Jeremiah 36:5 - Tedim Bible

⁵ Jeremiah in Baruk sawl a, “Topa’ biakinn ah pai dingin kei hong kiphal lo ahih manin

Tedim Bible Revision 2017

⁵ Tua ciangin Baruk ka sawl a, “Topaʼ biakinn ah a pai dingin kei hong kiphal nawn lo ahih manin

Jeremiah 36:5 Referans Kwoze

Jeremiah 33:1

Thong huang sungah Jeremiah a kikalhcip laitak mahin Topa in a nih veina hopih a:

Jeremiah 32:2

Tua hun laitakin Babilon kumpipa’ galkapte in Jerusalem khua a sim laitak hun hi a, kamsangpa Jeremiah zong Judah kumpipa’ inn huang sunga thong sungah a kikalhcip laitak ahi hi.

2 KORIN NIHNA 11:23

Amaute in Khazih’ nasemte ahi uh hiam? Kei in zong ka hizaw hi ci-in mihai bangin ka gen hi. Gim mahmaha nasem zaw mi, thong sungah khiatna a thuakzaw mi, satna tupna kisim zo lo a thuak mi, sihna ding tawh tam veipi kituak ka hi hi.

Hebru 11:36

Kim khatte in kosiatna, satgawpna tham loin, leh-henna, thongkiatnate tawh ze-etna a thuak uh hi.

2 TIMOTI NIHNA 2:9

Tua Lungdamna Thu hangin keimah in mi gilo bangin khau kikhihna dongin gimna ka thuak hi. Ahih hangin Pasian’ thu ahih leh, a kikhihna om lo hi.

Efesa 3:1

Tua thu hangin note phattuam nadingin ngaihsunin, keimah a hong piak Pasian’ hehpihna thupha note in na zak uh leh, Gentail mi ahi note hangin Khazih Zeisu’ thongkiapa kei Paul in,

Jeremiah 40:4

Tu-in, en in, na khuta kibulh kolte, tu ni-in kong sutkhiat sak kong khah khia ta hi. Babilon khua-ah kei tawh pai ding hoih na sak leh hong pai in. Keimah in nang lim takin kong kem ding hi. Ahih hangin Babilon khua-ah kei tawh pai ding hoih nasak kei leh hong pai kei in. Gam khempeuh na mai-ah om a, na pai nopna peuhpeuh ah na pai thei hi,” a ci hi.

Jeremiah 38:28

Tua hi a, Jerusalem khua a kilak ciang dong Jeremiah zong thong huang sung mahah a om lai hi.

Jeremiah 38:6

Tua ciangin amaute in Jeremiah a man uh a, thong huang sunga om kumpipa’ tapa Malkhiah’ tuikhuk sungah khau tawh a khiasuk uh hi. Tuikhuk sungah tui om loin buan bek om a, Jeremiah buan sungah a tum hi.

Jeremiah 37:15

Kumpi uliante zong Jeremiah tungah heh mahmah uh a, a sat khit uh ciangin thong ding a, a kizang sa, kumpi thuvanpipa Jonathan’ innah thong a kia sak uh hi.

Jeremiah 20:2

Tua ciangin Pashhur in kamsangpa Jeremiah sat a, Topa’ biakinn Benjamin Kongpi sak nungah kol a bulh hi.

Nehemiah 6:10

Mehetabel’ tapa Delaiah, a tapa Shemaiah a innah omcip ahih manin ni khat ama kiangah ka pai leh amah in, “Pasian’ inn sung, siangtho munah kituahin biakinn kong kikhak nelh ni; bang hang hiam cih leh nang hong that dingin amaute hong pai uh a, zanin amaute in nang hong that ding uh hi,” hong ci hi.

Late 88:8

Ka kikholhpihte in kei hong pelh dingin nong bawl khin a, amaute tungah a cikziat huai khatin kei nong bawl hi. Ka suahtak khiat theih loh nadingin kei hong kikhumcip hi;

Jeremiah 32:12

Nariah’ tapa ahi, Mahseiah’ tupa Baruk kiangah ka pia hi. Tua laite, ka innlak sanggampa Hanamel tawh, tua kileina laite tunga a min uh a gelh a hong theipih mite tawh, thong huang sunga a tu Judah mite tawh a om kim laitak-un ka pia hi.