Jeremiah 33:11 - Tedim Bible

¹¹ Ahih hangin lungdamna aw leh kipahna awte, zi nei thakte leh mothakte’ awte kiza kik ding hi. Mite in Topa’ biakinn ah hong pai-in lungdam biakna pia-in: ‘A vanglian Topa tungah lungdamna pia un. Bang hang hiam cih leh Topa hoih a, ama’ itna kip kho tawntung hi!’ ci-a a lasakna awte uh a kiza kik ding hi. Bang hang hiam cih leh Topa in kong cih-inah a masa-a mah bangin hih gam ka hausak kik ding hi.

Tedim Bible Revision 2017

¹¹ Ahih hangin lungdamna aw le kipahna awte, zi nei thakte le mothakteʼ awte kizakik ding hi. Topaʼ biakinn ah mite hong pai-in lungdam kohna-in: ‘Vanglian Topaʼ tungah lungdamna ko un. Bang hang hiam cih leh Topa hoih a, ama itna kip tawntung hi,’ ci-in a lasakna awte uh a kizakik ding hi. Bang hang hiam cih leh Topa in kong cih in ah, a masa-a mah bangin hih gam ka hausakkik ding hi.

Jeremiah 33:11 Referans Kwoze

1 KHANG TANGTHU MASATE 16:34

Amah hoih ahih manin Topa tungah lungdamna ko un; bang hang hiam cih leh a itna kip a tawntungin a kho hi!

Late 107:22

Lungdamkoh piaknate pia-in, ama nasepnate lungdam late tawh amaute gen sak un!

Late 107:1

Topa tungah lungdamna ko un, bang hang hiam cih leh amah hoih a, ama itna kip kho tawntung hi!

Late 106:1

Topa phat un! Topa tungah lungdamna ko un, bang hang hiam cih leh amah hoih a, ama itna kip kho tawntung hi!

Hebru 13:15

Tua ahih ciangin tua Topa hangin eite in ama min i man’ muk’ gah ahi, phatna biakna Pasian kiangah a tawntungin pia ni.

Isaiah 51:11

Topa tatsa mi a kithehthangte hong ciahkik ding a, lasakna tawh Zion ah hong pai ding uh hi; amaute, lungdam tawntung ding uh a, amaute in lungdamna leh kipakna ngahin dahna leh khuisatna nei nawn lo ding uh hi.

2 KHANG TANGTHU NIHNATE 29:31

Tua ciangin Hezekiah in, “Tu-in Topa tungah nomau mah na ki-ap khin uh hi; a nai-ah hong pai un la, Topa’ biakinn ah biak piaknate leh lungdam piaknate hong paipih un,” a ci hi. Tua ciangin a kikhawmte in biak piaknate leh lungdam piaknate hong paipih uh hi; tua ciangin a lungsim ah piak nopna lungsim a nei khempeuh in meihal biaknate hong paipih uh hi.

2 KHANG TANGTHU NIHNATE 5:13

aw kikhatin phatin Topa tungah lungdam koh ding pen peengkul tumte leh lasate’ nasep ahi hi), peengkulte leh daltuahte leh adang lasaknate tawh, “Topa tungah lungdam koh ding hoih hi, bang hang hiam cih leh ama itna kip tawntung hi,” ci-in Topa phatna-in la a kisak ciangin, Topa’ inn in meii tawh kidim a,

Mangmuhna 18:23

Meivakna nang sungah cikmah hunin kivak nawn lo ding hi. Mo leh Mopipa’ aw nang sungah cikmah hunin kiza nawn lo ding hi. Bang hang hiam na cih uh leh, na sumbukte in leitung upate ahi ngei uh hi. Nangma bum theih siamna in zong mipawlte a kheem hi.

Johan 3:29

Zipipa in zi neipa ahi hi. Ahih hangin zi neipa kiangah ding a, ama thu a za a lawmpa in zi pipa’ aw a zak manin a lungdam mahmah hi. Tua mah bangin keima lungdamna a kicing hi.

1 KHANG TANGTHU MASATE 16:8

Topa’ tungah lungdamna ko-in, ama min lo un la, ama sepnate mite lakah kitheisak un!

