Jeremiah 32:34 - Tedim Bible

³⁴ Amaute in ka min tawh a kilo biakinn sung nangawn ah a kihhuai milimte a koih uh a, a ninsak uh hi.

Tedim Bible Revision 2017

³⁴ Amaute in ka min tawh a kilo biakinn sung nangawn ah a kihhuai milimte a koih uh a, a ninsak uh hi.

Jeremiah 32:34 Referans Kwoze

Jeremiah 7:30

“Bang hang hiam cih leh, Topa in kong cih-inah, Judah mite in hoih ka sak loh nate a hih khin zo uh hi. Ka min tawh a kilo ka biakinn a nit sak nadingun kihhuai milimte a koih uh hi.

Jeremiah 23:11

Topa in a cih-inah: “Kamsangte leh siampite in Pasian a zahtak kei uh hi. Ka biakinn sung nangawn ah amau’ gitlohna ka mu hi.

2 KHANG TANGTHU NIHNATE 33:15

Tua ciangin amah in Topa’ inn panin gamdang pasiante leh milim lakhia a, Topa’ inn mual tung leh Jerusalem a, ama lamsa biakna tau khempeuh lakhia-in, khuapi pua lamah tuate paai hi.

2 KUMPI NIHNATE 23:6

Tua ciangin amah in Topa’ inn panin Jerusalem pualam, Kidron lui-ah Asherah milim paikhiatpih-in Kidron lui-ah hal a, tua ciangin amah in sat vui-in mi nautangte’ han tungah a vuite lawn hi.

2 KUMPI NIHNATE 21:1

Manasseh in uk ding a kipatin kum sawm-le-nih pha a, amah in Jerusalem ah kum sawmnga-le-nga sung uk hi. Ama nu’ min in Hefzibah ahi hi.

Jeremiah 7:10

tua ciangin ka min tawh a kilo hih biakinn sungah ka mai-ah hong pai-in hong ding-in, ‘Hong kihonkhia zo hi,’ na cih khit uh ciangin hih a muh thadah huai nate khempeuh va hih kik zel ding na hi uh hiam?

Jeremiah 19:4

Bang hang hiam cih leh hih mite in kei hong taisan khin zo uh a, amaute-a kipanin a pu a pate uh leh Judah kumpite’ theih ngei loh pasian dangte’ kiangah paknamtui a hal uh a, hih mun a ninsak uh hi. Hih mun mawhna nei lo mite thahna sisan tawh a dimsak uh a,

Jeremiah 34:15

Zan diakin no na kisik kik uh a, na mipihte ciat uh suaktak nading tangko-in, ka min tawh a kilo biakinnpi sung ka mai-ah thuciamna na bawl uh a, ka muhna-ah a kilawm na khat na sem khin zo uh hi.

Jeremiah 44:4

Ahih hangin note kiangah ka nasem kamsangte khempeuh kong sawl a, ‘Ka muhdah hih a kihhuai na na hih nawn kei un,’ ci-in kong gensak tawntung hi.

2 KHANG TANGTHU NIHNATE 36:14

A makai siampite leh mi khempeuh zong tua mah bangin citak lo mahmah uh a, minamte’ kihhuainate zui uh hi; amah in Jerusalem ah a siangtho-in a koih Topa’ inn amaute in ninsak uh hi.

Jeremiah 7:31

Ben-Hinnom mualkuam-ah a tapate a tanute uh mei sungah a hallup nading uh Tofeth a kici biakna tau khat a bawl uh hi. Tua pen kei’ sawl lah hi loin, zong ka ngaihsun kha beek kei hi.

Jeremiah 30:14

Na lawm ngaihte un hong mangngilh khin uh a, hong don nawn lo uh hi. Bang hang hiam cih leh na khialhnate uh lian lua-in, na mawhnate uh nasia lua ahih manin, galte bangin note kong bawl-a, nasia takin daan kong thuaksak hi.