Jeremiah 32:8 - Tedim Bible

⁸ Tua ciangin Topa’ hong cihna mah bangin thong sungah ka inn lak sanggampa hong pai takpi-a hong hopihin, ‘Benjamin gam Anathoth khua-a ka lo hong lei in. Bang hang hiam cih leh, i ngeina bangin a nei ding leh a tankhia ding nangmah na hi hi. Nang’ adingin lei in,’ hong ci hi. Tua ciangin keimah in Topa’ hong hopihna taktak hi, ci-in ka thei hi.

Tedim Bible Revision 2017

⁸ Tua ciangin Topaʼ hong cihna bangmahin thong sungah ka innlak sanggampa hong pai takpi-in hong hopih a, ‘Benjamin gam Anathoth khua-a ka lo hong lei in. Bang hang hiam cih leh, i ngeina bangin a nei ding le a tan khia ding nangmah na hi hi. Nang adingin lei in,’ hong ci hi. Tua ciangin keimah in Topaʼ hong hopihna taktak hi, ci-in ka thei hi.

Jeremiah 32:8 Referans Kwoze

Jeremiah 32:7

En in, na pano Shallum’ tapa Hanamel nang’ kiangah hong pai ding a, ‘Anathoth khua-a ka lo hong lei in. Bang hang hiam cih leh a lei thei ding lak panin ka kinaipihpen nangmah na om hi,’ ci-in hong gen ding hi, hong ci hi.

Jeremiah 32:2

Tua hun laitakin Babilon kumpipa’ galkapte in Jerusalem khua a sim laitak hun hi a, kamsangpa Jeremiah zong Judah kumpipa’ inn huang sunga thong sungah a kikalhcip laitak ahi hi.

Jeremiah 33:1

Thong huang sungah Jeremiah a kikalhcip laitak mahin Topa in a nih veina hopih a:

1 KUMPI MASATE 22:25

Tua ciangin Mikaiah in, “En in, nangmah a bu dingin inndei sungnung ah na pai ni ciangin na mu ding hi,” a ci hi.

Johan 4:53

Tua hun in, “Na tapa a nungta ding hi,” ci-in Zeisu in a cih hun ahi hi ci-in a theih ciangin, amah akipan a innkuanpihte khempeuh tawh Zeisu thu a um uh hi.

Zekhariah 11:11

Tua ahih manin tua ni-in thuciamna kiphiat hi. Tuu summeet bawlte in hong en giugiau uh a, hih banga ka gamtatna panin Topa’ thugen ahih lam phawk uh hi.

1 KHANG TANGTHU MASATE 6:60

tua ciangin Benjamin minamte’ gam sung panin Geba a lonona gamte tawh, Alemeth a lonona gamte tawh, leh Anathoth a lonona gamte tawh ahi hi. Amau’ innkuan khempeuh’ khuapite in sawm-le-thum ahi hi.

1 KUMPI MASATE 2:26

Tua ciangin siampi Abiathar kiangah kumpipa in, “Nangma mun leh gam a omna Anathoth ah ciah in; bang hang hiam cih leh na sih ding a kilawm ahi hi. Ahih hangin nangmah in ka pa David’ mai-ah Topa Pasian’ thuciamna singkuang na puakna leh ka pa’ gimna ah na gim khopna hangin tu tungin nang kong that kei ding hi,” a ci hi.

Jeremiah 1:1

Benjamin gam Anathoth khua-a siampi khat ahi, Hilkiah’ tapa Jeremiah thu gente hih bang ahi hi.

Jeremiah 32:25

Ahih hangin Topa Pasian aw, hih khuapi Khaldea mite’ khut sung tung ding hi napi, nangmah in, “A hong theihpih ding mi sam in la,tua lo lei in,” ci-in nong sawl teitei hi,’ ci-in thu ka ngen hi,” a ci hi.

Jeremiah 37:12

Tua laitakin Jeremiah zong Jerusalem khua panin a behte kiangah a gamh luah teng la dingin Benjamin gamah pai dingin a dingkhia hi.

Ezekiel 12:7

Kei zong Topa’ hong sawl bangin ka gamta hi. Galtaite’ hih ding bang teekin tua sunin ka van guangin, tua nitak khua a mial ciangin ka khut tawh kawm ka sulet hi. Amaute’ muh mahin ka liangko-ah van kisuanin ka paikhia hi.