Jeremiah 36:9 - Tedim Bible

⁹ Josiah’ tapa Judah kumpipa Jehoiakim a maan’ zawh kum nga a phak kum, a kha kua kha-in Jerusalem khua-a om mi khempeuh leh Judah gam khuapite pana Jerusalem khua-a hong pai mite khempeuh in Topa’ mai-ah an tan’ ding thu a zasak uh hi.

Tedim Bible Revision 2017

⁹ Josiahʼ tapa Judah kumpi Jehoiakim in a uk zawh kum nga a phak kum, a kha kuana kha-in Jerusalem khua-a om mi khempeuh le Judah gam khuapite panin Jerusalem khua ah a hong pai mi khempeuh in Topaʼ maipha ngah nadingin an a tang uh hi.

Jeremiah 36:9 Referans Kwoze

2 KHANG TANGTHU NIHNATE 20:3

Tua ciangin Jehoshafat lau a, amahmah in Topa’ lamlah nading zong a, Judah gam khempeuh ah antan’ ding thu zasak hi.

Jonah 3:5

Nineveh khuamite in kisik kik-in Pasian a um uh a, antan’ nading thu thang sakin, a golpen pana kipan a neupen dongin ippi puan a silh uh hi.

Jeremiah 36:22

Kha kua kha pen phalbi laitak ahih manin kumpipa zong a phalbi inn sungah tu-a meikhuk-a mei a awi hi.

Esther 4:16

“Pai-in Susa khua sunga om Judah mi khempeuh khawm in la, keimah ngaihsutna-in an na tang un; a sun a zan ci loin ni thum sung an ne lo, tui dawn loin na om un. No tan’ mah bangin kei leh ka nasem numeite in zong ka na tang ding uh hi. Tua khit ciangin ngeina ahih loh hangin kumpipa kiangah ka va pai ding hi; ka sih leh zong a si ka hi ding hi,” a ci hi.

Zekhariah 8:19

amah in, “Kha lina, kha ngana, kha sagihna, leh kha sawmna sunga antan’nate pen, Judah gam mite’ adingin lungdamin kipakin pawi bawlna hun suak ta ding hi. Tua ahih manin thuman leh kilemna deih pha un,” hong ci hi.

Joel 1:13

Siampite aw, puanhampi silhin kap un la, biakna tau-a nasemte aw, thum un. Ka Pasian’ na a semte aw, biakinn sungah tum un la, zan thapai-in dahna lim puanhampi silh un. Note’ Pasian’ inn sungah piak ding, an leh leenggahzu om nawn lo hi.

Jeremiah 36:1

Josiah’ tapa Judah kumpipa Jehoiakim a maan’ zawh kum li a phak kumin Topa in Jeremiah hopih a:

Nehemiah 9:1

Tua kha mah a ni sawmnih-le-li ni-in an tang dingin Israel mite kikhawm uh a, puanhampi silhin a lu tung uhah lei kibuak uh hi.

Siampi Laibu 23:27

“Hih a kha sagihna ni sawm ni in kilemna ni ahi hi; tua in note’ adingin a siangtho kikhopna hun hi ding a, note kigawt tawmin Topa’ tungah meihal biakna na pia ding uh hi.

Thukhente 20:26

Tua ciangin Israel mite khempeuh, galkap vekpi paito-in Bethel-ah tungin kap uh hi; tua lai mun Topa’ mai-ah amaute tu-in nitak dong tua ni an tang uh a, Topa mai-ah meihal biakna leh thunuam-a biakna pia uh hi.

1 SAMUEL MASA 7:6

Tua ahih ciangin amaute Mizpah-ah kikhawm uh a, tui tawi-in Topa mai-ah sungkhia uh a, tua ni-in an tangin tua lai munah, “Topa tungah i khial khin zo hi,” a ci uh hi. Samuel in Israel mite Mizpah-ah thukhen hi.

Jeremiah 36:6

nang na pai in la, an tan’ ni ciangin Topa’ biakinn sunga om mi khempeuhte’ zak dingin kong sit hih laizial sunga na gelh Topa’ kammalte na sim ding hi. Amau’ khuapite pana hong paikhia Judah mi khempeuhte’ zakin zong na sim ding hi.

Joel 1:14

An tan’ ding thu pia un la, a thupi biak kikhopna bawl un. Note’ Topa Pasian’ inn sungah, makaite leh gam mi khempeuh khawm un la, Topa’ tungah kiko-in thuum un.