Zekhariah 8:19

amah in, “Kha lina, kha ngana, kha sagihna, leh kha sawmna sunga antan’nate pen, Judah gam mite’ adingin lungdamin kipakin pawi bawlna hun suak ta ding hi. Tua ahih manin thuman leh kilemna deih pha un,” hong ci hi.

Zefaniah 3:14

Zion’ tanu aw, nakpi takin la sa in la, Israel aw, lungdamin kiko in, Jerusalem tanu aw, na lungsim khempeuh tawh lungdam in.

Jeremiah 33:7

Judah mite leh Israel mite ka hausak kik ding a, nidang-a a om ngei bangun ka om sak kik ding hi.

Jeremiah 7:34

Tua ciangin Judah gam khuapite leh Jerusalem khua kongzing lakah gualnopna leh lungdamna awte leh zi nei thakte leh mothakte’ awte ka gingsak nawn kei ding hi; bang hang hiam cih leh tua mun kinusia ding hi.

Isaiah 52:9

A kisia Jerusalem munte aw, lasa-in kiko khawm un; bang hang hiam cih leh Topa in ama mite hehnem ta a, Jerusalem tankhia khin ta hi.

Late 116:17

Lungdamkoh biakpiakna nang tungah kong pia ding a, Topa tungah thu kong ngen ding hi.

2 KHANG TANGTHU NIHNATE 7:3

Israel mite khempeuh in meikuang hong pai sukin Topa’ minthan’na biakinn tungah a om a muh uh ciangin suangphah tungah lei lam maingatin kun uh a, bia-in Topa tungah lungdamna ko-in, “Topa tungah lungdam koh ding hoih hi; bang hang hiam cih leh ama itna kip tawntung hi,” a ci hi.

Zekhariah 10:7

Israel mite’ galkap hatte bang ding uh a, zukham lungnuam, bang ding uh hi. A suan a khakte un hih gualzawhna phawkin lungdam ding uh a, Topa’ bawlna hangin kipak ding uh hi.

Zekhariah 9:17

Tua thu bangzah takin hoihin nuam ding ahi hiam! Anlim nekna in tangvalte thahatsak ding a, leenggahtui thak dawnna in nungakte thadimsak ding hi.

Jonah 2:9

Ahih hangin keimah in ka hih leh lungdamna aw tawh biakna kong pia ding hi; ka ciamsa ka tangtung sak ding hi. Gupkhiatna in Topa’ aa ahi hi!” a ci hi.

Jeremiah 33:26

Jakob leh ka nasempa David’ suante ka nial ding a, Abraham, Isaak leh Jokob’ suante a uk dingin amaute’ lakah mi khat ka teel kei ding hi. Tu-in tua bang hi loin amaute ka hausak kik ding a, ka hehpih ding hi,” a ci hi.

Jeremiah 25:10

Tua tham loin lungdamna leh kipahna awte, zi nei thak pa leh mothaknu’ awte, angawina suang gingte ka gingsak nawn kei ding a, meivak taangte ka sumit ding hi.

Jeremiah 16:9

Bang hang hiam cih leh a vanglian Topa, Israel mite’ Pasian in hih bangin kong ci hi: En un, hih mun panin note’ muh tektekin, note’ theih hun sung mahin gualnopna, lungdamna awte leh zi nei thakte, pasal neithakte’ awte ka gingsak nawn kei ding hi.

Nehemiah 12:43

Pasian in nakpi takin amaute lungdamsak ahih manin amaute in tua ni-in biak piakna lian tampi pia-in lungdam uh hi; numei naupangte zong lungdam uh hi. Tua hi a, Jerusalem khua sungah lungdamna awging gamlapi pek pan nangawnin kiza hi.

Nehemiah 8:12

Tua ahih ciangin mi khempeuh an ne tui dawnin midangte a kholh ding leh lungdam-a om dingin ciah uh hi; bang hang hiam cih leh amaute tungah a kigen thute amaute in theitel uh hi.

