Jeremiah 32:40 - Tedim Bible

⁴⁰ Amaute’ tungah a tawntungin hoihna ka bawl det nadingin amaute tawh tawntung thuciamna khat ka bawl ding hi. Kei’ kiang panin a kiheikhiat loh nadingun amaute’ sungah kei hong zahtakna lungsim ka koih ding hi.

Tedim Bible Revision 2017

⁴⁰ Amaute tungah a tawntungin hoihna ka bawl den nadingin amaute tawh tawntung thuciamna khat ka bawl ding hi. Kei kiang panin a kiheikhiat loh nadingun amaute sungah kei hong zahtak nading uh lungsim ka guan ding hi.

Jeremiah 32:40 Referans Kwoze

Ezekiel 36:26

Note sungah lungtang thak leh kha thak kong guan ding a, na suang lungtang uh hong lak khiatsakin mihing lungtang kong guan ding hi.

Jeremiah 24:7

Keimah Topa ka hih lam theihtheihna lungsim ka pia ding hi. Amaute in a lungsim khempeuh uh tawh kei kiangah hong kileh ding uh ahih manin amaute ka mi ahi ding uh a, keimah in amaute’ Pasian ka hi ding hi.

1 PETER MASA 1:5

Tua luahna in a nunung bel hun ciangin hong kilat nadingin a kibawlkholsa-a om gupkhiatna i ngah nadingin i upmanin Pasian’ vangliatna in hong kipsak note ading, vantungah kikhol-a a om luahna ahi hi.

Jeim 1:17

A pha a kicing hong piak thupha a om khempeuh in khuavakna’ Pa kiang vantung panin hong pai uh hi. Tua pa in kikheel lo tham loin, kihei-in a lim zong a kiasak kei hi.

Ezekiel 39:29

Israel mite tungah ka kha ka pia ding a, amaute ka nungngat nawn kei ding hi. Topa Pasian in hih thu ka gen khin hi,” hong ci hi.

Isaiah 55:3

Ka mite aw, ka thu ngai un la, kei kiangah hong pai un; nuntakna na ngah theih nadingun hong za un; David tungah ka kamciam mah bangin, keima itna kip ahi tawntung thuciamna note tawh ka bawl ding hi.

Jeremiah 50:5

Zion khua lampi a dong ding uh a, tua khua lam maingat-in, ‘Hong pai un. A kimangngilh ngei nawn lo ding tawntung thuciamna khat Topa’ tungah ciam khawm dih ni,’ a ci ding uh hi.

Hebru 13:20

A tawntung kiciamna sisan hangin Tuucing lianpa ahi, i Topa Zeisu sihna pan a thokiksak nopna Pasian in,

2 SAMUEL NIHNA 23:4

amah in amaute tungah zingsang khuavak bangin taang a meii kaai loh ni zingsang-a nitaang khia, lei lak panin lopate a selkhiasak guahtui bang hi.

Hebru 7:24

Zeisu ahih leh, a tawntung kip ahih ciangin a kikheel ngei lo siampi-za a ngah hi.

Hebru 4:1

Tua ahih ciangin Pasian’ nopsakna sungah tum zawh nading thu hong kiciamna in eite ading a om lai napi-in, note lakah khat peuhmah in a phak zawh loh khak ding lung hihmawhhuai hi.

Isaiah 61:8

Bang hang hiam cih leh keimah Topa in thutang deihin, mi’ nate suhna leh khialhna ka mudah hi; amaute tungah amau thaman thuman takin ka pia ding a,, tawntung thuciamna amaute tawh ka bawl ding hi.

Isaiah 24:5

Ama tunga teengte in leitung ninsak uh hi; bang hang hiam cih leh amaute in thukhamte mang loin, ngeina kipte palsat uh a, tawntung thuciamna peel uh hi.

Thu-hilhkikna 31:6

Thahat un la, hang un, lau kei un la, amaute kihta kei un: bang hang hiam cih leh note tawh hong paipa in Topa na Pasian uh ahi hi; note hong cimawhsak lo ding a, hong nusia lo ding hi,” a ci hi.

Thu-hilhkikna 31:8

Na mai-ah a paipa in Topa ahi hi; amah in nang tawh hong om ding a, nang hong cimawhsak loin, zong hong nusia lo ding hi; lau kei in la, lungkia kei in,” a ci hi.

Jeremiah 31:34

Kuamah in midangte leh a sanggamte uh’ kiangah, ‘Topa thei in,’ ci-in a kihilh nawn kei ding uh hi: bang hang hiam cih leh Topa in kong cih-inah, amaute a neupen panin a lianpen dongin, a vekpi-un kei a hong thei ding uh hi. Bang hang hiam cih leh amaute’ khialhnate ka maisak ding a, amaute’ mawhnate zong phawkin ka nei nawn kei ding hi,” a ci hi.

Ezekiel 37:26

Amaute lungmuangin a om tawntung nading uh thuciamna khat ka bawl ding a, amaute thupha pia-in a mi ka pungsak ding hi. Amaute lakah a om tawntung dingin ka biakinnpi ka phut ding hi.

Late 80:19

Ka ngei uh hong bangsak kik in, mihonpite’ Topa Pasian! Kote hong kihotkhiat theih nadingin na maitang hong taang sak in!

Ezekiel 36:27

Note sungah keima kha kong guan ding a, note tungah kong piak ka thukhamte leh ka thupiakte lim takin kong zui sak ding hi.

Micah 4:5

Bang hang hiam cih leh mi khempeuh in, amau’ pasian ciat bia-in a thu mang ding uh a, ahi zongin eite in i hih leh i Topa Pasian a tawntungin bia-in a thu i mang ding hi.