Jeremiah 32:5 - Tedim Bible

⁵ Amah in Babilon khua-ah Zedekiah a la ding a, ama tungah na ka sep mateng tua lai-ah a om ding hi. Khaldea mite na do uh hangin na zo kei ding uh hi, Topa in hong ci hi,’ ci-in bang hangin thu hilh na hi hiam?” ci-in thong sungah a khum ahi hi.

Tedim Bible Revision 2017

⁵ Amah in Babylon khua ah Zedekiah la dinga, ama tungah na ka sep mateng tua lai ah om ding hi. Khaldea mite na do uh hangin na zo kei ding uh hi, Topa in hong ci hi,’ ci-in bang hangin thu hilh na hi hiam?” ci-in thong sungah a khum hi.

Jeremiah 32:5 Referans Kwoze

Ezekiel 17:15

Ahi zongin Judah Kumpipa in amah lehdo veve a, sakol galkapte leh galkap honpite a ngen dingin Izipt gamah mi paisim sak hi. A deihna bangin tangtung ding ahi hiam? Tua banga a gamtatna tawh suakta zo ding ahi hiam? A thuciamna palsat napi-in daan thuak loin om thei ding ahi hiam?

Jeremiah 39:7

Zedekiah’ mittang a khelkhiat sak khit ciangin kol bulh a, Babilon-ah a ciahpih hi.

Jeremiah 33:5

Ka hehna leh ka thangpaihna tawh ka thahlup ding misi luangte tawh a kidimsak dingin Khaldea mite in a hong sim ding uh hi. Bang hang hiam cih leh hih khuapi sunga om mite’ gitlohna hangin hih khuapi panin ka mai ka seel hi.

Jeremiah 27:22

Tuate Babilon khua-ah kipuakhia ding a, ka kan mateng tua lai-ah a om suak ding hi. Tua khit ciangin tute ka la kik ding a, hih munah ka koih kik ding hi, Topa in kong ci hi,” ci-in ka gen hi.

Ezekiel 12:13

Ama pai nading munah ka ngenthang ka zak ding a, amah awk ding hi. Tua ciangin Babilon khuapi-ah amah ka paipih ding a, a khuapi mu lopi-in tua lai-ah si ding hi.

Jeremiah 37:10

Nangmah in na gal Khaldea galkap khempeuh zo lua kisa-in buk sunga milian teng bek na suakta sak kha phial ahi zongin, amaute hong tho teitei ding uh a, hih khuapi hong hal sak veve ding uh hi,’ ci-in va gen in,” a ci hi.

Jeremiah 2:37

Nangmah in zong tua gam panin maizumna tawh na lu tungah khut koih sa-in nong paikhia ding hi; bang hang hiam cih leh na muan’ mite Topa in ka nial zo-a, amaute’ hangin na zo ngei kei ding hi.

Paunak 21:30

Pilna, theihna, thugennate in, Topa’ mai-ah bangmah man lo hi.

2 KHANG TANGTHU NIHNATE 24:20

Tua ciangin siampi Jehoiada’ tapa Zekhariah’ sungah Pasian’ Kha hong lut hi; tua ciangin amah ding-in mite en sukin mite kiangah, “Pasian in hih bangin ci hi, ‘Bang hangin na mavan’ theih loh nadingun Topa’ thupiaknate palsat na hi uh hiam? Note in Topa nusia na hih manun amah in note hong nusia hi,’ ci hi,” a ci hi.

2 KHANG TANGTHU NIHNATE 13:12

En un, kote’ lutang-in kote tawh Pasian hong omkhawm a, note a do ding sapna peengkul a tum dingin a siampite a galkap peengkulte tawh hong om uh hi. Israel’ mite aw, na pu na pate uh Pasian, Topa do kei un; bang hang hiam na cih uh leh na tangtung kei ding uh hi,” a ci hi.

Gamlak-vakna 14:41

Ahih hangin Moses in, “Bang hangin tu-in Topa’ thupiakna palsat na hi uh hiam, tangtung lo ding hilo ahi hiam?

Jeremiah 32:6

Jeremiah in zong, “Topa in kei hong hopih a,

Jeremiah 32:24

En in, khuapi lak nadingin kan a to khin zo uh hi. Namsau tawh kithahna hang, kialpi hang leh pulnatna hangin a sim Khaldea mite’ khut sungah khuapi a kipia ding hi. Na gensa bangin hong tun’ loh phamawh ahih manin en in, nangmah in na mu ta hi.

Jeremiah 39:5

Ahih hangin Khaldea galkapte in a nung delh uh a, Jerikho leizangah Zedekiah a pha uh hi. A mat khit uh ciangin Hamath gam Riblah khua-ah, Babilon kumpipa Nebukhadnezzar’ kiangah a paipih uh a, amah in thukhenna a pia hi.

Kah la 1:14

Amah in ka mawhnate khempeuh ciamteh a, hen-in lom khat suahin ka ngawng zangah hong khih a, gik lua mahmah ahih manin ka taang zo peuhmah kei hi. Topa in ka galte khut sungah hong pia ahih manin bang mah ka hih thei nawn kei hi.

Ezekiel 12:12

Amaute a uk ulianpa in khuamial lakah ama van a liangko-ah pua-in paikhia ding hi. Ama paikhiat nadingin amaute in kulh tawhvang sakin tua panin amah suakta ding hi. Amah in a mai humcip ding ahih manin a paina mun mu thei lo ding hi.

Jeremiah 39:4

Judah kumpipa Zedekiah leh galkap khempeuh in amaute a muh uh ciangin a tai sim uh hi. Zan laitakin kumpipa’ huan sung tawnin kulh tegel kikal-a kongpi kan tan-in khuapi sung pan a paikhia uh a, Arabah leizang lam a manawh uh hi.