Jeremiah 34:8 - Tedim Bible

^8-9 Zedekiah kumpipa in numei ahi zongin pasal ahi zongin Hebru mipih silate khah khia-in, kuamah in a mipih Judah mite sila-in khawi thei lo ding hi, ci-in suahtak nading thu zasak a, Jerusalem khua-a mi khempeuh tawh thuciamna a bawl khit ciangin Topa in Jeremiah a hopih hi.

Tedim Bible Revision 2017

^8-9 Zedekiah kumpipa in numei ahi a, pasal ahi zongin Hebru mipih silate khah khia-in, kuamah in a Jew mipihte sila-in khawi thei lo ding hi, ci-in suahtak nading thu zasak a, Jerusalem khua-a mi khempeuh tawh thuciamna a bawl hi.

Jeremiah 34:8 Referans Kwoze

Siampi Laibu 25:10

Note in a kum sawmngana siangtho sakin, gam sunga a teeng mi khempeuhte tungah suahtakna na genthang ding uh hi; note in nomau neihsa ciatah pai kikin note in nomau innkuanpihte ciat kiangah na ciahkik uh ciangin note adingin jubili hi ding hi.

Jeremiah 34:17

Tua ahih manin Topa in kong cih-inah “Mi khempeuh in na sanggam na mipihte uh khahkhia loin suahtakna pia lo-a ka thu hong mang lo na hih uh leh en un, Topa in kong cih-inah, note kong khahkhia-a, suahtakna kong pia ta hi. Namsau tawh kithahna, pulnatna leh kialpite tawh na sih nadingun note kong khah khia a, kong suaktasak hi. Leitung gam khempeuhte’ hong lipkhap dingin kong bawl ding hi.

2 KUMPI NIHNATE 11:17

Tua ciangin Jehoiada in amaute Topa’ mi ahih nading uh Topa leh kumpipa leh mite kikalah thuciamna khat bawl hi; kumpipa leh mite kikalah zong bawl hi.

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

Nehemiah 9:38

Hih thute khempeuh hangin a kip thuciamna khat bawlin lai-in ka gelh uh a, ka uliante uh, ka Levi mite uh leh ka siampite un zong tua lai tungah a min uh gelh uh hi.

2 KHANG TANGTHU NIHNATE 29:10

Tu-in a lauhuai a hehna eite tung pan a kiheikhiat theih nadingin Israel Pasian, Topa tawh thuciamna khat bawl ding ka lungsim ah om hi.

2 KHANG TANGTHU NIHNATE 23:16

Tua ciangin Topa’ mi ahih nading uh Jehoiada in amah leh mi khempeuh leh kumpipa kikal ah thuciamna khat bawl hi.

Thu-hilhkikna 15:12

“Na sanggampa, Hebru pasal khat ahi a, Hebru numei khat ahi zongin nang tungah hong kizuak leh, amah in nangma’ na kum guk sung hong sem ding a, a kum sagih ciangin nang kiang panin suakta-in amah na paikhia sak ding hi.

Isaiah 58:6

“Kei’ deih antan’na pen hih bang ahi hi! Gitlohna khaute phelin, hakkol savun khaute phel a, a kinengniam mite khahkhia-in, hakkol khempeuh suktan ding ahi hi.