Jeremiah 33:5 - Tedim Bible

⁵ Ka hehna leh ka thangpaihna tawh ka thahlup ding misi luangte tawh a kidimsak dingin Khaldea mite in a hong sim ding uh hi. Bang hang hiam cih leh hih khuapi sunga om mite’ gitlohna hangin hih khuapi panin ka mai ka seel hi.

Tedim Bible Revision 2017

⁵ Ka hehna le ka thangpaihna tawh ka thah lup ding misi luangte tawh a kidimsak dingin Khaldea mite in a hong sim ding uh hi. Bang hang hiam cih leh khuapi sunga a om miteʼ gitlohna hangin hih khuapi panin ka mai ka seel hi.

Jeremiah 33:5 Referans Kwoze

Isaiah 8:17

Jakob innkuante’ kiang panin a maitang a seel Topa ngakin amah ka muang ding hi.

Jeremiah 32:5

Amah in Babilon khua-ah Zedekiah a la ding a, ama tungah na ka sep mateng tua lai-ah a om ding hi. Khaldea mite na do uh hangin na zo kei ding uh hi, Topa in hong ci hi,’ ci-in bang hangin thu hilh na hi hiam?” ci-in thong sungah a khum ahi hi.

Jeremiah 21:10

Bang hang hiam cih leh Topa in kong cih-inah, hih khuapi’ hoih nading hi lo siat nadingin ka lungsim ka khensat khin zo hi. Babilon kumpipa’ khut sungah ka pia ding a, amah in mei tawh a hal ding hi,’ na ci ding hi.

Micah 3:4

Topa tungah huhna ngenin na kiko hun uh hong tung ding a, ahi zongin amah in note hong dawng lo ding hi. Note gamtatsia na hih manun, na ngetna uh hong ngai lo ding hi.

Isaiah 64:7

Tua ahih ciangin nangmah hong pom dingin a hanciam tawm, nangma min a lo kuamah om lo hi; bang hang hiam cih leh kote kiang panin nang in na maitang na seel a, mawhna khut sungah kote nong pia hi.

Thu-hilhkikna 31:17

Tua hun ciangin amaute tungah ka hehna so-in, amaute nusia-in ka mai ka seel ding a, amaute beimang ding uh hi; tua ni ciangin amaute in, ‘Eite lakah i Pasian a om loh manin hih siatnate i tungah hong tung hilo ahi hiam? a cih theih nadingun amaute tungah siatna leh gimna tampi tung ding hi.

Ezekiel 39:29

Israel mite tungah ka kha ka pia ding a, amaute ka nungngat nawn kei ding hi. Topa Pasian in hih thu ka gen khin hi,” hong ci hi.

Jeremiah 18:17

Ni suahna lam huih in nin a mut mang bangin a galte’ mai-ah amaute ka theh thang ding hi. Haksatna a tuah ni-un ka nungngat ding a, ka maingat kei ding hi,” hong ci hi.

Thu-hilhkikna 32:20

Amah in, ‘Amaute kiang panin ka mai ka seel ding a, amaute’ tawpna bang hong hi hiam ka en ding hi; bang hang hiam cih leh amaute in a lampial khang mite hi a, cihtakna a nei lo tate ahi uh hi.

Jeremiah 42:18

“Bang hang hiam na cih uh leh a vanglian Topa, Israel mite’ Pasian in kong cih-inah: Jerusalem khua-a teeng mite’ tungah ka hehna leh ka thangpaihna a kibuak mah bangin Izipt gam na pai uh leh note tungah ka hehna hong kibua ding hi. Mite in note hong lipkhap ding a, kihaamsiatna-in hong zangin hong zahko ding uh hi. Note in hih mun na mu kik nawn kei ding uh hi, ci-in a gen hi,” a ci hi.

Kah la 2:7

Topa in a siangtho biakinnpi leh a biakna tau deih nawn lo a, biakinn kulhpi galte a susiasak hi. Lungdamna tawh Amah i biakna munah, amaute gal zoin a kiko uh hi.

Thu-hilhkikna 31:18

Amaute pasian dangte lamah kihei uh ahih manin amau’ gamtatnasa siatnate khempeuh hangin tua hun ciangin ka mai ka seel taktak ding hi.