Jeremiah 33:22 - Tedim Bible

²² Vana aksite kisim zo loin, tuipi-a sehnelte a kiteh zawh loh bangin keimah in ka nasempa David’ suan-le-khakte ahi zongin, siampi Levi’ minamte ahi zongin ka pungsak den ding hi,” a ci hi.

Tedim Bible Revision 2017

²² Van a aksite kisim zo loin, tuipi a sehnelte a kiteh zawh loh bangin keimah in ka nasem pa Davidʼ suanlekhakte ahi a, siampi Levi minamte ahi zongin ka pungsak den ding hi,” hong ci hi.

Jeremiah 33:22 Referans Kwoze

Piancilna 22:17

nang thupha kong pia taktak ding hi, na suan-le-khakte van-a aksite leh tuipi gei-a sehnel bangin tampi ka phasak ding hi. Na suan-le-khakte in amau’ galte’ khuapite luah ding uh a,

Hebru 11:12

Tua ahih ciangin mi si tawh a kibang dektak, mi khat bek ahi Abraham panin a kisim ciangin aksi zah ahi zongin, tuipi gei-ah a kisim zo lo sehnelte zah ahi zongin tampite a suak uh hi.

Piancilna 15:5

Amah in a pua lamah paipih a, “Vantung lam enin aksite sim in, na sim zo hiam?” ci hi. Tua ciangin amah in, “Na suan-le-khakte tua mah bang ding hi,” ci hi.

Jeremiah 31:37

Topa in hong gen-inah, “Vantung a kiteh theih ciang leh leinuai-a leitung bulte a kivel theih ciang bek-in Israelmite’ suan leh khakte khempeuh a mawhna uh hangin ka lawnkhia mang pan ding hi, Topa in kong ci hi,”

Isaiah 66:21

Amaute kimkhat zong, siampite leh Levi mite a suak dingin ka la ding hi, Topa in ci hi.

Zekhariah 12:8

Tua ni ciangin Jerusalem-a teeng mite, Topa in hu ding a, a gina lo pente nangawn, David zahin thahat ding hi. David’ suan-le-khakte in Topa’ vantungmi bangin ahi zongin Pasian mahmah bangin ahi zongin amaute makaih ding uh hi.

Hosea 1:10

Ahi zongin, teh zawh loh, sim zawh loh zah dongin tuipi sehnel bangin Israel mite tampi pha ding uh a, tu hunin, “Note ka mi hi lo,” a kicih hangin ni khat ni ciangin, “A nungta Pasian’ tate,” kici ding hi.

Ezekiel 44:15

Tua ciangin Topa Pasian in kei kiangah, “Zadok suan leh khak Levi mi siampite ahih leh, Israel mi adangte in kei hong nusiat lai takun, amaute in citakin biakinn sungah keima na hong sem uh ahih manin, tu-in amaute in keima na hong semin, keimah biakna-in sathaute leh sasite keima kiangah hong pia ding uh hi.

Late 89:29

Ama suan-le-khakte, kumpi ka hisak ngitnget ding a, a kumpigam, vantung bangin ka kipsak ding hi.

Late 22:30

Suan-le-khakte in ama na sem ding uh hi; mite in hong piang ding mihonte tungah Topa’ thu gen ding uh a,

Piancilna 28:14

na suan-le-khakte lei lak leivui bang ding a, nitumna lam leh nisuahna lam, leilu lam leh leitaw lamah na kizelthang ding uh hi; nang leh na suan-le-khakte thupha kong piak bangin leitung innkuan khempeuh in thupha a ngah nadingun hong ngen ding uh hi.

Piancilna 13:16

Na suan-le-khakte leitung leivui zahin ka bawl ding hi; mi khatpeuh in leitung leivui a sim theih leh na suan-le-khakte zong kisim thei ding hi.

Isaiah 48:19

na suan leh khakte sehnel zah pha-in, na tu leh tate sehnel vui zah pha ding hi; keima mai-ah amaute’ min kiphiat khia lo, kisusia ngei lo ding hi,” a ci hi.

Jeremiah 30:19

Tuate sung panin lungdamna la kisa ding a, gualnopna aw kiza ding hi. Amaute ka pungsak ding a, tawmkha bek a hi kei ding uh hi. Amaute ka kipahtawi sak ding a, ka neusak kei ding hi.

Jeremiah 33:18

Levi minam lak panin zong meihal biaknate, an tawh biakna leh kithoihnate a hih tawntung dingin ka mai-a ding ding siampi kitasam ngei lo ding hi,” a ci hi.

Jeremiah 33:23

Topa in Jeremiah hopih-a,

Ezekiel 37:10

Tua ahih ciangin hong sawl bangin ka gen hi. Tua pumpite sungah hin’ theihna hu lut a, tua ciangin amaute hingin a khe-un hong ding uh hi. Galkap honpi khat zah pha-in tam mahmah uh hi.

Zekhariah 2:4

Tua ciangin vantungmi a masapa in a dawntuahpa kiangah, “Va tai in la, tehna khau a tawi tangvalpa kiangah hih thu va gen in, Jerusalem khua sungah mihing leh ganhing tam mahmah ding ahih manin Jerusalem kulh huam sungah ta zo lo ding uh hi.

Zekhariah 10:8

Amaute samin, ka kaikhawm ding a, amaute honkhia-in, ni danga zahin mi tampi ka phasak ding hi.