Jeremiah 32:39 - Tedim Bible

³⁹ Amaute’ hoih nading leh amaute’ nung-a a tu a tate uh’ hoih nadingin a tawntungin kei hong zahtak nadingun lungsim kikhat leh nuntakdan kikhat ka pia ding hi.

Tedim Bible Revision 2017

³⁹ Amauteʼ hoih nading le amauteʼ nung a a tu a tate uh a hoih nadingin a tawntungin kei hong zahtak nadingun a lungsim uh kikhat sakin, a nuntak dan uh zong ka kikhatsak ding hi.

Jeremiah 32:39 Referans Kwoze

Sawltak 4:32

Thu-um mite in a lungsim leh a ngaihsut uh kikhat a, kuamah in ama neihsa khatpeuh peuh pen ama’ aa tuamin ngaihsun loin, a neih khempeuh uh a neikhawm uh hi.

Johan 17:21

Nang in kei nong sawl cih leitung mite in a up nadingun Pa aw, keima sungah na om a, kei in nangma sungah ka om bangin, amaute zong eimau sungah om-in pumkhat a suah nadingun thu kong ngen hi.

Ezekiel 37:25

A pu a pate uh a ten’ nasa ahi ka nasempa Jakob tungah ka piak leitangah amaute teeng ding uh a, amaute bek hi loin a suan a khak dongun teeng suak ding uh hi. Ka nasempa David in amaute uk tawntung ding hi.

Ezekiel 36:26

Note sungah lungtang thak leh kha thak kong guan ding a, na suang lungtang uh hong lak khiatsakin mihing lungtang kong guan ding hi.

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Jeremiah 32:40

Amaute’ tungah a tawntungin hoihna ka bawl det nadingin amaute tawh tawntung thuciamna khat ka bawl ding hi. Kei’ kiang panin a kiheikhiat loh nadingun amaute’ sungah kei hong zahtakna lungsim ka koih ding hi.

Paunak 23:17

Mawhnei mite eng kha kei in la, Topa na zahtakna zom paisuak in.

2 KHANG TANGTHU NIHNATE 30:12

Topa’ thupiakna tawh kumpipa leh uliante’ sawlna a sem dingin Judah mite tungah Pasian in lungsim kikhatna guan hi.

1 KORIN MASA 7:14

Bang hang hiam na cih uh leh, thu-um lo pasal in a zi hangin a siangtho hi. Thu-um lo zi in a unau hangin a siangtho hi. Ahih kei leh, na tate uh a siangtho kei ding uh hi. Tu-in ahih leh, a siangtho uh hi.

Isaiah 35:8

Tua lai-ah lam lianpi khat om ding a, Lampi Siangtho kici ding hi; a siang lo mite in tua tung tawn ngei lo ding a, mi haite in tua lam a zui mite khialsak nawn lo ding hi.

2 KORIN NIHNA 13:11

A tawpna thu in ute naute aw, na cidam ta un. Kicin’na, kihehnepna na nei un. Lungsim kikhatin om un. Khat leh khat kilemin om un. Tua bang na hih uh leh, itna nopna Pasian in no tawh hong omkhawm ding hi.

ROM (Romans) 11:16

A kipia masa buhneel a sian’tho leh, a lompi in a siangtho ding hi. A zung a sian’tho leh, a hiangte zong a siangtho ding uh hi.

Sawltak 9:31

Tua ahih ciangin Judah gam, Galile gam, Samaria gam mun khempeuh ah pawlpite in lungkimin kipna a ngah uh hi. Pasian kihtakna leh Kha Siangtho huhna tawh omin a khang semsem uh hi.

Sawltak 3:26

Pasian in a Silapa hong thawhsak khit ciangin, note na vekpi un na khialhna uh pan hong kikheelsakin, note thupha hong pia dingin note kiangah hong paisak masa hi,” a ci hi.

Sawltak 2:39

Bang hang hiam na cih leh, kiciamna in note leh na tate uh ahi zongin, gamla-ah a om Topa i Pasian in a sap ding mi khempeuh ading ahi hi,” ci-in a gen hi.

