Jeremiah 33:9 - Tedim Bible

⁹ Jerusalem khuapi in kei adingin lungdamna, minphatna leh minthan’na ahi ding hi. A sunga om mite tungah hoihna leh hauhna ka tun’sakna thu a za minam dangte in lau-in a liing ding uh hi.

Tedim Bible Revision 2017

⁹ Jerusalem khuapi pen kei adingin lungdamna, minphatna le minthanna ahi hi. A sunga om mite tungah hoihna le hauhna ka tunsakna thu a za minam dangte lau-in a liing ding uh hi.

Jeremiah 33:9 Referans Kwoze

Isaiah 60:5

Tua ciangin nangmah in mu-in na maitai ding a, na lungsim liingin lungdam ding hi; bang hang hiam cih leh tuipi tung tawnin nangma tungah van hong kipuak ding a, minamte’ hauhna khempeuh nangma tungah hong tung ding hi.

Jeremiah 13:11

Bang hang hiam cih leh dialkaih in mite’ kawng tungah a belh cinten mah bangin Israel mi khempeuh leh Judah mi khempeuh kei tungah hong belh cinten dingin ka bawl hi. Tua hi leh amaute ka mi ahi ding uh a, ka minthan’na, ka hoihna leh ka vangliatna ding ahi ding uh hi. Ahih hangin amau in ka thu hong mang lo uh hi, Topa in kong ci hi,” hong ci hi.

Nehemiah 6:16

Ka galte un hih thu za-in, ka kiim uh-a om mi namdangte in a theih uh ciangin lamdang sa uh a, kote’ Pasian’ huhna tawh hih nasep kizo ahihna phawk uh hi.

Hosea 3:5

Tua khit ciangin Israel mite in Topa amau’ Pasian leh a kumpipa uh David lamah hong kihei kik ding uh hi. Tua hun ciangin amaute in Topa zahtakin, ama letsongte sang ding uh hi.

Jeremiah 31:4

Aw, nungak siangtho ahi Israel aw, nang kong bawl pha kik ding hi. Na khuangte na man kik ding a, a gual nuamte’ laamna-ah na va kihel ding hi.

Jeremiah 26:6

hih biakinnpi Shiloh khua ka bawl bangin ka bawl ding a, hih khuapi leitung gam khempeuhte’ kihaamsiatna-in ka zangsak ding hi,’ na ci ding hi,” a ci hi.

Isaiah 62:12

Amaute pen A siangtho mi, Topa’ tatkhiat mite kici ding a, nang pen a Kizongkhia, a kinusia lo khuapi hong kici ding hi.

Late 40:3

Eima Pasian phatna la thak keima sungah hong koih hi. Mi tampi in mu-in zahtak ding a, amaute in Topa muang ding uh hi.

Zekhariah 12:2

“Leenggahzu bangin Jerusalem khuapi ka bawl ding a, a kiim-a om minam dangte in a nek ciangin khamin hoi ding uh hi. Jerusalem khuapi a umcih uh ciangin Judah gam khuapi dangte zong umcih ding uh hi.

Jeremiah 44:8

Note in si-in, leitunga minam dang khempeuhte in kihaamsiatna-a hong zat ding uh leh a hong simmawh nadingun bang hangin na khut uh tawh milim bawl-in na teen’ nadingun na zuat uh Izipt gamah pasian dangte’ kiangah paknamtui hal-in kei hong hehsak na hi uh hiam?

Jeremiah 29:1

Jerusalem khua panin Nebukhadnezzar in Babilon khua-ah sal-a a paikhiat pih ulian om laite, siampite, kamsangte leh mi khempeuhte’ tungah kamsangpa Jeremiah in Jerusalem khua panin lai khat a khak hi.

Jeremiah 3:17

Tua hun ciangin Jerusalem khua pen Topa’ kumpi tokhom kici ding a, Jerusalem khua Topa’ omna ah Topa’ min pahtawi dingin, gam khempeuh hong kikhawm ding uh hi. Amaute in amau’ mawh nopna lungsim uh a zui tentan nawn kei ta ding uh hi.

Esther 8:17

Kumpipa’ thupiakna a tun’na gam leh khua khempeuh ah Judah mite adingin lungdamna leh kipahna, pawi bawlna leh nasep khawlin zumkhakna om hi. Tua hi a, mite in Judah mite kihta uh ahih manin tua gam-a om mi tampi tak in Judah mi ka hi uh hi, ci uh hi.

2 KHANG TANGTHU NIHNATE 20:29

Topa in Israelte’ galte a dona thu a zak uh ciangin kumpi gamte khempeuh tungah Topa a kizahtakna hong om hi.

