Jeremiah 33:2 - Tedim Bible

² “Leitung bawla a kipsak Topa, a min Topa a kici Topa in kong gen-inah:

Tedim Bible Revision 2017

² “Leitung bawlin a kipsak Topa, a min Topa a kici Topa in kong genin ah:

Jeremiah 33:2 Referans Kwoze

Isaiah 37:26

‘Sawt pek-a kipan ka sehsa hi a, ka geelsa ahih lamtak za lo na hi hiam? Nang in khuapi muanhuaite siasakin suang kiciang bang na suahsak nading, a sunga teeng mite a thahatna uh bei-in, lungkia-in a om mawk nading leh amaute pen, lo lai-a kungnote leh lopa ngeekte, innkhum zang a, a po, a khan’khit ma-a a keutum lopate tawh a kibat nading, tu huna ka tun’sak thute pen tang lai pek pan-a ka ngaihsutna ahi hi.

Paikhiatna 15:3

Topa in gal hang mi hi a, Topa in ama' min ahi hi.

Paikhiatna 6:3

Abraham, Isaak leh Jakobte' tungah Vanglian Pasian-in ka kilang a, ahih hangin Topa ahi keima' min tawh amaute' tungah kei ka kitheisak kei hi.

Mangmuhna 21:10

Kha Siangtho tawh kei a sang mual lian dawnah hong paipih a, Pasian kiang vantung pan Pasian’ vangliatna pua-in hong kiasuk Jerusalem Khuapi Siangtho hong lak hi.

Isaiah 43:1

Ahih hangin, Jakob aw, nangmah hong piangsakpa, Israel aw, nangmah hong bawlpa, Topa in tu in hih bang ci hi: “Nangmah hong honkhia khin ka hih manin lau kei in; na min tawh nang kong sam khin zo a, nang in kei’ aa na hi hi.

Isaiah 14:32

Filistia mite’ hong sawl kamtaite, mi khatpeuh in bangci dawn’ ding hiam? “Topa in Zion kipsak khin a, gimna a thuak ama mite in tua sungah buk nading mu uh hi,” ci in dawng ding hi.

Late 102:16

Bang hang hiam cih leh Topa in Zion khua lam ding a, ama minthan’na hong kilang ding hi;

Late 87:5

Zion thu tawh kisai-in ahih leh, “Minam khempeuh ama sung pan-a suak ahi hi,” kici ding hi; Bang hang hiam cih leh Sang Penpa mahmah in amah kipsak ding hi.

Mangmuhna 21:2

Tua lai takin Jerusalem khua thak ahi Khuapi Siangtho in a pasal ading a kizeemsa-in a om, a kipi mo bangin kiging kholin Pasian kiang vantung pan hong kiasuk ka mu hi.

Hebru 11:16

Ahih hangin amaute in vantung gam ahi, tua sangin a phazaw gam a deih uh hi. Tua ahih ciangin Pasian in amau Pasian a kicihna maizum loin, amau om nading khuapi a bawlkhol hi.

Hebru 11:10

Bang hang hiam na cih uh leh, a luah ding Pasian’ lamsa, bulpi kip a nei khuapi a lamen hi.

Amos 9:6

Topa in vantungah a inndeite bawl a, vankuumpi tawh leitung a khuhsuk hi. Amah in tuipi panin tuite samkhia a, lei tungah tua tuite sung hi. Hih bangin a bawlpa’ min in Topa ahi hi.

Amos 5:8

Van-a aksi Seguk leh Zawlzawngte bawlin, khuamial pen khuavak suaksak a, sun pen zan suaksakin, tuipi panin tuite samkhia a, leitungah tui a bua khiapa a min in, Topa ahi hi.

Jeremiah 32:18

Nangmah in mi tul tampite’ tungah a kikhel ngeilo itna na lak a, ahih hangin pate’ mawhnate tate’ tungah na thuk hi. A vanglian Topa a kici a lian mahmah a hat mahmah Pasian aw,

Jeremiah 10:16

Jakob’ Pasian in tua bang hi lo a, amah in na khempeuh a piangsakpa ahi hi. Ama’ mi dingin Israel mite teel a, Ama’ min in a vanglian Topa ahi hi.

Jeremiah 16:21

“Tua ahih manin, en un, amaute ka hilh ding hi. Tu tung peuhmahin ka min in Topa hi, cih a theih nadingun ka vangliatna leh ka hatna ka theisak ding hi,” ci-in Topa in a gen hi.

Jeremiah 51:19

Jakob’ Pasian in tua bang hi lo a, amah in na khempeuh a piangsakpa ahi hi. Ama’ mi dingin Israel mite teel a, ama’ min in a vanglian Topa ahi hi.

Isaiah 42:8

Keimah in Topa ka hi a, Topa pen keima min ahi hi; Pasian dang’ tungah keima minthan’na ka ngahsak kei a, a kisui milimte tungah zong keimah hong kiphatnate bang ka ngah sak kei hi.