Jeremiah 32:9 - Tedim Bible

⁹ “Keimah in zong ka innlak sanggampa Hanamel’ kiang panin Anathoth khua-a lo ka lei a, ama adingin ngun shekel sawm leh sagih ka tehkhia hi.

Tedim Bible Revision 2017

⁹ “Keimah in zong ka innlak sanggampa Hananelʼ kiang panin Anathoth khua-a lo ka lei a, ama adingin ngun shekel sawm le sagih ka teh khia hi.

Jeremiah 32:9 Referans Kwoze

Esther 3:9

Kumpipa in hoih nasak leh amaute a kisuksiat nading thu pia-in lai-in gelh in; tua hi leh nangma sumkholna sungah koih dingin na khut nuai-a na uliante tungah ngun talen tul sawm ka pia ding hi,” a ci hi.

1 KUMPI MASATE 20:39

Kumpipa in a nawk lai takin amah in kumpipa tungah kiko-in, “Na nasempa gal sungah kuan hi; en in, galkap khat hong kihei-in kei kiangah mi khat hong paipih a, ‘Hih mipa kem in; amah man’na khat a neih zenzen leh ama nuntakna taangin nangma nuntakna hi ding a, ahih kei leh ngun talen khat na liau ding hi,’ hong ci hi.

Hosea 3:2

Tua ahih ciangin ngun shekel sawm-le-nga leh mangbuhham seu sawm-le-nga tawh ka lei a,

Isaiah 55:2

An ahi lo nate’ adingin bang hangin na sum uh zang a, hong gilvah sak thei lo nate adingin bang hangin na sem na hi uh hiam? Keima thu lim takin ngai-in, a hoih nate ne un la, an limte ah nuamsa-in om un.

Piancilna 37:28

Tua ciangin Midian mi sum bawlte in hong nawk hi; amaute in Josef kai to-in dum sung panin domkhia to uh a, Ishmael mite' tungah ngun shekel sawmnih-in amah zuak uh hi; amaute in Izipt-ah Josef paipih uh hi.

Piancilna 24:22

Kalaohte in tui a dawn khit ciangin mipa in shekel lang a gik kham nakbah khat leh shekel sawm a gik kham tau nih tua nu’ khut adingin la a,

Paikhiatna 21:32

Bawngtal in sila ahi pasal hita leh numei hita leh khat a ki tawh a sik leh, a neipa in amau’ topa tungah ngun shekel sawmthum pia ding a, bawngtal kideng lum ding hi.

Nehemiah 5:15

Keima hun ma-in a ukte in mite tungah vangikpi suan uh a, amaute tung panin ni simin an leh lenggahzu ngun shekel sawmli man la uh hi. Amau’ nasemte nangawn mite tungah kiliansak lai uh hi. Ahi zongin Pasian ka zahtakna hangin tua bangin kei ka gamta kei hi.

Ezekiel 4:10

Nek khat-in anlum shekel sawmnih gik bek na ne ding a, ni khat-in khat vei bek na ne ding hi.