Jeremiah 33:16 - Tedim Bible

¹⁶ Tua ni ciangin Judah mite kihonkhia ding a, Israel mite lungmuang takin a teeng ding uh hi. Amah a kisap nadingin a min, Topa in eite’ Diktatna ahi hi, ci-in a kiphuak ding hi.

Tedim Bible Revision 2017

¹⁶ Tua ni ciangin Judah mite kihon khia dinga, Israel mite lungmuang takin a teeng ding uh hi. Amah a kisap nadingin a min ‘Topa, Eiteʼ Diktanna,’ ci-in a kiphuak ding hi.

Jeremiah 33:16 Referans Kwoze

Jeremiah 23:6

Ama’ hun hong tun ciangin Judah mite a kihonkhia ding a, Israel mite lungmuang takin a teeng ding uh hi. Amah a kilawh nadingin a min, Topa IN EITE’ DIKTATNA AHI HI, ci-in a kiphuak ding hi.

1 KORIN MASA 1:30

Tua Pasian hangin note in Khazih Zeisu sungah na om uh hi. Tua Khazih Zeisu in eite ading Pasian kiang pan pilna, dikna, sian’thona leh tatkhiatna hong suak zo hi.

Isaiah 45:17

Ahih hangin Israel pen Topa in tawntung hotkhiatna tawh honkhia hi; nang in cikmah hunin maizumna na thuak kei ding hi.

Filippi 3:9

Topa hangin na khempeuh ka taan zo a, sihna pan thawhkikna thu ka ngah theih nadingin Topa’ thuak sihna sungah tumin, tua Topa ahi zongin, ama thawhkikna’ vangliatna ahi zongin, ama gimthuakna zomin thuakna ahi zongin theih tel nadingin, thukham hanga ka ngah keima dikna om loin, Khazih upna hanga ka ngah upna hangin Pasian hong piak dikna muan’na tawh Khazih a meetin ngahin, tua Topa ah kip-a ka om zawh nadingin nadangte khempeuh eek hi ci-in ka ngaihsun hi.

2 KORIN NIHNA 5:21

Pasian in mawhna a nei lo Khazih, eite tangding mawhna a suaksak hi. Bang hang hiam na cih uh leh, eite in tua mi hangin Pasian’ dikna i suah theih nading ahi hi.

ROM (Romans) 11:26

Tua ahih ciangin Lai Siangtho sungah a kigelh mah bangin Israel mite khempeuh in gupna a ngah ding uh hi. Tua a kigelhna in: “Zion Mual tungah Gumpa hong pai ding a, Pasian zahtak lohna Jakob’ suante lak pan a lakhia ding hi.

2 PETER NIHNA 1:1

Zeisu Khazih’ sila leh sawltak keimah Simon Piter in, eite Pasian leh Honpa Zeisu Khazih’ dikna hangin kote thu-up bangin a manpha upna a ngah mite ka hong zasak hi.

Isaiah 45:22

“Leitung mong khempeuhte aw, kei lamah hong kihei un la, hotkhiatna ngah un! Bang hang hiam cih leh keimah in Pasian ka hi a, kuamah dang om lo hi.

Ezekiel 28:26

Tua gam sungah lungmuang takin teeng ding uh a, amaute in inn lamin, leengguite suan ding uh hi. Israel mite a simmawh minam dangte daan ka pia ding a, Israel mite ahih leh lungmuang takin om hithiat ding uh hi. Tua ciangin keimah in Topa amau’ Pasian ka hihna thu thei ding uh hi,” hong ci hi.

Jeremiah 32:37

En in, Ka hehna, ka thangpaihna leh ka lungkimlohna lianpi tawh ka hawlkhiatna gam khempeuh panin amaute ka kaikhawm ding a, hih munah tun’pih kikin, lungmuang takin ka teengsak ding hi.

Thu-hilhkikna 33:28

Tua ahih ciangin lungmuanna sungah Israel bek teeng hi, Jakob’ suante bek, an leh leenggahzu gamah om hi; hi taktak hi, a vantungte in daitui hong khiatsuk hi.

Thu-hilhkikna 33:12

Benjamin thu genin, “Topa in a it mipa, ama kiangah nuam takin om hi; amah in sun tawntung kemin, a liang kikal-ah ama omna bawlsak hi,” a ci hi.

Ezekiel 38:8

Minam tuamtuamte lak panin kikaikhawm kikin a gam uh a kitut kik zawh gal launa nei loin a om Israel mite’ gam a sim dingin kum tampi khit ciangin kong sawl ding hi. Sau veipi sung kinusia-in gamkhing a suak ngei hi napi-in, tu-in a mite khempeuh lungmuang takin a omna Israel mual tung gamte a sim ding na hi hi.

Jeremiah 23:5

“En un, Topa in kong cih-inah, keimah in David’ suan lak panin kumpi dingin a diktat Hiang khat ka khan’ khiatsak ni hong tung ding hi. Amah gam uk siam ding a, gam sungah thuman thutang tawh thu hong khen ding hi.

Jeremiah 30:10

“Tua ahih manin Topa in kong cih-inah; Ka nasempa Jakob’ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong honkhia ding a, na suan na khakte-uh’ saltan’na panin kong honkhia ding hi. Jakob’ suante hong ciahkik ding uh a, nuam takin a teeng kik ding uh hi. Kuamah in amaute a lausak nawn kei ding hi.

Ezekiel 48:35

Khuapi kimkot a sauna tong tul sawm leh tul giat pha a, tu-a kipanin hih khuapi min in, ‘Hih lai-ah Topa om hi,’ (Jehovah Shammah) kici ding hi,” hong ci hi.

Daniel 9:7

Topa aw, nang na hih leh na dik a, ahih hangin kote ka hih uh leh a zumhuai-in ka gamta uh hi. Judah gam leh Jerusalem khua sunga teeng Israel mite khempeuh na tungah hong thuman lo uh ahih manin, a nai a gamla gam tuamtuamah na thehthang zo hi.

Jeremiah 50:7

Amau a mute in na negawp uh hi. A galte un, ‘Ko bangmah khialhna ka nei kei uh hi. Bang hang hiam cih leh a pute a pate uh a muan’ leh a lametna uh ahi Topa’ tungah amaute a mawh uh hi,’ a ci uh hi.