Jeremiah 34:21 - Tedim Bible

²¹ Judah kumpipa Zedekiah leh a kumpi uliante, a galte uh’ khut sungah pia-in, amaute a that nuam mite leh note kiang pan-a a kilehkik khin zo Babilon kumpipa’ galkapte’ khut sungah ka pia ding hi.

Tedim Bible Revision 2017

²¹ Judah kumpipa Zedekiah le a kumpi uliante, a galte uhʼ khut sungah pia-in, amaute a that nuam mite le noteʼ kiang panin a kilehkik khinzo Babylon kumpipaʼ galkapteʼ khut sungah ka pia ding hi.

Jeremiah 34:21 Referans Kwoze

Jeremiah 39:6

Riblah khua-ah Babilon kumpipa in Zedekiah’ muh mahin a tapate thahlup sak a, Judah gam kumpi ulian khempeuh zong a thatlum hi.

Ezekiel 17:16

Keimah in a nungta Topa Pasian ka hih mah bangin, kumpi tokhom tungah a tusak, Babilon Kumpipa tawh a thuciamna palsat ahih manin Babilon gamah hih kumpipa si ding hi.

Jeremiah 52:10

Riblah khua-ah Babilon kumpipa in Zedekiah’ muh mahin a tate a thahlup sak a, Judah gam kumpi ulian khempeuh zong a thatlum hi.

Kah la 4:20

Amaute in galte khut sung pana a hong hu zo dinga ka up uh, Pasian’ teel a muanhuai kumpi a hong matsak uh hi.

Jeremiah 32:4

Judah kumpipa Zedekiah zong Khaldea mite’ khut sung pan a suakta kei ding a, Babilon kumpipa’ khut sungah a kipia taktak ding hi. Amah tawh maitang kimu-in a ki-en ding uh a, a kiho ding uh hi.

2 KUMPI NIHNATE 25:6

Tua ciangin amaute in kumpipa man uh a, ama tungah thukhenna a pia, Riblah a, Babilon kumpipa kiangah amah paipih uh hi.

Jeremiah 22:25

na kihtak, nang hong that nuamte’ khut sungah kong pia ding hi. Babilon kumpipa Nebukhadnezzar leh Khaldea mite’ khut sungah nang kong pia ding hi.

Jeremiah 32:3

Bang hang hiam cih leh Judah kumpipa Zedekiah in ama’ kiangah, “Bang hangin nangmah in thu genkhol a, ‘Topa in a cih-inah: En un, hih khuapi Babilon kumpipa’ khut sungah ka pia ding a, amah in a la ding hi.

Jeremiah 44:30

Topa in kong gen-inah, En un, Judah kumpipa Zedekiah, a galpa ahi amah a that nuam Babilon kumpipa Nebukhadnezzar’ khut sungah ka piak mah bangin Izipt kumpipa Faro Hofra, a galte’ khut sung, amah a that nuam mite’ khut sungah ka pia ding hi,’ hong ci hi,” a ci hi.

Jeremiah 52:8

Ahih hangin Khaldea galkapte in Zedekiah kumpipa a nungdelh uh a, Jerikho leizang-ah a phak uh ciangin a galkap khempeuh in kikhen thangin amah a taisan uh hi.

Ezekiel 17:12

“Hih a lehdo thei mite in hih thugentehna a khiatna a thei uh hiam, dong in, Babilon Kumpipa Jerusalem khua-ah hong pai-in a kumpipa leh a uliante manin Babilon-ah a ciahpihna thu gen in.

Ezekiel 17:20

Amah a awk theih nadingin ngenthang ka zak ding a, amah ka awksak ding hi. Kei tungah amah hong thutak lo ahih manin Babilon-ah paipihin tua lai-ah daan ka pia ding hi.