Jeremiah 32:43 - Tedim Bible

⁴³ Nangmah in hih gam in mihing leh ganhing’ teen’ lohna gam simtham hi a, Khaldea mite’ khut sungah kipia ding hi, ci-a na gen hangin hih gamah lo kilei kik ding hi.

Tedim Bible Revision 2017

⁴³ Nangmah in, hih gam pen mihing le ganhing a ten lohna gam simtham hi dinga, Khaldea miteʼ khut sungah kipia ding hi, ci-in na gen hangin tu-in hih gamah lo kileikik ta ding hi.

Jeremiah 32:43 Referans Kwoze

Jeremiah 32:15

Bang hang hiam cih leh a vanglian Topa, Israel mite’ Pasian in a hong gen-inah: Hih gamah innte, lote leh leenggah lote mite in a lei kik ta ding hi, hong ci hi,” ci-in ka gen hi.

Jeremiah 32:36

“Jeremiah aw, nangmah in hih khuapi, namsau tawh thahna, kial leh pulnatna tawh Babilon kumpipa’ khut sungah kipia ding hi, na ci hi. Tu-in tua bang na cihna hih khuapi tawh kisai-in Topa, Israel mite’ Pasian in kong gen-inah:

Jeremiah 33:10

“Topa in kong cih-inah, note in, ‘Hih munah mihing, ganhing om loin mun dai suak hi,’ ci-in na gen uh mah bangin Judah gam khuapite leh Jerusalem khua kongzingte awng a, mihing ganhing kuamah a teeng kei hi.

Jeremiah 32:25

Ahih hangin Topa Pasian aw, hih khuapi Khaldea mite’ khut sung tung ding hi napi, nangmah in, “A hong theihpih ding mi sam in la,tua lo lei in,” ci-in nong sawl teitei hi,’ ci-in thu ka ngen hi,” a ci hi.

Jeremiah 33:12

“A vanglian Topa in kong cih-inah, mihing ganhing om lo-a mun awng ahi hih mun leh a khuapi khempeuhte ah tuucingte in tuu cing a, a teen’ theih nading mun hong om ding hi.

Ezekiel 28:26

Tua gam sungah lungmuang takin teeng ding uh a, amaute in inn lamin, leengguite suan ding uh hi. Israel mite a simmawh minam dangte daan ka pia ding a, Israel mite ahih leh lungmuang takin om hithiat ding uh hi. Tua ciangin keimah in Topa amau’ Pasian ka hihna thu thei ding uh hi,” hong ci hi.