Jeremiah 37:21 - Tedim Bible

²¹ Tua ahih manin kumpipa Zedekiah in kumpi thonginn sungah a kiat zawk nading thu pia a, khua sunga anlum a bei matengin anlum sai panin ni simin anlum khat ta a piasak den hi. Tua ahih manin kumpipa’ thong sungah Jeremiah a om suak hi.

Tedim Bible Revision 2017

²¹ Tua ahih manin kumpipa Zedekiah in kumpi thonginn sungah ka kiat zawk nading thu pia a, khua sunga anlum a bei matengin anlum sai panin nisimin anlum khat ta hong piasak den hi. Tua ahih manin kumpipaʼ thong sungah a om ka suak hi.

Jeremiah 37:21 Referans Kwoze

Jeremiah 38:28

Tua hi a, Jerusalem khua a kilak ciang dong Jeremiah zong thong huang sung mahah a om lai hi.

Jeremiah 38:13

Tua ciangin amaute in tuikhuk sung panin khau tawh Jeremiah a kai khiato uh hi. Jeremiah zong thong huang sung mahah a om lai hi.

Jeremiah 52:6

A kha lina, a ni kua ni ciangin khuapi sungah kial nasia lua ahih manin, mite in an nek ding nei nawn lo uh hi.

Jeremiah 38:9

“Ka Topa kumpipa aw, hih mite in kamsangpa Jeremiah, tuikhuk sungah a khiatsuk uh a khial uh hi. Bang hang hiam cih leh khua sungah anlum om nawn lo ahih manin anngawlin a puk si ding hi,” a ci hi.

Jeremiah 32:2

Tua hun laitakin Babilon kumpipa’ galkapte in Jerusalem khua a sim laitak hun hi a, kamsangpa Jeremiah zong Judah kumpipa’ inn huang sunga thong sungah a kikalhcip laitak ahi hi.

Isaiah 33:16

Hih in a san’na munte ah teengin, kulh mualpi bukna-a a zang ding mipa ahi hi. Amah an kipia in, a dawn ding tui kitasam lo ding hi.

2 KUMPI NIHNATE 25:3

A kha lina a ni kua ni-in tua khuapi sungah kialpi nasia mahmah ahih manin tua gam mite’ ading an om lo hi.

JOB (Job) 5:20

Kialpi sungin na sih nading pan hong honkhia ding a, gal sungah namsau panin hong suakta sak ding hi.

2 TIMOTI NIHNA 2:9

Tua Lungdamna Thu hangin keimah in mi gilo bangin khau kikhihna dongin gimna ka thuak hi. Ahih hangin Pasian’ thu ahih leh, a kikhihna om lo hi.

2 TIMOTI NIHNA 1:8

Tua ahih ciangin Topa teci pan’na ahi zongin, tua Topa’ thongkiapa ahi keimah ah ahi zongin zum kei in. Pasian hong piak a vangliatna bangin Lungdamna Thu tawh kizomin gimna na thuak in.

Efesa 4:1

Tua ahih ciangin a hong sapna thupha note in na ngah uh tawh kituakin na zuih nadingun, Topa hanga thongkia keimah in hansuahin kong zol hi.

Sawltak 28:30

Paul in kum nih tawntung a sap innah om a, ama kiangah a pai khempeuh tung sak hi.

Sawltak 28:16

Rom khua-ah ka tun’uh ciangin Paul in a cing galkap tawh a ut bangin a om theih na’ng thu a ngah hi.

Sawltak 24:27

Kum nih a cin’ ciangin Porsias Festas in Feliks za a laih hi. Tua Feliks in Judah mite lungdamsak nuamin Paul thong sungah a omsak lai hi.

Sawltak 12:5

Tua ahih ciangin Piter in thong sungah a om lai takin pawlpite in Pasian kiangah amah ading hahkatin thu a ngetsak uh hi.

Mattiu 6:33

Pasian’ Gam leh ama dikna zong masa un. Na zon’ uh leh, tua na khempeuh a hong pia thuah ding hi.

Kah la 5:10

Gilkial luat manin cisa-in ka nattun uh a, ka pumpi uh mei-amsa a bang hi.

Jeremiah 32:8

Tua ciangin Topa’ hong cihna mah bangin thong sungah ka inn lak sanggampa hong pai takpi-a hong hopihin, ‘Benjamin gam Anathoth khua-a ka lo hong lei in. Bang hang hiam cih leh, i ngeina bangin a nei ding leh a tankhia ding nangmah na hi hi. Nang’ adingin lei in,’ hong ci hi. Tua ciangin keimah in Topa’ hong hopihna taktak hi, ci-in ka thei hi.

Paunak 21:1

Topa’ khut sungah kumpipa om a, lo sunga tui lak bangin a deihna peuhah hei kawikawi thei hi.

Paunak 16:7

Topa’ deih bang-a gamtatna in, galte nangawn lawm-a kaih zawhna hi.

Late 37:19

siatna hun ciangin amaute kimaizumsak lo a, kial hun ciangin tampi nei uh hi.

Late 37:3

Topa muang in la gamtat hoih in; gam nuamah teeng in la thumanin om in.

Jeremiah 33:1

Thong huang sungah Jeremiah a kikalhcip laitak mahin Topa in a nih veina hopih a:

Jeremiah 38:6

Tua ciangin amaute in Jeremiah a man uh a, thong huang sunga om kumpipa’ tapa Malkhiah’ tuikhuk sungah khau tawh a khiasuk uh hi. Tuikhuk sungah tui om loin buan bek om a, Jeremiah buan sungah a tum hi.

Jeremiah 20:2

Tua ciangin Pashhur in kamsangpa Jeremiah sat a, Topa’ biakinn Benjamin Kongpi sak nungah kol a bulh hi.