Jeremiah 33:7 - Tedim Bible

⁷ Judah mite leh Israel mite ka hausak kik ding a, nidang-a a om ngei bangun ka om sak kik ding hi.

Tedim Bible Revision 2017

⁷ Judah mite le Israel mite ka hausakkik dinga, a nidang a a omngei bangun ka omsakkik ding hi.

Jeremiah 33:7 Referans Kwoze

Jeremiah 30:3

Bang hang hiam cih leh Topa in kong cih-inah, Israel leh Judah ka mite, a saltan’na uh kong beisak kik ni a hong tung ding hi. A pute a pate-uh’ tunga ka piaksa gamah ka tun’pih kik ding a, amaute in tua gam a tang kik ding uh hi, Topa in kong ci hi,” a ci hi.

Isaiah 1:26

A masa-a bangin na thukhente, a kipat cil-a bangin na upate ka koih kik ding hi. Tua khit ciangin nang pen, thuman khuapi, thutak khuapi, hong kici ding hi.”

Jeremiah 32:44

Benjamin gam, Jerusalem khua kimkot leh, Judah gam khuapite-a kipan mual tunga khuapite, Shefelah zanglei-a khuapite leh leitaw lam Negeb gama khuapite-ah sum tawh lo kilei ding a, a theihpih mite tawh thukimna min gelhin gip tawh a kikhen ding hi; bang hang hiam cih leh keimah in amaute a gam mah uhah ka om sak kik ding hi, Topa in kong ci hi,” a ci hi.

Jeremiah 31:4

Aw, nungak siangtho ahi Israel aw, nang kong bawl pha kik ding hi. Na khuangte na man kik ding a, a gual nuamte’ laamna-ah na va kihel ding hi.

Jeremiah 29:14

Topa in kong cih-inah, note in nong mu ding uh a, na saltan’na uh hong bei sakin, kong hawlkhiatna gam khempeuh leh mun khempeuh panin kong kaikhawm kik ding a, note kong lak khiatna gam mahah kong tun’pih kik ding hi, Topa in kong ci hi.

Jeremiah 42:10

Hih gamah note na om suak uh leh note kong lam ding a, kong phel kei ding hi. Kong phut ding a, kong botkhia kei ding hi. Bang hang hiam cih leh note’ tungah siatna kong tun’ sak manin ka dah hi.

Jeremiah 33:26

Jakob leh ka nasempa David’ suante ka nial ding a, Abraham, Isaak leh Jokob’ suante a uk dingin amaute’ lakah mi khat ka teel kei ding hi. Tu-in tua bang hi loin amaute ka hausak kik ding a, ka hehpih ding hi,” a ci hi.

Jeremiah 31:28

Amaute a kibet khiat nading leh a kitap zan nading ahi zongin, a kisuan khiat nading leh a kisiat nading ahi zongin ka vaihawm mah bangin, Topa in ka cih-inah, amaute a kilam nading leh a kiphuh nadingin ka vaihawm ding hi.

Jeremiah 30:20

A tate uh nidang bang mahin a omkik ding uh a, a mite uh zong kip takin ka mai-ah ka phut ding a, amau a bawlsiate ka daantat ding hi.

Jeremiah 30:18

“Topa in kong cih-inah: En un, keimah in Jakob’ suante’ bukte ka lamkik ding a, a teen’nate uh ka hehpih ding hi. Khuapi zong a omna sa mualtung mah ah ki lamkik ding a, kumpipa’ inn zong a omna sa mah ah omkik ding hi.

Jeremiah 24:6

Amaute lim takin ka kem ding a, hih gamah ka lakik ding hi. Amaute ka khangto sak ding a, ka susia kei ding hi; ka suan ding a, ka botkhia kei ding hi.

Jeremiah 23:3

Ka mite a om lai sun teng, ka hawl khiatna gamte panin ka kaikhawm kik ding a, a gam uhah ka ciahkik sak ding hi. Amaute pung-in a khang ding uh hi.

Late 126:4

Topa aw, lei keuna mun-ah guah in tui a puak bangin kote’ nopsaknate a ngei hong bangsak kik ta in!

Late 85:1

Topa aw, nangma gam, na lungsim tawh kituak hi; Jakob’ nopsaknate a ngeina na bangsak kik hi.

Late 14:7

Zion panin Israelte’ ading hotkhiatna hong tung taleh maw! Topa in ama mite’ nopsakna a piak kik ciangin, Jakob nuamin Israel kipak ding hi.

Zekhariah 1:17

Tua ciangin vantungmi in ka taangko nading hong genkik leuleu a, “Ama khuapite nakpi takin cithei kikin, Jerusalem khuapi a hehnep kik nading, leh ama khuapi-in Zion a neihkik nading, Topa in gen hi, ci-in gen in,” hong ci hi.

Zefaniah 3:20

Tua hun ciangin, a kithehthang na mite uh kong kaikhawm ding a, leitung mi khempeuh in note hong pahtawi-in hong phat ding uh hi. A tawpna-ah note na cithei kik ding uh hi,” Topa in ci hi, a ci hi.

Hosea 2:15

Tua lai panin a leenggui lote ka pia kik ding a, Lungkhamna Kuam pen lametna kongpi ka suaksak ding hi. Izipt panin a paikhiat a nungakno hun lai mah bangin ka thugennate hong ngai ding hi.

Jeremiah 33:11

Ahih hangin lungdamna aw leh kipahna awte, zi nei thakte leh mothakte’ awte kiza kik ding hi. Mite in Topa’ biakinn ah hong pai-in lungdam biakna pia-in: ‘A vanglian Topa tungah lungdamna pia un. Bang hang hiam cih leh Topa hoih a, ama’ itna kip kho tawntung hi!’ ci-a a lasakna awte uh a kiza kik ding hi. Bang hang hiam cih leh Topa in kong cih-inah a masa-a mah bangin hih gam ka hausak kik ding hi.

Late 126:1

Topa in Zion-ah eite hong ciahpih kik ciangin, i mang tawh kibang liang hi.

Jeremiah 31:38

“En un, Topa in kong cih-inah, nisuahna lam Hananel Tau sangpi panin nitumna lam khua kulh Kiu Kongpi dongin khuapi a kibawl phat hun hong tung ding hi.

Jeremiah 50:4

“Topa in kong cih-inah, tua ni tua hun ciangin Israel mite leh Judah mite kap kawmin, hong pai khawm ding uh a, Topa a Pasian uh hong zong ding uh hi.

Kah la 4:22

Jerusalem in a mawhna thaman a sang khin zo hi. Ka thuak ding uh a nasiapen pen teng ka thuak khin zo uh hi. Ahih hangin Edom aw, Topa in nang daan hong pia ding a, na mawhna a hong pholak sak ding hi.

Ezekiel 39:25

Topa Pasian in kei kiangah, “Tu-in Jakob suan leh khakte saltan’na panin ka pikhia kik ding a, Israelte khempeuh ka hehpih ding a, amaute a cithei-in ka bawl kik ding hi. Keima min siangtho ka hu ta ding hi.

Isaiah 52:8

Ngai un, na galvilte un a aw uh sangsak a, amaute lungdamin lasa khawm uh hi; bang hang hiam cih leh Zion ah Topa hong pai kikna amaute in maitang kituahin mu uh hi.