vanglian Topa, Israel mite’ Pasian in kei’ min tawh note’ kianga zuauthu a hong hilh Ko-laiah’ tapa Ahab leh Ma-aseiah’ tapa Zedekiah-te tawh kisai-a kong gen-inah: En un, keimah in amaute Babilon kumpipa Nebukhadnezzar’ khut sungah ka pia ding a, amah in no’ muhin amaute a thatlum ding hi.

1 SAMUEL MASA 12:19

Tua ciangin mi khempeuh in Samuel kiangah, “Kote ka sih loh nadingun na nasemte’ adingin Topa tungah thungen in; bang hang hiam cih leh ka khialhnasate uh banah kote adingin kumpi khat ngenin hih siatna ka behlap lailai uh hi,” a ci uh hi.

Gamlak-vakna 21:7

Moses kiangah mite hong pai-in, “Topa leh nang hong gensia-in kam pau ka hih manun ka khial uh hi; kote kiang panin gulte a lak khiat nadingin Topa tungah thuum in,” a ci uh hi. Tua ahih ciangin mite’ adingin Moses in thuumsak hi.

Paikhiatna 10:17

Tua ahih ciangin tu-in ka khialhna hong maisak in, tu-a khat vei bek, kong thum hi, keima' tung panin hih sihna a lakkhiat ding Topa na Pasian tungah thum in,” a ci hi.

Paikhiatna 9:28

Topa' tungah thum in; bang hang hiam cih leh hih vanging leh gialpi kicing zo hi; note kong paisak ding a, note na khawl nawn kei ding uh hi,” ci hi.

Paikhiatna 8:28

Tua ahih ciangin Faro in, “Gam lakah Topana Pasian uh tungah biakna pia dingin note kong paisak ding hi; ahih hangin gamlapi-ah na pai kei ding uh hi. Kei adingin hong thumsak in,” ci hi.

Paikhiatna 8:8

Tua ciangin Faro in Moses leh Aaron samin, “Kei leh ka mite' kiang panin uiphukte a lakkhiat nadingin Topa' tungah thum un; Topa' tungah biakna pia dingin mite ka paisak ding hi,” ci hi.

Jeremiah 15:11

Topa aw, amaute’ hoih nadingin nang tungah kong thuumsak kei a, gimna leh haksatna hun ciangin ka galte adingin nang tungah kong ngetsak kei leh tua haamsiatnate kei tungah hong tung ta hen!

Jeremiah 37:7

“Topa ahi, Israel mite’ Pasian in kong cih-inah: Kei tung-a thu dong ding a, hong sawl Judah kumpipa kiangah hih bangin na va gen ding hi: ‘En in, nang hong huh ding a, hong pai Faro kumpipa’ galkapte a gam uhah ciahkik ding uh hi.

Jeremiah 37:17

kumpipa Zedekiah in a samsak hi. Kumipa in zong a inn sungah samin, “Topa’ hong thugenna kam khat beek a om hiam?” ci-in a dong sim hi. Jeremiah in zong, “Om mah hi,” a cih khit ciangin, “Babilon kumpipa’ khut sungah nang hong kipia ding hi,” a ci hi.

Jeremiah 42:1

Tua ciangin galkap mangte khempeuh, Kareah’ tapa Johanan, Hoshaiah’ tapa Azariah leh a neupen pan-a kipan a lianpen dongin mi khempeuh hong paipih uh a,