Jeremiah 36:4 - Tedim Bible

⁴ Tua ciangin Jeremiah in Neriah’ tapa Baruk sam a, Topa in ama’ tunga a gen khitsa thu khempeuh sit-in Baruk in laizial khat tungah a gelh hi.

Tedim Bible Revision 2017

⁴ Tua ciangin kei zong Neriahʼ tapa Baruk ka sam a, Topa in keima tungah a hong gen khit sa thu khempeuh sitin Baruk in laizial khat tungah a gelh hi.

Jeremiah 36:4 Referans Kwoze

Jeremiah 32:12

Nariah’ tapa ahi, Mahseiah’ tupa Baruk kiangah ka pia hi. Tua laite, ka innlak sanggampa Hanamel tawh, tua kileina laite tunga a min uh a gelh a hong theipih mite tawh, thong huang sunga a tu Judah mite tawh a om kim laitak-un ka pia hi.

Ezekiel 2:9

Tua ciangin kei lamah khut khat hong kizan a, tua khut in laizial tawn khat a tawi ka mu hi.

Jeremiah 36:32

Tua ciangin Jeremiah in zong laizial dang khat la a, Neriah’ tapa thuvanpipa Baruk a pia hi. Amah in zong Judah kumpipa Jehoiakim in meikhuk sunga a khul tumsa laizial sunga thu kigelh khempeuh, Jeremiah’ sit bangbangin a gelh hi. Kammal kibang zong tampi a kibehlap hi.

Jeremiah 43:3

Neriah’ tapa Baruk in Khaldea mite’ khut sungah kote hong pia nuam-in hong kithah nading ahih kei leh Babilon-ah sal tang dinga hong kilak theih nading deih ahih manin ko a hong langpang dingin nang hong zang ahi zaw hi,” a ci uh hi.

ROM (Romans) 16:22

Hih lai a gelh keimah Tertias in Topa hangin kong hopih hi.

Zekhariah 5:1

Ka khuadak kik leh huih lakah a leeng laizial khat ka mu hi.

Jeremiah 36:28

“Laizial dang khat la in la, tua tungah, Judah kumpipa Jehoiakim in a haltum a masa laizial sunga thu om teng khempeuh gelhkik in.

Jeremiah 36:26

Tua ciangin kumpipa in kumpipa’ tapa Jerahme-el tawh, Azriel’ tapa Seraiah tapa, Abde-el’ tapa Shelemiah tawh a sawl a, kumpi thuvanpipa Baruk leh kamsangpa Jeremiah man dingin thu a pia hi. Ahih hangin Topa in amau tegel a seel sim hi.

Jeremiah 36:23

Jehudi in khawk thum khawk li bang a sim khit ciangin kumpipa in temta neu khat tawh aat khia-a, meikhuk sungah a khul hi. Tua bangin laizial buppi a kattum dong meikhuk sungah a paaipaai hi.

Jeremiah 36:21

Kumpipa in zong tua laizial a la dingin Jehudi sawl a, amah in thuvanpipa Elishama’ inndei sung pan a va lakhia hi. Kumpipa leh kumpipa kianga ding ulian khempeuhte’ zakin Jehudi in a sim hi.

Isaiah 8:1

Tua ciangin Topa in, “Suangpeek lianpi khat la in la, tua tungah mihingte’ theihkim lai tawh, ‘Mahershalalhasbaz’ ci in gelh in,” hong ci hi.

Jeremiah 25:13

Tua gam kisiat na’ng a, ka gensa thute khempeuh hih laibu sungah kigelh a, Jeremiah in gam khempeuhte kiangah a gen hi. Tuate khempeuh ka tungsak ding hi.

Jeremiah 30:2

“Topa, Israel mite’ Pasian in kong gen-inah: Kong gensa thute khempeuh laibu khat sungah khum in.

Jeremiah 36:6

nang na pai in la, an tan’ ni ciangin Topa’ biakinn sunga om mi khempeuhte’ zak dingin kong sit hih laizial sunga na gelh Topa’ kammalte na sim ding hi. Amau’ khuapite pana hong paikhia Judah mi khempeuhte’ zakin zong na sim ding hi.

Jeremiah 36:14

Tua ciangin kumpi ulian khempeuh in, Kushi’ tusawn ahi, Shelemiah’ tupa, Nethaniah’ tapa Jehudi, Baruk kiangah a sawl uh a, “Mite kianga na sim na laizial hong la in la, hong pai in,” ci-in a sam sak uh hi. Tua ciangin Neriah’ tapa Baruk in zong tua laizial la-in amau kiangah hong pai hi.

Jeremiah 36:27

Jeremiah’ sit banga, Baruk in a gelh laizial kumpipa in a haltum khit ciangin Topa in Jeremiah hopih-a:

Jeremiah 51:59

Neriah’ tapa, Mahseiah’ tupa, Seraiah in Zedekiah kumpipa’ thuvanpa ahi hi, Kumpipa Zedekiah Judah gamah a maan’ zawh kum li ciangin Seraiah leh kumpipa Babilon-ah a pai uh hi. Tua hun laitakin kamsangpa Jeremiah in Seraiah thu a vaikhak hi,

Jeremiah 51:60

Jeremiah in Babilon khua tawh kisai-in Babilon khua-a a tung ding gimna khempeuh laibu khat sungah a gelh hi.

Daniel 7:1

Belshazzar in Babilon kumpi a suah zawh a kum masa kumin keimah Daniel in ka lup sungin, mang khat ka man a, zanin maang ka mu hi: Ka mangmat lai-in ka gelh a, tua zana ka mangmuhnate ka ciamtehna hi bang ahi hi.

Isaiah 30:8

Tu-in pai in la, hong tung lai ding hunte ah teci ahi ngitnget dingin amaute’ mai-ah suangpeek tungah gelh in la, laizial khat sungah at in.