Ezekiel 37:22

Israel mual tung gamah, amaute minam khatin ka gawmkik ding hi. Amaute in a uk ding khat nei ding uh a, amaute minam nih-in kikhen nawn lo ding uh a, kumpi nih-in kikhen nawn lo ding uh a, kumpi gam nih-in zong kikhen nawn lo ding uh hi.

Jeremiah 6:16

Topa in mite tungah, “Lamka bomah ding un la, khuadak un. Lam hoih ahi, lampi luite dong un la, tawn un. Na kha uh ading tawldamna na mu ding uh hi,” a ci hi. Ahih hangin amau in, “Ka tawn kei ding uh hi,” a ci uh hi.

Isaiah 52:8

Ngai un, na galvilte un a aw uh sangsak a, amaute lungdamin lasa khawm uh hi; bang hang hiam cih leh Zion ah Topa hong pai kikna amaute in maitang kituahin mu uh hi.

Late 128:6

Na tute a mu dingin hong siam hen la, Israelte tungah nopna om ta hen!

Late 112:1

Topa phat un. Topa zahtak-in ama thupiaknate nuam a sa mahmah mi in thupha ngahpa ahi hi!

Thu-hilhkikna 5:29

Amaute leh a suan a khakte uh a nopsak tawntung theih nadingin keimah zahtak ding leh ka thupiak khempeuh zuih ding hih bang ngaihsutna nei tawntung le-uh ka deih ahi hi.

Piancilna 22:12

Amah in, “Tangvalpa su kei in, ama' tungah bangmah hih kei in; bang hang hiam cih leh nang in Pasian na zahtakna tu-in ka thei a, na tapa, na tapa khat bek ahi, keima adingin na humcip lohna ka mu hi,” ci hi.

Piancilna 18:19

Im kei ning. Bang hang hiam cih leh Topa in Abraham’ tunga a ciamsa thu a tun’sak theih nadingin ama' khit-a a tate leh a innkuanpihte in thuman leh thutang-a nasepna tawh Topa’ thupiakte a zuih theih nadingun a hilh dingin amah ka teel khin hi,” ci hi.

Piancilna 17:7

Nang leh nang’ khit cianga na suan-le-khakte' tungah Pasian ka hihna ding tawntung thuciam nadingin kei leh nang leh nang’ khit cianga na suan-le-khakte’ kikal-ah amau' khang tawntungin ka thuciamna ka kipsak ding hi.

Thu-hilhkikna 6:24

Tu hun-a bangin i nuntak theih nadingin amah in eite’ hoih tawntung nading deihna ah Topa i Pasian zahtakin hih thukhamte khempeuh i zuih ding Topa in thu hong pia hi.

Late 86:11

Topa aw, nang tungah hong thumanin na lampi ka zuih theih nadingin kei hong hilh in; nangma min a zahtakte tawh ka lungsim pumkhat hong hi sak in.

Isaiah 65:23

Amaute in a mawkna dingin na sem lo ding uh a, lungkham nadingin ta nei lo ding uh hi; bang hang hiam cih leh amaute pen Topa’ thupha piak suan leh khakte hi ding uh a, amau’ tate amaute tawh nungta khawm ding uh hi.

Jeremiah 31:33

Ahih hangin Topa in kong cih-inah, tua hun hong tun’ ciangin Israel minamte tawh hih bangin thuciamna ka bawl ding hi: amaute sungah ka thukham ka koih ding a, amaute’ lungtang tungah ka gelh ding hi. Keimah in amaute’ Pasian ka hi ding a, amaute in keima’ mite ahi ding uh hi.

Jeremiah 24:7

Keimah Topa ka hih lam theihtheihna lungsim ka pia ding hi. Amaute in a lungsim khempeuh uh tawh kei kiangah hong kileh ding uh ahih manin amaute ka mi ahi ding uh a, keimah in amaute’ Pasian ka hi ding hi.

Ezekiel 37:24

Ka nasempa David in amaute’ kumpi hi ding a, mi khat ukna nuai-ah amaute kigawmin, ka thukhamte hoih takin zui ding uh hi.