Jeremiah 32:32 - Tedim Bible

³² Bang hang hiam cih leh Israel mite leh Judah mite, a kumpite uh leh a kumpi uliante uh, a siampite uh leh a kamsangte uh akipan Judah mite leh Jeursalem khua mite khempeuh in kei hong heh sak nadingin siatna a bawl uh hi.

Tedim Bible Revision 2017

³² Bang hang hiam cih leh Israel mite le Judah mite, a kumpite uh le a kumpi uliante uh, a siampite uh le a kamsangte uh a kipan Judah mite le Jerusalem khua mite khempeuh in kei hong hehsak nadingin siatna a bawl uh hi.

Jeremiah 32:32 Referans Kwoze

Daniel 9:8

Ka kumpite uh, ko hong ukte leh ka pu ka pate uh a zumhuai-in gamta uh a, nangmah hong uk Topa tungah a khial khin uh hi.

Jeremiah 2:26

“Guta khat a kimat cianga a zum bangin, Israel mite, a kumpite uh, uliante, a siampite uh leh a kamsangte uh zong a zum ding uh hi.

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh leh letsong deih uh hi. Amaute in pa nei lote pan’pih lo uh a, meigongnu’ thu amaute in sang lo uh hi.

Ezra 9:7

Ka pu ka pate uh huna kipanin tu hun dong mawhna lianpi ka nei uh hi. Tua thu hangin ka kumpite uh leh ka siampite un gamdang kumpite khut sungah sihna, salsuahna, neihsa kisuhna, leh maizumna thuak uh a, tu hunin zong tua bangmah ka thuak uh hi.

Daniel 9:6

Ka kumpite uh, ko hong ukte uh, ka pu ka pate uh leh minam khempeuhte tunga na min tawh thu a hong gen na nasem kamsangte’ thu ka ngai kei uh hi.

Ezekiel 22:6

Na sunga om Israel ulian khempeuh in amau’ thatang muang uh a, mi that uh hi.

Jeremiah 44:17

Ahih hangin ka ciamsa uh bangin kote, ka pute ka pate, ka kumpite uh leh kumpi uliante in Judah gam khuapite leh Jerusalem khua kongzing lakah ka hih ngei uh bangin vantung kumpinu kiangah paknamtui hal-in tuidawn biakna ka hih zaw ding uh hi. Bang hang hiam cih leh ka tuacih uh ciangin an tampi ka nei uh a, hau-in gimna zong ka thuak kei uh hi.

Jeremiah 44:21

“Judah gam khuapite leh Jerusalem khua kongzing lakah note, na pute na pate uh, na kumpite uh leh kumpi uliante akipan gamsung mi khempeuh in paknamtui halna na bawl uh ciangin Topa in tua pen a phawk lo sa na hi uh hiam? A ngaihsun lo sa na hi uh hiam?

Daniel 9:16

Nang na diktat hi, tua ahih ciangin Jerusalem na mual siang tungpan na hehna na lakhia in. Tua in na khuapi hi a, na mual siangtho ahi hi. Kote leh ka pute ka pate uh khialhna leh gitlohna hangin ka kiim ka paam uh a mite khempeuh in Jerusalem leh na mite a hong simmawh uh hi.

Isaiah 22:1

Kuam sunga mangmuhna tawh kisai thu: Kikona tawh a kidim, a gamlum khuapi, lungdam a, a diang khua aw, note khempeuh, innkhum zangah na kahtoh uh bang na cihnopna uh ahi hiam? A kithat nangma mite pen namsau tawh kithat lo a, galsunga si hi lo uh hi.

Jeremiah 7:17

Judah gam khuapite sung leh Jerusalem khua kongzing lakah bang hih uh cih mu lo na hi hiam?

Daniel 9:7

Topa aw, nang na hih leh na dik a, ahih hangin kote ka hih uh leh a zumhuai-in ka gamta uh hi. Judah gam leh Jerusalem khua sunga teeng Israel mite khempeuh na tungah hong thuman lo uh ahih manin, a nai a gamla gam tuamtuamah na thehthang zo hi.