Ezra 6:22

Tua hi a, amaute in lungdamna tawh ni sagih sung silngo sawhloh anlum pawi bawl uh hi; bang hang hiam cih leh amau’ lungdam nading a om theih nadingin Topa in Assiria kumpipa’ lungsim amau tungah a nuam dingin bawlsak a, tua ahih manin Israel Pasian ahi Pasian’ inn a sepna uhah kumpipa in amaute huh hi.

Isaiah 51:3

Bang hang hiam cih leh Topa in Zion hehnem ding hi; a kisia ama munte khempeuh puah pha-in, ama gamlakte Eden huan ka bang sak ding a, a kizang thei lo ama gamte Topa’ huan ka bang sak ding hi; ama sungah lungdamna leh kipakna, lungdam kohna leh la sakna aw om ding hi.

2 KHANG TANGTHU NIHNATE 20:21

Amah in mite tawh thu a kikup khit ciangin, galkapte mai-ah amaute a pai kawmin, “ Topa tungah lungdamna ko un, bang hang hiam cih leh ama itna kip tawntung hi,” ci-in biakna puan silhin Topa tungah la sa-in amah a phat dingte seh hi.

Isaiah 35:10

Topa’ tatkhiatsa mite hong ciah kikin, lungdam tawntungna mai pua-in lasa kawmin Jerusalem hong tung ding uh hi; amaute in lungdamna leh kipahna ngah ding uh a, dahna leh khuisatna om nawn lo ding hi.

Jeremiah 17:26

Mite in Judah gam khuapite leh Jerusalem khua kim panin ahi zongin, Benjamin gam, Shefelah zanglei gam, mualtung gam leh leitaw lam Negeb gamte panin ahi zongin meihal biakna leh kithoihnate, an tawh biakna, paknamtui leh lungdam biak piaknate Topa’ biakinn-ah hong keng uh hi.

Jeremiah 30:19

Tuate sung panin lungdamna la kisa ding a, gualnopna aw kiza ding hi. Amaute ka pungsak ding a, tawmkha bek a hi kei ding uh hi. Amaute ka kipahtawi sak ding a, ka neusak kei ding hi.

Jeremiah 32:44

Benjamin gam, Jerusalem khua kimkot leh, Judah gam khuapite-a kipan mual tunga khuapite, Shefelah zanglei-a khuapite leh leitaw lam Negeb gama khuapite-ah sum tawh lo kilei ding a, a theihpih mite tawh thukimna min gelhin gip tawh a kikhen ding hi; bang hang hiam cih leh keimah in amaute a gam mah uhah ka om sak kik ding hi, Topa in kong ci hi,” a ci hi.

Nahum 1:7

Topa hoih hi; lungkham hunin a mite huh a, amah a bel mite lim takin kem hi.

Late 85:7

Topa aw, kote tungah na itna kip hong lak in la, na hotkhiatna kote hong pia in.

Late 147:13

Bang hang hiam cih leh amah in na kulh kongpi zawlte tosak a, na mite, thupha hong piaksak hi.

Isaiah 52:8

Ngai un, na galvilte un a aw uh sangsak a, amaute lungdamin lasa khawm uh hi; bang hang hiam cih leh Zion ah Topa hong pai kikna amaute in maitang kituahin mu uh hi.

Jeremiah 29:14

Topa in kong cih-inah, note in nong mu ding uh a, na saltan’na uh hong bei sakin, kong hawlkhiatna gam khempeuh leh mun khempeuh panin kong kaikhawm kik ding a, note kong lak khiatna gam mahah kong tun’pih kik ding hi, Topa in kong ci hi.

Jeremiah 30:3

Bang hang hiam cih leh Topa in kong cih-inah, Israel leh Judah ka mite, a saltan’na uh kong beisak kik ni a hong tung ding hi. A pute a pate-uh’ tunga ka piaksa gamah ka tun’pih kik ding a, amaute in tua gam a tang kik ding uh hi, Topa in kong ci hi,” a ci hi.

Amos 9:14

Ka mi Israelte, amaute’ gam ka tun’ kik ding a, a kisia a khuapite uh lampha kikin, a sungah teeng ding uh hi. Amaute in leenggui suanin, a zu dawn ding uh a, huan bawlin, a sunga piangte ne ding uh hi.