Jeremiah 32:7 - Tedim Bible

⁷ En in, na pano Shallum’ tapa Hanamel nang’ kiangah hong pai ding a, ‘Anathoth khua-a ka lo hong lei in. Bang hang hiam cih leh a lei thei ding lak panin ka kinaipihpen nangmah na om hi,’ ci-in hong gen ding hi, hong ci hi.

Tedim Bible Revision 2017

⁷ En in, na pano Shullamʼ tapa Hananel nang kiangah hong pai dinga, ‘Anathoth khua-a ka lo hong lei in. Bang hang hiam cih leh a lei thei ding lak panin ka kinaipih pen nangmah na om hi,’ ci-in hong gen ding hi, hong ci hi.

Jeremiah 32:7 Referans Kwoze

Jeremiah 1:1

Benjamin gam Anathoth khua-a siampi khat ahi, Hilkiah’ tapa Jeremiah thu gente hih bang ahi hi.

Jeremiah 11:21

Tua ahih manin hong that nuam a, “Topa’ min tawh thu hilh kei in. Na hilh leh kote’ khutlum-in na si ding hi,” a hong ci Anathoth khua mite tawh kisai-in

Siampi Laibu 25:25

“Na sanggampa zawngin a neihsa leitang khenkhat a zuak leh, tua ciangin amah tawh a kinai a behpa hong pai-in a sanggampa zuaksa tanh ding hi.

1 KUMPI MASATE 14:5

Tua ciangin Topa in Ahijah kiangah, “En in, a tapa tawh kisai nangma kiangah thu dong dingin Jeroboam’ zi hong pai hi; bang hang hiam cih leh amah a cina hi. Tua bang tua bangin tua nu tungah na gen ding hi,” a ci hi. Amah hong pai ciangin numei dang khatin kineih hi.

Gamlak-vakna 35:2

“Amaute in amau’ neih a luah uh sung panin ten’ nadingin Levi mite tungah khuapi a piak nadingun Israel mite thu pia in: khuapi kiim-a lonona gamte Levi mite tungah na pia ding hi.

Siampi Laibu 25:49

ama innlak pa ahih kei leh a innlak sanggampa in tanh thei ding hi; ama innkuan sunga a kinai pih a beh khatpeuh in amah tanh thei ding hi; tua ahih kei leh zong amah a hauh leh amahmah kitanh kik thei ding hi.

Siampi Laibu 25:34

Ahih hangin amau khuapi taang gamte kizuak thei lo ding hi; bang hang hiam cih leh tua in amau’ neih tawntung na ahi hi.

Siampi Laibu 25:23

Leitang in keima’ aa ahih manin neih suak dingin leitang kizuak lo ding hi; bang hang hiam cih leh note in kei tawh a omkhawm mikhual leh peemtate na hi uh hi.

Jeremiah 32:6

Jeremiah in zong, “Topa in kei hong hopih a,

Jeremiah 32:8

Tua ciangin Topa’ hong cihna mah bangin thong sungah ka inn lak sanggampa hong pai takpi-a hong hopihin, ‘Benjamin gam Anathoth khua-a ka lo hong lei in. Bang hang hiam cih leh, i ngeina bangin a nei ding leh a tankhia ding nangmah na hi hi. Nang’ adingin lei in,’ hong ci hi. Tua ciangin keimah in Topa’ hong hopihna taktak hi, ci-in ka thei hi.

Siampi Laibu 25:24

Note in na neih uh leitang khempeuh na kitanh kik sak thei ding uh hi.