Jeremiah 34:18 - Tedim Bible

^18-19 Mite in kei’ mai-ah thuciamna a bawl uh ciangin bawngno phel nih suahin a kikalah a pai uh hi. Judah gam kumpi uliante, kumpi innsung mangte, siampite-a kipan bawngno phel nih kikal a, a pai khinsa gam sunga ka mite khempeuh in, ka thuciamna hong mang loin, thuciamna sunga om thute a zuih kei uh leh amaute tua bawngno ka bangsak ding hi.

Tedim Bible Revision 2017

^18-19 Mite in keiʼ mai ah thuciamna a bawl uh ciangin bawng no phel nih suahin a kikalah a pai uh hi. Judah gam kumpi uliante, kumpi innsung maangte, siampite a kipan bawng no phel nih kikalah a pai khin sa gam sunga ka mite khempeuh in ka thuciamna hong mang loin, thuciamna sunga om thute a zuih kei uh leh amaute tua bawng no ka bangsak ding hi.

Jeremiah 34:18 Referans Kwoze

Piancilna 15:10

Amah in ama' kiangah hihte khempeuh paipih a, tuate phel nih suahin, phel khat pen a phel khat tungah koih ciat hi; ahih hangin vasate phel nih suah lo hi.

Hosea 8:1

Patau kohna peengkul tum in. Muvanlai bangin galte in ka gam tunga len’ vat dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Hosea 6:7

Ahi zongin ka ciamna gam a tun’ uh ciangin amaute in Adam khua-ah ka thuciamna palsat uh a, kei tungah hong thuman lo uh hi.

Late 50:1

Vanglianpa, Topa ahi Pasian, hong pau a, nisuahna leh nitumna kikal leitung khempeuh a khawm hi.

Joshua 7:11

Israel khial khin hi; amaute in ka thupiak thuciamna palsat khin uh hi; amaute in a ki-ap nate pawlkhat la uh hi; amaute in gu-in zuauthu gen uh a, amau van lakah tua nate koih uh hi.

Thu-hilhkikna 17:2

“Topa note’ Pasian in note hong piak khua khatpeuh peuh sungah numei ahi a, pasal ahi zongin, ama thuciamna palsatin, Topa na Pasian uh muhna ah a sia-a gamta kimu-in,

ROM (Romans) 2:8

Paupeng lungsim mi, thuman thutak a ngai lo mi, a dik lo thu a ngai mite tungah hehna leh thangpaihna a koih ding hi.

Piancilna 15:8

Ahih hangin amah in, “Topa PASIAN aw, keimah in tua ka neih nading bangci theih ding ka hi hiam?” ci hi.