Jeremiah 33:12 - Tedim Bible

¹² “A vanglian Topa in kong cih-inah, mihing ganhing om lo-a mun awng ahi hih mun leh a khuapi khempeuhte ah tuucingte in tuu cing a, a teen’ theih nading mun hong om ding hi.

Tedim Bible Revision 2017

¹² “Vanglian Topa in kong cih in ah, mihing ganhing om loin mun awng ahi mun le a khuapi khempeuhte ah tuucingte in tuu cingin a ten theih nading mun hong om ding hi.

Jeremiah 33:12 Referans Kwoze

Isaiah 65:10

Amaute in kei hong zong ding uh a, Sharon gam pen amau’ tuu hon gamtatna mun suaksakin, Akhor Kuam pen amau’ bawng honte’ lupna mun a suaksak ding uh hi.

Jeremiah 51:62

tua ciangin, ‘Topa aw, hih munah mihing hi taleh, ganhing hi taleh bangmah teeng lo a, a tawntunga a kinusia gam a suah nadingin na suksiat nading na genkhia khin zo hi,’ ci-in thu gen in.

Jeremiah 36:29

Judah kumpipa Jehoiakim’ thu tawh kisai-in hih bangin ama’ kiangah va gen in: ‘Topa in hong gen-inah, Nangmah in, “Jeremiah aw, bang hangin Babilon kumpipa hong pai taktak-in hih gam hong susia ding a, mihing leh ganhing a teeng sak nawn kei ding hi, ci-in hih lai sungah gelh na hi hiam?” ci-in na gen-a tua laizial na haltum hi.

Jeremiah 31:24

Judah gam leh khuapite sungah lokhote leh tuucing a, vak kawikawi mite a teeng khawm ding uh hi.

Jeremiah 17:26

Mite in Judah gam khuapite leh Jerusalem khua kim panin ahi zongin, Benjamin gam, Shefelah zanglei gam, mualtung gam leh leitaw lam Negeb gamte panin ahi zongin meihal biakna leh kithoihnate, an tawh biakna, paknamtui leh lungdam biak piaknate Topa’ biakinn-ah hong keng uh hi.

Solomon la 1:7

Ngaihno aw, hong gen dih in. Koi lai-ah na tuu cing ding a, sun-in koi lai-ah khawl ding na hi hiam? Bang hangin tuucing dangte lakah nang hong zong kawikawi phot ding ka hi hiam? Tangval:

Jeremiah 31:12

Amaute hong pai-in Zion mual tungah ngaihtakin la a sa ding uh a, Topa’ hehpihna ahi, buh, leenggah tui, sathau leh tuuno, bawngnote’ hangin amaute a lungdam mahmah ding uh hi. A nuntakna uh, tui kibuak huan bang ahi ding a, a lungkham ngei nawn kei ding uh hi.

Jeremiah 32:15

Bang hang hiam cih leh a vanglian Topa, Israel mite’ Pasian in a hong gen-inah: Hih gamah innte, lote leh leenggah lote mite in a lei kik ta ding hi, hong ci hi,” ci-in ka gen hi.

Jeremiah 50:6

“Ka mite tuu mangthang bang ahi khin uh hi. Makai tuucingte in mualtung tengah lam khialin a gam man’ pih uh hi. Mual khat panin mual khatah a pai kawikawi uh a, a giahna inn uh a thei nawn kei uh hi.

Haggai 1:4

“Ka mite aw, ka biakinn a siacipin a om lai takin, inn hoihpipi sungah note na om ding uh kilawm ahi hiam?

Ezekiel 36:35

Hih leitang pen gammang tulak a bang ngei hi napi-in tu-in Eden Huan a batna leh a kisusia, a kiluhgawp, a kinusiacip khuapite pen tu-in a muanhuai kulh tawh ki-umin a sungah mi a ten’na thu mi khempeuh in gen belin nei ding uh hi.