Late 130:4

Ahih hangin nang hong kizahtak theih nadingin nangmah in mawhna na maisak hi.

Isaiah 55:13

Ling tangin taksing hong po ding a, lingkung tangin mui kung hong po ding hi; tua pen Topa’ adingin phawk tawntungna, a kilakhia lo ding a tawntunga om lim khat hi ding hi,” a ci hi.

Isaiah 62:4

Nang pen a kinusia, hong kici nawn lo ding a, na leitang pen Gamkhing, kici nawn lo ding hi. Nang pen ama tungah ka lungkimna om, hong kici a, na leitang pen Kiten’pih, kici ding hi; bang hang hiam cih leh nangma tungah Topa lungkim a, na leitang pen a kiten’pih zi bang ding hi.

Jeremiah 3:19

“‘Israel aw, ka tapa bangin nang hong bawlin, gam khempeuh lakah a hoihpen luah dingin, gam nopci khat nang hong pia ning, ci-in ka ngaihsun hi. Ka Pa aw, ci-a hong sam ding leh ka nung hong zui den ding kong sa kha hi.

Jeremiah 4:2

‘Topa a nuntak bangin,’ ci a, thuman tak, kip tak, thu tang tak-a thu na ciam nak uh leh, gam khempeuh in thupha ka piak ding hong ngen ding uh a, kei sungah amaute a lungdam ding uh hi,” a ci hi.

Jeremiah 16:19

Aw Topa, ka hatna leh ka kulhpi, lungkham hun cianga ka bukna aw, leitung mong panin gamdang mite nang’ kiangah hong pai ding uh a, “Ka pu ka pate un zuauthu leh bangmah a, kimang lo milimte longal bangmah a luah kei uh hi.

Jeremiah 24:6

Amaute lim takin ka kem ding a, hih gamah ka lakik ding hi. Amaute ka khangto sak ding a, ka susia kei ding hi; ka suan ding a, ka botkhia kei ding hi.

Jeremiah 32:42

“Bang hang hiam cih leh Topa in kong cih-inah, hih siatna khempeuh hih mite tungah ka tun’sak mah bangin, amaute tunga ka khapsa hoihna khempeuh zong ka tungsak pelmawh ding hi.

Jeremiah 33:14

“En un, Topa in kong cih-inah: Israel mite leh Judah mite’ tunga ka khapsa ka tangtun’ sak hun hong tung ding hi.

Jeremiah 49:25

Tua khuapi minthang’ lungdamna khuapi, tu-in kinusia ta hi!

Ezekiel 26:20

Tang lai-a a sisa mite tawh a teeng khawm dingin misite’ khua Leinuai-ah kong puak ding hi. Siatna a thuak tawntung lei nuai-a omte lakah kong koih ding a, a sisate tawh na om ding hi. Tua lai panin a hingte lakah a om kik dingin nong kik nawn kei ding hi.

Ezekiel 39:13

Gam sunga om mi khempeuh in misi vuina-ah huh ding uh a, tua bangin a huhna hangun ka gualzawh ni-in pahtawina ngah ding uh hi. Topa Pasian keimah in hih thu ka gen khin hi.

Thu-hilhkikna 30:5

note in na neih theih nadingun, na pu na pate uh neih leitangah Topa na Pasian un hong paipih ding hi; na pu na pate uh sangin a ci-thei zaw a tam zaw-in amah in note hong bawl ding hi.

Isaiah 62:1

Zion a kihotkhiatna thu meilah kuang bangin a taan’ khiat mateng, ama dikna thu zing khuavak bangin a taan’ khiat matengin, Zion ka ngaihsutna-in gamdai-in ka om mawk kei ding a, Jerusalem ka ngaihsutna-in ka khawl mawk kei ding hi.

Jeremiah 31:14

Siampite an limpen tawh ka vaak ding a, ka mite khempeuh in ka hoihna hangin a lungkim ding uh hi, Topa in ka ci hi.”

Ezekiel 36:35

Hih leitang pen gammang tulak a bang ngei hi napi-in tu-in Eden Huan a batna leh a kisusia, a kiluhgawp, a kinusiacip khuapite pen tu-in a muanhuai kulh tawh ki-umin a sungah mi a ten’na thu mi khempeuh in gen belin nei ding uh hi.

Zekhariah 1:17

Tua ciangin vantungmi in ka taangko nading hong genkik leuleu a, “Ama khuapite nakpi takin cithei kikin, Jerusalem khuapi a hehnep kik nading, leh ama khuapi-in Zion a neihkik nading, Topa in gen hi, ci-in gen in,” hong ci hi.