Jeremiah 36:6 - Tedim Bible

⁶ nang na pai in la, an tan’ ni ciangin Topa’ biakinn sunga om mi khempeuhte’ zak dingin kong sit hih laizial sunga na gelh Topa’ kammalte na sim ding hi. Amau’ khuapite pana hong paikhia Judah mi khempeuhte’ zakin zong na sim ding hi.

Tedim Bible Revision 2017

⁶ nang va pai inla, an tan ni ciangin Topaʼ biakinn sungah a om mi khempeuhteʼ zak dingin ka hong sit hih laizial sungah na at Topaʼ kammalte na va sim ding hi. Amauʼ khuapite pan a hong paikhia Judah mi khempeuhteʼ zakin zong na sim ding hi.

Jeremiah 36:6 Referans Kwoze

Jeremiah 26:2

“Topa in kong cih-inah, Topa’ biakinnpi huang sungah va ding in la, Topa’ biakinnpi sunga bia dinga hong pai Judah gam khuapite khempeuh kiangah gen ding a, kong sawl khempeuh va gen in. Kam khat beek im kei in.

Jeremiah 22:2

David’ tokhom tunga tu Judah kumpipa aw, nang leh na nasemte akipan hih kongpi-a hong lut na gammite khempeuh in Topa kammal ngai dih un.

Jeremiah 7:2

Topa’ biakinn kongkhakpi kiangah ding in la, hih thu teng va tangko in: Topa bia ding-a kongkhak sung-a hong tum Judah mite aw, Topa’ kammal ngai dih un.

Sawltak 27:9

Ni tampi bei a, antan’na hun bei zo ahih ciangin, tuipi galkah nading launa om ahih manin Paul in,

Jeremiah 19:14

Tua ciangin Topa in thu gen ding a, hong sawlna Tofeth panin ka ciahkik a, Topa’ biakinn sungah ding-in mi khempeuh’ kiangah,

Jeremiah 18:11

Tua ahih manin tu-in, Judah mite leh Jerusalem khua mite kiangah, ‘Topa in a cih-inah, En un, note’ siat nadingin ka gal-a note’ langkhat ah ngimna khat ka nei hi. Na vekpi-un na siatna uh pan kilehkik un la, na dan uh leh na nasepnate uh bawlpha un,’ va ci in.

Jeremiah 36:2

“Laizial khat la in la, tua sungah Josiah kumpi a suah kum, nang kong hopih masak hun-a kipan tuni ciang dong Israel gam, Judah gam leh gamdang khempeuhte’ lang khatah ka thugente khempeuh gelh in.

Jeremiah 36:4

Tua ciangin Jeremiah in Neriah’ tapa Baruk sam a, Topa in ama’ tunga a gen khitsa thu khempeuh sit-in Baruk in laizial khat tungah a gelh hi.

Zekhariah 8:19

amah in, “Kha lina, kha ngana, kha sagihna, leh kha sawmna sunga antan’nate pen, Judah gam mite’ adingin lungdamin kipakin pawi bawlna hun suak ta ding hi. Tua ahih manin thuman leh kilemna deih pha un,” hong ci hi.