Jeremiah 36:10 - Tedim Bible

¹⁰ Tua ciangin Topa’ biakinn sung, a Kongpi Thak tumna gei, adei tungnunga Shafan’ tapa thuvan pipa Gemariah’ inndei sungah mi khempeuh’ zak-in Baruk in laizial sunga Jeremiah’ kammalte a simkhia hi.

Tedim Bible Revision 2017

¹⁰ Tua ciangin Topaʼ biakinn sung, a Kongpi Thak tumna gei, a dei tungnung a Shafanʼ tapa thuvanpi pa Gemariahʼ inn dei sungah mi khempeuhʼ zakin Baruk in laizial sunga ka gelhsak kammalte a sim khia hi.

Jeremiah 36:10 Referans Kwoze

Jeremiah 36:11

Gemariah’ tapa, Shafan’ tupa ahi Mikaiah in laizial sunga thu teng khempeuh a zak ciangin

Jeremiah 52:25

khuapi sung panin galkapte a uk galkapmang khat leh khua sunga a kimu kumpipa’ uliante sagih tawh, galkap zum lai a kem galkap mangpa’ lai-atpa tawh, a khua sunga kimu midang sawmguk tawh, khua sung panin a paikhiatpih hi.

Jeremiah 26:10

Judah gam uk uliante in hih thu a zak uh ciangin kumpipa’ inn sung pan Topa’ biakinnpi ah hong paito uh a, Topa’ biakinnpi lutna Kongpi Thakah a tu uh hi.

Jeremiah 36:25

Elnathan leh Delaiah leh Gemariah te in kumpipa’ kiangah laizial a hal loh nading a khoh uh hangin amah in a mang kei hi.

2 SAMUEL NIHNA 8:17

Ahitub’ tapa Zadok leh Abiathar’ tapa Ahimelek in siampi ahi uh hi; Seraiah in lai-atpa ahi hi;

Jeremiah 36:8

Neriah’ tapa Baruk in zong Topa’ biakin sungah laizial sunga Topa’ kammal sim khiat dinga kamsangpa Jeremiah’ sawl bangbangin a hih hi.

Jeremiah 36:6

nang na pai in la, an tan’ ni ciangin Topa’ biakinn sunga om mi khempeuhte’ zak dingin kong sit hih laizial sunga na gelh Topa’ kammalte na sim ding hi. Amau’ khuapite pana hong paikhia Judah mi khempeuhte’ zakin zong na sim ding hi.

Jeremiah 35:4

Amaute, Topa’ biakinn sung, kumpi uliante’ inn dei gei, Shallum’ tapa kongpi uk biakinn upa lian Ma-aseiah’ inndei tung-a, Igdaliah’ tapa, Pasian’ mi ahi Hanan’ tate’ inndei sungah ka lutpih hi.

Jeremiah 29:3

Tua laitak pen Shafan’ tapa Elasah leh Judah kumpipa Zedekiah in Babilon khua Nebukhadnezzar kumpipa’ kiang-a kumpi taangmi dinga a puak Hilkiah’ tapa Gemariah-te a puasak hi. Tua sungah:

Jeremiah 26:24

Ahih hangin Shafan’ tapa Ahikam in Jeremiah hu ahih manin mite’ khut sungah kipia loin thahna a thuak kei hi.

2 KUMPI NIHNATE 18:37

Tua ciangin inn sung a ukpa, Hilkiah’ tapa Eliakim, leh lai-atpa Shebna, leh thuciamtehpa, Asaf tapa Joahte a puan uh balkeksa-in Hezekiah kiangah hong pai uh a, a ulianpa’ kammalte ama kiangah gen uh hi.

2 KUMPI NIHNATE 15:35

Ahi zongin mualtunga biaknate kikoih khia lo hi; mite in tuate tungah biakna pia-in paknamtui hal lai uh hi. Amah in Topa’ inn kulh kongpi tungnung bawl hi.

2 SAMUEL NIHNA 20:25

Sheva in lai-atpa ahi hi; Zadok leh Abiathar in siampite ahi uh hi;

1 KUMPI MASATE 6:36

Amah in a kiseek suang gual thum leh taamtaak sing gual khat tawh atual sungnung bawl hi.

Jeremiah 43:3

Neriah’ tapa Baruk in Khaldea mite’ khut sungah kote hong pia nuam-in hong kithah nading ahih kei leh Babilon-ah sal tang dinga hong kilak theih nading deih ahih manin ko a hong langpang dingin nang hong zang ahi zaw hi,” a ci uh hi.

Ezekiel 40:38

Tual puanung sungah lampi tawh a kimatin inndei gol khat om a, a inndei pen a tual lam nga hi. Hih lai munah biakna-in a pum a, a hal ding uh ganhing luangte silsiang uh hi.

2 KUMPI NIHNATE 22:3

Kumpi Josiah’ kum sawm-le-giatna kumin, kumpipa in a lai-atpa Meshullam’ tapa Azaliah, a tapa Shafan, Topa’ innah sawl a,