Jeremiah 36:2 - Tedim Bible

² “Laizial khat la in la, tua sungah Josiah kumpi a suah kum, nang kong hopih masak hun-a kipan tuni ciang dong Israel gam, Judah gam leh gamdang khempeuhte’ lang khatah ka thugente khempeuh gelh in.

Tedim Bible Revision 2017

² “Laizial khat la inla, tua sungah Josiah kumpi a suah kum, nang kong hopih masak hun a kipan tu ni ciang dong Israel gam le gamdang khempeuhteʼ lang khat ah ka thugente khempeuh gelh in.

Jeremiah 36:2 Referans Kwoze

Jeremiah 30:2

“Topa, Israel mite’ Pasian in kong gen-inah: Kong gensa thute khempeuh laibu khat sungah khum in.

Jeremiah 25:3

“Amon’ tapa Josiah, Judah gamah kumpi a suah zawh a kum sawm leh thum kum pan tu ciang dong kum sawmnih leh kumthum sung Topa in kei hong hopih a, ke’n zong note kiangah kong gen sawn tawntung hangin note in na ngai kei uh hi.

Jeremiah 1:10

Gam khempeuh leh kumpi khempeuhte’ tungah a botkhia ding leh a phelkhia dingin ahi zongin, a susia ding leh a suankhia dingin ahi zongin, a lam ding leh a phut dingin ahi zongin, tu ni-in za, nang kong pia zo hi,” hong ci hi.

Paikhiatna 17:14

Topa in Moses' kiangah, “Keimah in vantung nuai khempeuh panin Amalek mite a kiphawkna ka phiat siangtho nading thu phawk nadingin hih thu laibu sung khatah gelh in la, Joshua’ kiangah genkik in,” a ci hi.

Ezekiel 2:9

Tua ciangin kei lamah khut khat hong kizan a, tua khut in laizial tawn khat a tawi ka mu hi.

Jeremiah 51:60

Jeremiah in Babilon khua tawh kisai-in Babilon khua-a a tung ding gimna khempeuh laibu khat sungah a gelh hi.

Jeremiah 36:23

Jehudi in khawk thum khawk li bang a sim khit ciangin kumpipa in temta neu khat tawh aat khia-a, meikhuk sungah a khul hi. Tua bangin laizial buppi a kattum dong meikhuk sungah a paaipaai hi.

Jeremiah 36:6

nang na pai in la, an tan’ ni ciangin Topa’ biakinn sunga om mi khempeuhte’ zak dingin kong sit hih laizial sunga na gelh Topa’ kammalte na sim ding hi. Amau’ khuapite pana hong paikhia Judah mi khempeuhte’ zakin zong na sim ding hi.

Isaiah 8:1

Tua ciangin Topa in, “Suangpeek lianpi khat la in la, tua tungah mihingte’ theihkim lai tawh, ‘Mahershalalhasbaz’ ci in gelh in,” hong ci hi.

Late 40:7

Tua ciangin keimah in, “En in, laibu sunga keima thu a kigelh khinsa bangin kong pai hi;

Ezra 6:2

Ahi zongin Babilon khua sungah na om lo a, Media gam sung kumpi khuapi Ekbatana-ah laizial khat kimu a, tua sungah hih anuai-a bangin a kiciamteh kimu hi:

Hosea 8:12

Amaute hilh nading sim zawhloh thukham tampi gelh ta leng zong, amaute in don loin thu lamdangpi khatin ngaihsun lel uh hi.

Jeremiah 45:1

Josiah’ tapa Jehoiakim, Judah gamah kumpi a suah zawh kum li a cin’ ciangin Neriah’ tapa Baruk in kamsangpa Jeremiah’ gen bangbang laibu khat sungah a gelh hi. Tua ciangin Jeremiah in Baruk kiangah:

Jeremiah 36:29

Judah kumpipa Jehoiakim’ thu tawh kisai-in hih bangin ama’ kiangah va gen in: ‘Topa in hong gen-inah, Nangmah in, “Jeremiah aw, bang hangin Babilon kumpipa hong pai taktak-in hih gam hong susia ding a, mihing leh ganhing a teeng sak nawn kei ding hi, ci-in hih lai sungah gelh na hi hiam?” ci-in na gen-a tua laizial na haltum hi.

Jeremiah 2:4

Jokob’ suan leh Israel innkuan khempeuhte aw, Topa’ kammal ngai dih un.

Jeremiah 1:5

“Gil sungah kong bawl ma-in nang kong thei khin zo hi; na suah ma-in kong teelkhia khin zo a, minam dangte’ tungah kamsang dingin kong koih khin zo hi,” hong ci hi.

JOB (Job) 31:35

Ka thugente kuamah in na ngai lo ding ahi hiam? Ka gen khempeuh man hi, ci-in ka kiciam hi. Vanglian Pasian in hong dawng ta hen. Ka langte in kei hong mawhsakna thute ka tawi theih dingin lai sungah kigelh hi leh,

Thu-hilhkikna 31:24

Moses in a bei dongin hih thukham kammalte laibu sunga gelh a man ciangin,

Hebru 10:7

Tua lai takin keimah in, Lai Siangtho sungah keimah ngaihsunin a kigelh mah bangin, ‘Na deihna bangin sem dingin hong pai ka hi hi, Pasian aw,’ a ci hi.

Jeremiah 1:9

Tua ciangin Topa in a khut tawh hong zam phei-in ka muk hong lawn sak-a hong hopih hi. “En in, ka thute na kam sungah kong koih khin zo hi.

Jeremiah 36:14

Tua ciangin kumpi ulian khempeuh in, Kushi’ tusawn ahi, Shelemiah’ tupa, Nethaniah’ tapa Jehudi, Baruk kiangah a sawl uh a, “Mite kianga na sim na laizial hong la in la, hong pai in,” ci-in a sam sak uh hi. Tua ciangin Neriah’ tapa Baruk in zong tua laizial la-in amau kiangah hong pai hi.

Jeremiah 36:18

Baruk in zong, “Amah in hih thu khempeuh hong sit a, ke’n zong laizial sungah laitui tawh ka gelh hi,” ci-in a dawng kik hi.